Filipibi 2:14 - Somi He Ɔ

¹⁴ Nyɛɛ pee nyɛ nihi kulaa nɛ munyu huitihuiti kɛ nɔ jemi ko ba mi;

BAIBLO ALOO NGMAMI KLƆUKLƆU Ɔ

¹⁴ Nɔ́ tsuaa nɔ́ nɛ nyɛ ngɛ pee ɔ, nyɛ ko wo nyɛ mi mi la, nɛ nyɛ ko sã nya ngɛ he.

Filipibi 2:14 ပူးပေါင်းရင်းမြစ်များ

Mateo 20:11

Se benɛ e su a dɛ ɔ, a pɛ ngɛ a nya he kɛ si we tsɛ ɔ,

Marko 14:5

Ejakaa jinɛ kikɛmɛ a nu nɛ ɔ ɔ, a ma nyɛ maa jua pe cedi lafa etɛ na a kɛ ha ohiafohi!” Nɛ a muklii mi fu lɛ.

Marko 9:14

Benɛ a ba su e kaseli ɔmɛ a ngɔ ɔ, a na nihi fuu nɛ bu a he kɛ mlaa tsɔɔli ɔmɛ nɛ a ngɛ a he ni bie,

Luka 5:30

Nɛ Farisifo ɔmɛ kɛ mlaa tsɔɔli ɔmɛ tu munyu huitihuiti wo e kaseli ɔmɛ ke: “Mɛni he je nyɛɛ kɛ onia tsuli kɛ yayami peeli ngɛ ni yee nɛ nyɛɛ kɛ mɛ ngɛ nue nɛ ɔ?”

Ni Tsumi 15:2

Nɛ benɛ Paulo kɛ Barnaba kɛ mɛ sa nya nɛ a kɛ mɛ je nɔ hluu ɔ, a to kaa Paulo kɛ Barnaba kɛ a ti ni komɛ hu nɛ ya bɔfo ɔmɛ kɛ nikɔtɔmahi nɛ ngɛ Yerusalem ɔmɛ a ngɔ ngɛ kikɛmɛ a munyu nɛ ɔ he.

Ni Tsumi 15:39

Lɔ ɔ he ɔ, enɛ ɔ pee mɛ nya sami babauu nɛ e ha a gba a mi, nɛ Barnaba ngɔ Marko ngɔ piɛ e he, nɛ a gu lɛ mi kɛ ho Kipro ya.

Ni Tsumi 15:7

Se benɛ a sa nya hluu ɔ, Petro te si da si, nɛ e de mɛ ke: “Tsaatsɛmɛ kɛ mamimɛ, nyɛ nitsɛmɛ nyɛ le kaa kɛ je lokoo nɛ Mawu hla mi kaa majeli ɔmɛ a nu sane kpakpa a kɛ je ye nya, nɛ a he ye.

Ni Tsumi 6:1

Jamɛ a be ɔmɛ a mi, benɛ kaseli ɔmɛ a he ngɛ hiɛe ɔ, munyu huitihuiti ko ba te si ngɛ Helenibi ɔmɛ a kpɛti ngɛ Hebribi ɔmɛ a he, ejakaa hɛ jee a yalɔyi ɔmɛ a nɔ ngɛ a daa hyemi ɔ blɔfami.

Romabi 12:18

Ke e maa hi ɔ, nyɛ blɔfami ɔ, nyɛɛ kɛ nimli tsuo nɛ hi si ngɛ he jɔmi mi.

Romabi 14:1

Nɔ nɛ gbɔjɔ ngɛ hemi kɛ yemi mi ɔ, nyɛ he lɛ atuu, se nyɛ ko kojo e susumi ɔmɛ.

Romabi 16:17

Jeha nɛ, mamimɛ, i kpa nyɛ pɛɛ nɛ nyɛ hɛ nɛ hi nihi nɛ jee tsɔɔmi nɛ nyɛ kase ɔ se nɛ a kɛ mi gbamihi kɛ kpangmi tomi nihi baa amɛ a he, nɛ nyɛɛ hɛ nyɛ he kɛ je a he.

1 Korintobi 10:10

Nɛ jehanɛ hu nyɛ ko tu munyu huitihuiti kaa bɔ nɛ a ti ni komɛ tu munyu huitihuiti nɛ nɔ́ puɛlɔ ɔ ba kpata a hɛ mi ɔ.

2 Korintobi 12:20

Ejakaa i ngɛ gbeye yee kaa alinɔ ke i ba a, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ; kaa eko ɔ pɛ, hunga jemi, mi mi la, huhui, sieku yemi, munyu huitihuiti tumi, he nɔ womi, basabasa peemi ngɛ nyɛ kpɛti.

Galatabi 5:15

Se ke nyɛ kɔɔ nyɛ he nɛ nyɛ plaa nyɛ he ɔ, nyɛɛ hyɛ nɛ nyɛ ko puɛ nyɛ he!

Galatabi 5:26

Wa hɛ ko kɔ yakayaka hɛ mi nyami nɔ, nɛ wa ko wo wa sibi a muklii mi la nɛ wa he ba tsɛ̃ wa sibi.

Filipibi 2:3

Nyɛ ko ngmɛ mi gbami loo yaka hɛ mi nyami hlami blɔ, se mohu nyɛɛ kɛ he si bami juɛmi nɛ bu nyɛ sibi pe nyɛ nitsɛmɛ nyɛ he;

1 Tesalonikabi 5:13

nɛ nyɛɛ bu mɛ saminya ngɛ suɔmi mi ngɛ a ni tsumi ɔ he. Nyɛɛ hi si ngɛ he jɔmi mi.

1 Tesalonikabi 5:15

Nyɛɛ hyɛ nɛ hi konɛ nɔ ko ko ngɔ yayami ngɔ to yayami nane mi, se mohu daa nɛ ɔ nyɛɛ di kpakpa peemi se ngɔ ha nyɛ he kɛ nihi kulaa.

Hebribi 12:14

Nyɛɛ bɔ mɔde nɛ nyɛɛ kɛ nihi kulaa nɛ hi si ngɛ he jɔmi mi, kɛ he tsɔmi nɛ ke nɔ ko si nɛ e be Nyɔmtsɛ ɔ nae ɔ.

Yakobo 1:20

Ejakaa nyumu muklii mi fumi tsu we Mawu dami nya ni.

Yakobo 3:14

Se ke hunga jemi yaya kɛ pɛ, kɛ he suɔmi ngɛ nyɛ mi ɔ, nyɛ ko fia nɛ nyɛɛ ye lakpa ngɔ si anɔkuale ɔ.

Yakobo 5:9

Mamimɛ, nyɛ ko pia nyɛ sibi konɛ Mawu ko kojo nyɛ. Oʼɛ, kojolɔ ɔ daa si ngɛ sinya a nya.

1 Petro 3:11

E sa e he kɛ je yayami he nɛ e pee kpakpa. E hla he jɔmi nɛ e nyɛɛ kɔlɔ ɔ se.

1 Petro 4:9

Nyɛɛ pee nyɛ sibi nibwɔ nɛ zanue lami ko hi mi.

Yuda 1:16

Nimli nɛ ɔmɛ ji nihi nɛ tuɔ munyu yaya, sieku yeli kɛ nɔ piali nɛ nɔ muɛ́ a hɛ nɛ a nyɛɛ mɛ nitsɛmɛ a kɔnɔ yayahi a se; a peɔ nya puu, nɛ a gbee nimli a yi mi ngɛ se nami he.