Filipibi 2:11 - Somi He Ɔ

¹¹ nɛ lilɛ tsuaa lilɛ nɛ jaje paa ke Yesu Kristo ji Nyɔmtsɛ kɛ wo Tsɛ Mawu ɔ hɛ mi nyami.

BAIBLO ALOO NGMAMI KLƆUKLƆU Ɔ

¹¹ nɛ a maa jaje paa ke, Yesu Kristo ji Nyɔmtsɛ; a maa pee ja kɛ wo Tsɛ Mawu ɔ hɛ mi nyami.

Filipibi 2:11 ပူးပေါင်းရင်းမြစ်များ

1 Yohane 4:15

Nɔ tsuaa nɔ nɛ jajeɔ paa kaa Yesu ji Mawu Bi ɔ, Mawu hii e mi, nɛ lɛ hu e hii Mawu mi.

Romabi 14:11

Ejakaa a ngma ke: “Nyɔmtsɛ ɔ ke: Akɛnɛ ye hɛ ngɛ nɛ ɔ ɔ, Nakutso tsuaa nakutso ma kpla si ha mi; Nɛ lilɛ tsuaa lilɛ maa jaje Mawu ngɔ tsɔɔ.”

Yohane 13:13

Nyɛɛ lɛɛ nyɛ tsɛɛ mi tsɔɔlɔ kɛ Nyɔmtsɛ, na nyɛ tɔ we, ejakaa ja ji mi.

1 Yohane 4:2

Enɛ nyɛɛ kɛ ma yo Mawu mumi ɔ: Mumi tsuaa mumi nɛ jajeɔ paa kaa Yesu Kristo ba ngɛ he lo mi ɔ, e je Mawu mi.

Romabi 14:9

Ejakaa enɛ ɔ he je nɛ Kristo gbo nɛ e te si nɛ e hɛ ngɛ benɛ pee nɛ e plɛ ni gbogboehi kɛ ninɛmɛ nɛ a hɛ ngɛ kulaa a Nyɔmtsɛ.

1 Korintobi 12:3

Lɔ ɔ he ɔ, i ngɛ hae nɛ nyɛɛ le kaa, nɔ nɛ tuɔ munyu ngɛ Mawu mumi mi ɔ, de we ke Yesu ɔ musutsɛ ji lɛ, nɛ nɔ ko be nyɛe ma de ke Yesu ji Nyɔmtsɛ hulɔ, kaa ja Mumi Klɔuklɔu ɔ kpaka lɛ.

Yohane 14:13

Nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, lɔ ɔ ma pee, konɛ Tsɛ ɔ hɛ mi nɛ ba nyami ngɛ Bi ɔ mi.

1 Petro 1:21

Nyɛ gu e nɔ he Mawu, nɔ nɛ tle lɛ si kɛ je gbeje nɛ e wo e hɛ mi nyami ɔ ye, benɛ pee nɛ nyɛ hemi kɛ yemi kɛ nyɛ hɛ kɛ nɔ fɔmi nɛ hi Mawu nɔ.

1 Korintobi 8:6

kɛ̃ ɔ wɔɔ lɛɛ, Mawu kaketoo wa ngɛ, Tsɛ ɔ, nɔ mi nɛ nihi kulaa je nɛ wa ngɛ ha lɛ ɔ, kɛ Nyɔmtsɛ kake hu nɛ ji Yesu Kristo ɔ, nɔ nɔ nɛ nihi kulaa gu kɛ ba nɛ wɔ hu wa gu e nɔ ɔ.

Kpojemi 3:5

Kunimi yelɔ ɔ, a maa wo lɛ tade hiɔ, nɛ i be e biɛ gbee ngɛ wami womi ɔ mi gblegbleegblee, nɛ ma wo e biɛ ta ngɛ Tsaatsɛ hɛ mi kɛ e bɔfo ɔmɛ a hɛ mi.

