Filipibi 2:15 - Somi He Ɔ

¹⁵ konɛ nyɛ he ko hi piami, nɛ nyɛɛ pee he tsɔli, Mawu bimɛ nɛ a he be piami ko ngɛ yi nɔ kpɛkpɛɛ nɛ be e jebo nɔ nɛ ɔ mi, nihi a kpɛti nɛ nyɛ tsoo kaa kane ngɛ je nɛ ɔ mi,

BAIBLO ALOO NGMAMI KLƆUKLƆU Ɔ

¹⁵ Ke nyɛ pee ja a, nyɛ he ma tsɔ, nɛ piami ko piami ko be nyɛ he hie; nyɛ maa pee Mawu bimɛ nitsɛnitsɛmɛ ngɛ yayami peeli, kɛ nihi nɛ a tue wa a a kpɛti. Ejakaa nyɛ je mi bami he tsɔ kaa bɔ nɛ dodoe kpɛɔ.

Filipibi 2:15 ပူးပေါင်းရင်းမြစ်များ

1 Petro 2:12

nɛ nyɛɛ ba nyɛ je mi saminya ngɛ maje li a bimɛ ɔmɛ a kpɛti, konɛ nɔ́ mi nɛ a tuɔ nyɛ he munyu ngɛ kaa yayami peeli ɔ, nyɛ ni tsumi kpakpahi nɛ a naa a, a kɛ wo Mawu hɛ mi nyami ngɛ e bami ligbi ɔ nɔ.

Mateo 5:45

enɛ ɔ ma ha nyɛ ma plɛ nyɛ tsɛ nɛ ngɛ hiɔwe ɔ bimɛ, ejakaa e haa e pu jee ngɛ nimli yayamihi kɛ nimli kpakpahi a nɔ, nɛ e haa hiɔmi nɛɛ haa dali kɛ yayami peeli.

1 Tesalonikabi 5:23

He jɔmi Mawu ɔ nitsɛ nɛ tsukɔ nyɛ he kulaa kɛ pi si, nɛ e hyɛ nyɛ mumi kɛ nyɛ klaa kɛ nyɛ nɔmlɔ tso ɔ kulaa nɔ nɛ piami ko ko hi he ngɛ wa Nyɔmtsɛ Yesu Kristo bami be ɔ mi.

2 Petro 3:14

Lɔ ɔ he ɔ, mamimɛ, akɛnɛ nyɛ ngɛ kikɛmɛ a ni nɛ ɔmɛ a blɔ hyɛe nɛ ɔ, nyɛɛ bɔ mɔde konɛ nyɛɛ kɛ lɛ kpɛti nɛ hi he jɔmi nɛ a na nyɛ nɛ mu loo piami ko ko hi nyɛ he ngɛ e hɛ mi.

1 Korintobi 1:8

lɛ nɔuu e ma wlua nyɛ kɛ maa ya nyagbe konɛ piami ko ko hi nyɛ he ngɛ wa Nyɔmtsɛ Yesu Kristo ligbi ɔ nɔ.

Tito 2:10

a ko ju, se mohu a kɛ anɔkuale yemi nitsɛ nɛ tsɔɔ mɛ, konɛ a kɛ wo Mawu nɛ ji wa yi wami helɔ ɔ tsɔɔmi ɔ hɛ mi nyami ngɛ nihi kulaa mi.

1 Petro 2:9

Se nyɛɛ lɛɛ, weku nɛ a hla ji nyɛ, matsɛmɛ nɛ yeɔ osɔlohi, je ma klɔuklɔu, ma nɛ e ngɔ pee e nɔ, konɛ nyɛɛ jaje nɔ nɛ tsɛ nyɛ kɛ je diblii ɔ mi kɛ ba lɛ nitsɛ e nyakpɛ la a he ɔ agbo jemi ɔ.

Mateo 5:48

Lɔ ɔ he ɔ nyɛɛ hi kɛ pi si, kaa bɔ nɛ nyɛ tsɛ nɛ ngɛ hiɔwe ɔ hu hi kɛ pi si ɔ.”

1 Timoteo 3:10

Se ni nɛ ɔmɛ hu a ka mɛ nɛ a hyɛ lolo; lɔ ɔ se ke sane ko be a he ɔ, a sɔmɔ.

1 Timoteo 3:2

Se e sa kaa nɔ hyɛlɔ ɔ nɛ hi si bɔ nɛ a be e he sane ko nae, nɔ nɛ ngɛ yo kake, hɛ si kalɔ, nɔ nɛ juɛmi mi tsɔ, nɔ nɛ baa e je mi saminya, nibwɔ peelɔ, nɔ nɛ le ni tsɔɔmi;

Filipibi 1:10

konɛ nyɛɛ hi klɔuu nɛ piami ko ko hi nyɛ blɔfami kɛ yaa su Kristo ligbi ɔ nɔ,

Efesobi 5:27

konɛ e ngɔ lɛ ngɔ da si ha lɛ nitsɛ e he kaa hɛ mi nyami asafo nɛ he be piami ko loo hɛ mi kuami ko loo jamɛ a nɔ́ ko, se mohu e pee klɔuklɔu nɛ piami ko ko hi e he.

Romabi 16:19

Se nyɛɛ lɛɛ, nyɛ tue bumi ɔ nihi tsuo nu he, lɔ ɔ he ɔ i na nyɛ he bua jɔmi. Se i suɔ kaa nyɛɛ pee nyɛ he ni leli ngɛ nɔ kpakpa blɔfami; se nɔ yayami blɔfami ɔ, nihi nɛ a li nɔ́ ko.

