Filipibi 2:17 - Somi He Ɔ

¹⁷ Se ke a plɛ ye muɔ ngɔ pue nyɛ hemi kɛ yemi bɔ kɛ jami ɔ nɔ po ɔ, i ngɛ he tsui nɛ i kɛ nyɛ tsuo ma na bua jɔmi;

BAIBLO ALOO NGMAMI KLƆUKLƆU Ɔ

¹⁷ Ke e maa ba mi kaa a ma plɛ ye muɔ kɛ pue nyɛ he bɔ nɛ nyɛ ngɛ sãe kɛ ngɛ nyɛ hemi kɛ yemi he ní tsue ɔ nɔ po ɔ, ye bua maa jɔ, nɛ i kɛ nyɛ ma nya.

Filipibi 2:17 ပူးပေါင်းရင်းမြစ်များ

2 Timoteo 4:6

Ejakaa ami lɛɛ, a ngɛ ye muɔ plee kɛ ngɛ si puee mo kaa bɔ, nɛ ye jemi be ɔ su.

Romabi 15:16

konɛ ma plɛ Yesu Kristo sɔmɔlɔ ha majeli ɔmɛ, nɛ ma tsu Mawu Sane Kpakpa a he osɔfo ni tsumi ɔ, konɛ majeli ɔmɛ nɛ plɛ bɔ nɛ sa Mawu hɛ mi saminya nɛ a tsukɔ he ngɛ Mumi Klɔuklɔu mi.

2 Korintobi 12:15

Se i suɔ babauu kaa ma puɛ nihi kulaa nɛ i ngɛ kɛ imi nitsɛ ye he tete ngɛ nyɛ klaa amɛ a he. Ke i suɔ nyɛ babauu kikɛ ɔ, e sɛ́ kaa nyɛ hu nyɛɛ suɔ mi ja lo?

Kolosebi 1:24

Jehanɛ ye bua jɔɔ ngɛ ye nɔ namihi nɛ i naa ngɛ nyɛ he ɔmɛ a mi, nɛ i haa nihi nɛ piɛ ngɛ Kristo amanehulu ɔmɛ a mi ɔ hyiɔ tɔ ngɛ ye he lo ɔ mi ha e nɔmlɔ tso nɛ ji asafo ɔ.

Filipibi 1:20

ngɛ ye blɔ hyemi kɛ hɛ kɛ nɔ fɔmi ɔ nya, kaa zo be mi gbee ngɛ nɔ́ ko nɔ́ ko mi, se mohu, bɔ nɛ a peɔ daa a, jã jehanɛ hu a kɛ kã tsuo maa wo Kristo hɛ mi nyami ngɛ ye nɔmlɔ tso mi, ngɛ wami mi jio, gbenɔ mi jio.

2 Korintobi 7:4

I ngɛ hemi kɛ yemi babauu ngɛ nyɛ mi, nɛ jeha nɛ ɔ, i fiaa fɔɔ nyɛ nɔ babauu. I hyi tɔ kɛ bua jɔmi, i hyi tɔ kɛ be nɔ kɛ bua jɔmi nɛ i ngɛ ngɛ wa nɔ nami ɔmɛ kulaa mi ɔ.

1 Yohane 3:16

Enɛ ɔ mi wa naa suɔmi ngɛ, kaa Kristo ngɔ e wami ngɔ fɔ si ngɛ wa he, lɔ ɔ he ɔ e sa kaa wɔ hu waa kɛ wa wami fɔɔ si ngɛ wa nyɛmimɛ a he.

Romabi 12:1

Lɔ ɔ he ɔ, mamimɛ, i kɛ Mawu mɔbɔ nami ngɛ nyɛ pɛɛ kpae, kaa nyɛɛ ngɔ nyɛ nɔmlɔ tso ɔmɛ ngɔ da si kaa bɔ klɔuklɔu nɛ hɛ ngɛ nɛ he tsɔ nɛ sa Mawu hɛ mi nɛ nyɛ jami ɔ nɛ pee mumi mi jami.

1 Petro 2:5

nɛ nyɛ hu, nyɛ ha a ngɔ nyɛ kaa tɛ nɛ hɛ ngɛ nɛ a kɛ fia mumi mi sɔlemi tsu nɛ nyɛɛ pee osɔfohi a weku konɛ nyɛɛ sã mumi mi bɔ nɛ sa Mawu hɛ mi kɛ gu Yesu Kristo nɔ.

1 Tesalonikabi 2:8

Akɛnɛ wa suɔ nyɛ saminya he je ɔ, wa ngɛ he tsui kaa pi Mawu sane kpakpa a kɛkɛ nɛ waa kɛ ma ha nyɛ, se mohu wɔ nitsɛmɛ wa wami tete, ejakaa wa suɔ nyɛ wawɛɛ.

Filipibi 4:18

I na nihi kulaa kɛ be nɔ, i tɔ kɛ nihi nɛ nyɛɛ kɛ mane Epafrodito kɛ ba ha mi ɔ nɛ ji via jemi kpakpa kɛ bɔ nɛ sa Mawu hɛ mi ɔ.

Filipibi 2:30

ejakaa Kristo ni tsumi ɔ he ɔ, e su gbenɔ he tataata, nɛ e sake e wami ngɔ fɔ he, konɛ e kɛ gbe nɔ́ nɛ piɛ ha nyɛ ngɛ sɔmɔmi nɛ nyɛɛ kɛ ma sɔmɔ mi ɔ nya.

Ni Tsumi 21:13

Kɛkɛ nɛ Paulo he nɔ nɛ e ke: “Mɛni nyɛ ngɛ pee nɛ ɔ, nyɛ ngɛ ya foe kɛ ma tsɔ ye tsui? Se imi lɛɛ, pi fimi kɛkɛ nɛ i dla ye he ngɔ to, se mohu gbenɔ nitse ngɛ Nyɔmtsɛ Yesu biɛ ɔ he ngɛ Yerusalem.”

Ni Tsumi 20:24

Se kɛ̃ ɔ, i bui enɛ ɔmɛ a mi kake ngmelu, nɛ ye wami hu i bui kaa e he jua wa ngɛ ye hɛ mi, benɛ pee nɛ i kɛ bua jɔmi nɛ gbe ye blɔ nyɛɛmi ɔ kɛ sɔmɔmi nɛ i na kɛ je Nyɔmtsɛ Yesu dɛ mi, kaa ma ye Mawu dloomi sane kpakpa a he odase faii, ɔ nya.

2 Korintobi 6:10

kaa kɔmɔ yeli, se wa bua jɔɔ daa; kaa ohiafohi, se wa tsakee nihi fuu ngɔ peɔ niatsɛmɛ; kaa nihi nɛ be nɔ́ ko, se kɛ̃ ɔ wa ngɛ nihi kulaa.

Filipibi 2:18

ja nɔuu kɛ nyɛ hu nyɛ bua nɛ jɔ nɛ nyɛɛ kɛ mi nɛ na bua jɔmi.

2 Korintobi 4:12

Lɔ ɔ he ɔ jehanɛ, gbenɔ tsuɔ ni ngɛ wa mi, se nyɛɛ lɛɛ, wami tsuɔ ni ngɛ nyɛ mi.