Mateo 10:32

“Lɔ ɔ he ɔ, nɔ tsuaa nɔ nɛ gbaa mi woɔ ye ta ngɛ nimli a hɛ mi ɔ, imi hu ma gba mi ma mo e ta ngɛ Tsaatsɛ nɛ ngɛ hiɔwe ɔ hɛ mi.

Ni Tsumi 10:36

Mawu tsɔ nɛ a kɛ munyu ɔ ya ha Israelbi, nɛ a gu Yesu Kristo nɔ kɛ jaje he jɔmi sane kpakpa a ngɔ tsɔɔ mɛ, lɛ ji nihi tsuo a Nyɔmtsɛ.

Ni Tsumi 2:36

“Lɔ ɔ he ɔ, ha Israel we ɔ kulaa nɛ le tutuutu kaa Mawu ngɔ kikɛmɛ a Yesu nɛ nyɛ sɛu lɛ nɛ ɔ ngɔ pee Nyɔmtsɛ kɛ Kristo tsuo.”

Yohane 9:22

E fɔli ɔmɛ de enɛ ɔ ejakaa a ngɛ Yudafo ɔmɛ gbeye yee. Se Yudafo ɔmɛ so ngɔ to kaa, ke nɔ ko gba mi de ke, lɛ ji Kristo ɔ, a maa fie lɛ kɛ maa je kpe he ɔ.

Yohane 5:23

konɛ nihi tsuo bu Bi ɔ, kaa bɔ nɛ a buu Tsɛ ɔ. Nɔ nɛ bui Bi ɔ, e bui Tsɛ ɔ nɛ tsɔ lɛ ɔ hulɔ.

2 Yohane 1:7

Ejakaa sisili tuu ba je ɔ mi, nihi nɛ jaje we kaa Yesu Kristo ba ngɛ he lo mi; nɔ nɛ ɔmɛ ji sisilɔ kɛ lakpa kristo ɔ nɛ.

1 Korintobi 15:47

Kekle nɔmlɔ nɛ je zugba a mi ɔ, zu ʼi, nɔmlɔ nɛ ji enyɔ ɔ je hiɔwe.

Romabi 15:9

konɛ majeli ɔmɛ a wo Mawu hɛ mi nyami ngɛ mɔbɔ nami he, kaa bɔ nɛ sa ngma a ke: “Enɛ ɔ he ɔ ma je o yi ngɛ majeli ɔmɛ a kpɛti, Nɛ ma wo o biɛ ta kɛ la.”

Yohane 20:28

Toma he nɔ nɛ e de lɛ ke: “Ye Nyɔmtsɛ kɛ ye Mawu.”

Yohane 17:1

Benɛ Yesu de ni nɛ ɔmɛ se ɔ, e wo e hɛ nɔ kɛ ya hiɔwe, nɛ e ke: “Tsaatsɛ, ngmlɛfia a su. Wo o bi ɔ hɛ mi nyami, konɛ o bi ɔ hu nɛ wo o hɛ mi nyami.

Yohane 12:42

Se kɛ ɔ, nikɔtɔma amɛ tete a ti nihi fuu he e nɔ ye, se Farisifo ɔmɛ a he ɔ, a ja je we paa, konɛ a ko fie mɛ kɛ je kpe he ɔ;

Luka 2:11

kaa mwɔ nɛ ɔ a fɔ yi wami helɔ nɛ ji Kristo, Nyɔmtsɛ ɔ, ngɔ ha nyɛ ngɛ David ma a mi.

Yohane 14:23

Yesu he nɔ nɛ e de lɛ ke: “Ke nɔ ko suɔ mi ɔ, e maa ye ye munyu ɔ nɔ, nɛ Tsaatsɛ maa suɔ lɛ, nɛ wa maa ba e ngɔ, nɛ waa kɛ e ngɔ maa pee wa sihi he.

Yohane 13:14

Jeha nɛ ɔ, ke imi tsɔɔlɔ kɛ Nyɔmtsɛ ɔ, i fɔ nyɛ nane he ɔ, e sa kaa nyɛ hu nyɛ fɔɔ nyɛ sibi a nane he.