Ni Tsumi 2:40

Nɛ e tu munyu kpahi fuu e kɛ ye odase nɛ e kɛ wo mɛ ga ke: “Nyɛ ha a he nyɛ yi wami kɛ je yi nɔ kpɛ̃kpɛ̃e nɛ ɔ mi.”

Mateo 10:16

“Oʼɛ, i ngɛ nyɛ hsɔe kaa jijɔhi ngɛ ogbeteehi a kpɛti; lɔ ɔ he ɔ nyɛ hɛ mi nɛ tɛ kaa sinɔhi, nɛ nyɛɛ pee kpoo kaa okpohi.

Hebribi 7:26

Yesu ji Osɔfo nɔkɔtɔma nɛ sa wɔ pɛ: nɔ nɛ he tsɔ, nɛ yayami ko be e he, nɛ e he be piami ko, nɛ e tsɔ e he kɛ je yayami peeli a he, nɛ a wo e nɔ kɛ be hiɔwe, he;

Tito 2:15

De mɛ ni nɛ ɔmɛ, nɛ o wo mɛ ga ngɛ he, nɛ o kã a hɛ mi ngɛ he kɛ he wami tsuo. Ko ha nɔ ko nɛ ngɔ mo kaa nɔ nɛ sɛ bumi.

Tito 1:6

lɔ ɔ ji, a ti nɔ tsuaa nɔ nɛ pee nɔ ko nɛ piami ko be e he, nɛ e ji nɔ nɛ ngɛ yo kake, nɛ e ngɛ bimɛ nɛ heɔ yeɔ nɛ a tui a he munyu yaya kaa yaholi loo tuegboli ji mɛ.

1 Timoteo 5:20

Ninɛmɛ nɛ peɔ yayami ɔ, ka mɛ ngɛ nihi kulaa a hɛ mi, konɛ ninɛmɛ nɛ piɛ ɔ hu nɛ ye gbeye.

Ni Tsumi 20:30

Nɛ nyɛ nitsɛmɛ nyɛ kpɛti hu ɔ, nyumuhi nɛ tuɔ nihi nɛ dɛ maa te si, nɛ a ma kpaka kaseli ɔmɛ ngɔ pue a se.

Yohane 5:35

Yohane ji kane nɛ ngɛ tsoe nɛ ngɛ kpee ɔ nɛ, se nyɛɛ lɛɛ, nyɛ suɔ kaa nyɛ bua nɛ jɔ be kpiti kɛkɛ ngɛ e la a mi.

Luka 6:35

Mohu nyɛɛ suɔ nyɛ henyɛli, nɛ nyɛɛ pee kpakpa nɛ nyɛɛ pa nɛ nyɛ ko hyɛ nɔ́ ko blɔ kulaa, nɛ nyɛ hiɔwo maa hiɛ, nɛ nyɛ ma plɛ Hiɔweno ɔ bimɛ, ejakaa e muklii mi jɔɔ haa tlumuhi kɛ nimli yayamihi.

Mateo 17:17

Se Yesu he nɔ nɛ e ke: “Oo yi nɔ bi nɛ he we yi nɛ be a hanɔ! Mɛni be i kɛ nyɛ maa hi si kɛ ya su? Mɛni be nɔuu ma to ye tsui si ha nyɛ kɛ ya su? Nyɛɛ kɛ lɛ nɛ ba ye ngɔ ngɛ hiɛ ɔ.”

Kpojemi 3:9

Oʼɛ, i kɛ ni komɛ nɛ je Satan kpe he ɔ nɛ deɔ ke Yudafohi ji mɛ se e be mi ja, se mohu lakpa mohu a ngɛ yee ɔ maa ba o hɛ mi; oʼɛ, ma ha nɛ a ba nɛ a ba nu o nane nɛ a ja mo, konɛ a le kaa imi lɛɛ i suɔ mo.

1 Timoteo 5:14

Lɔ ɔ he ɔ, i suɔ kaa yalɔyihi nɛ wɛ́ lolo ɔ a gba, nɛ a fɔ bimɛ, nɛ a ye a we nɔ, nɛ a ko ha he nyɛlɔ ɔ nɛ na sane ko nɛ e kɛ jɛ wɔ;

1 Timoteo 5:7

Wo mɛ mlaa ngɛ enɛ ɔmɛ a he konɛ a ko na a he munyu ko nɛ a tu.

2 Korintobi 6:17

Kɔlɔ ɔ he ɔ Nyɔmtsɛ ɔ ke: “Nyɛɛ je a kpɛti, nɛ nyɛ tsɔ nyɛ he Nɛ nyɛ ko ta mu nɔ́ ko he, Nɛ ma he nyɛ atuu.

Luka 1:6

Nɛ mɛ ni enyɔ ɔ tsuo ɔ dali ji mɛ ngɛ Mawu hɛ mi, nɛ a yeɔ Nyɔmtsɛ ɔ kitahi kɛ e mlaa amɛ kulaa nɔ, nɛ piami ko be a he.

Filipibi 3:6

mɔde bɔmi blɔfami ɔ, asafo ɔ yi mi walɔ ji mi, nɛ dami ngɛ Mlaa a nya a, piami ko be ye he.

Kpojemi 2:5

Lɔ ɔ he ɔ kaii he nɛ o je kɛ nɔ si ɔ, nɛ o tsake o tsui, nɛ o tsu kekle ni tsumi ɔmɛ; se ke pi ja a, ma ba o ngɔ oya, nɛ ma je o kane tso ɔ kɛ maa je e ma he ɔ, ja o pia o he.