Filipibi 2:1 - Somi He Ɔ

¹ Lɔ ɔ he ɔ, ke Kristo mi munyu tumi kɛ tsɔɔmi ko ngɛ ke suɔmi bua womi ko ngɛ, ke mumi mi huɛ bɔmi ko ngɛ, ke muklii mi sami kɛ mɔbɔ nami ko ngɛ ɔ,

BAIBLO ALOO NGMAMI KLƆUKLƆU Ɔ

¹ Nɛ nyɛ ngɔ nyɛ he ngɔ ha Kristo ɔ, e woɔ nyɛ he wami, nɛ e suɔmi ɔ haa nyɛ bua jɔmi. Nyɛɛ kɛ mumi ɔ ngɛ bɔe, nɛ lɔ ɔ he ɔ, nyɛ nuɔ nɔ́ he ha nyɛ sibi, nɛ nyɛ naa mɛ mɔbɔ.

Filipibi 2:1 ပူးပေါင်းရင်းမြစ်များ

Luka 2:25

Jeha nɛ ɔ nyumu ko ngɛ Yerusalem nɛ a tsɛɛ lɛ Simeon; nɛ lɛ nyumu ɔ dalɔ ji lɛ nɛ e yee Mawu gbeye; e ngɛ Israel bua jɔmi ɔ blɔ hyɛe, nɛ Mumi Klɔuklɔu ngɛ e nɔ.

Yohane 14:18

“I be nyɛ sie ahusa, i ma nyɛ ngɔ.

Yohane 14:27

“Hejɔmi i ngɛ sie ha nyɛ; hejɔmi nɛ ji ye nɔ ɔ i kɛ ngɛ nyɛ hae, pi bɔ nɛ je ɔ haa a nɛ i kɛ ngɛ nyɛ hae nɛ ɔ. Nyɛ ko ye nyɛ tsui, nɛ jeha nɛ ɔ hu nyɛ ko ye gbeye.

Yohane 17:13

Se jeha nɛ ɔ ɔ, i ma o ngɔ, nɛ i ngɛ ni nɛ ɔmɛ dee ngɛ je ɔ mi, konɛ a na ye bua jɔmi ɔ nɛ e nu si ngɛ a mi?

Ni Tsumi 2:46

Nɛ daa ligbi ɔ, a kɛ juɛmi kake yaa sɔlemi we ɔ, nɛ a kuɔ abolo ngɛ wehi a mi, nɛ a kɛ bua jɔmi kɛ tsui klɔuu yeɔ ni,

Ni Tsumi 4:32

Nihi babauu nɛ he ye ɔ kulaa hɛɛ tsui kake kɛ mumi kake, nɛ a ti nɔ ko nɔ ko tsɛ we e nihi nɛ e ngɛ ɔ mi eko ke lɛ nitse e nɔ, se mohu a ngɔ kulaa ngɔ pee kake.

Romabi 5:5

Hɛ kɛ nɔ fɔmi ɔ gbi nɔ zo, ejakaa a gu Mumi Klɔuklɔu nɛ a ngɔ ha wɔ ɔ nɔ plɛ Mawu suɔmi ɔ ngɔ wo wa tsui mi.

Romabi 8:26

Ja nɔuu Mumi ɔ hu yeɔ buaa wa gbedemi ɔ; ejakaa bɔ nɛ sa kaa wa ko sɔle kɛ bi nɔ nɛ da a, wa li; se Mumi ɔ nitsɛ kɛ kɔmɔ yemi nɛ a be nyɛe maa kale daa mi haa wɔ.

1 Korintobi 12:13

Ejakaa Yudafohi ji wɔ jio, Helabihi ji wɔ jio, nyɔguɛhi jio, he yeli jio, wɔ tsuo ɔ Mumi kake mi a gu a baptisi wɔ ngɔ wo nɔmlɔ tso kake mi; nɛ wɔ tsuo Mumi kake akɛ ha wɔ nɛ waa nu.

1 Korintobi 15:31

I na nyɛ he fiami nɛ i ngɛ ngɛ wa Nyɔmtsɛ Kristo Yesu mi ɔ, kaa i gboɔ daa nɛ ɔ.

1 Korintobi 3:16

Anɛ nyɛ li kaa Mawu sɔlemi tsu ji nyɛ nɛ Mawu Mumi ɔ hii nyɛ mi lo?

2 Korintobi 2:14

Se sina ha Mawu, ejakaa ngɛ waa kɛ Kristo kake peemi mi ɔ, e haa wa yeɔ kunimi daa, nɛ e haa e he nilemi he via a guu wa nɔ jee kpo ngɛ he tsuaa he.

Galatabi 4:6

Se akɛnɛ bimɛ ji nyɛ he je ɔ, Mawu tsɔ e bi ɔ Mumi ɔ kɛ ba nyɛ tsui mi, nɔ nɛ kpaa ngmlaa ke: “Abba, Tsaatsɛ!”

Galatabi 5:22

Se Mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Efesobi 4:4

kaa nɔmlɔ tso kake kɛ mumi kake, kaa bɔ nɔuu nɛ a tsɛ nyɛ hulɔ ngɛ nyɛ tsɛmi hɛ kɛ nɔ fɔmi kake ɔ mi ɔ:

Filipibi 1:8

Mawu ji ye dase kaa ye hɛ jaa ngɛ nyɛ kulaa nyɛ he ngɛ Yesu Kristo mi mi sami ɔ nya.

Filipibi 3:3

Ejakaa wɔ ninɛmɛ nɛ wa jaa Mawu ngɛ mumi nya, nɛ waa kɛ wa hɛ fɔɛ he lo nɔ, se Kristo Yesu nɔ mohu wa fiaa ngɔ fɔɔ ɔ, wɔ mohu ji ninɛmɛ nɛ a po mɛ ɔ nɛ.

Kolosebi 2:2

konɛ a na tsui, nɛ a pee kake ngɛ suɔmi mi kɛ pɛtɛ sisi numi nɛ mi kuɔ nɛ a ngɛ he wami ngɛ nɔ ɔ kulaa mi, nɛ a le Mawu kɛ Kristo laami sane ɔ,

Kolosebi 3:12

Lɔ ɔ he ɔ, akɛnɛ bimɛ nɛ Mawu hia, ni klɔuklɔuhi kɛ suɔli ji nyɛ he je ɔ, nyɛɛ wo mi mi jɔmi, mɔbɔ nami, he si bami, kpoo peemi, tsui si tomi kaa tade,

Hebribi 6:18

konɛ waa gu sanehi enyɔ nɛ tsakee we nɛ Mawu be nyɛe maa ngɔ nya ngɛ mi ɔ nɔ kɛ na bua womi nɛ wa, konɛ wɔ nihi nɛ wa ya sawe ɔ, wa kɛ hɛɛ hɛ kɛ nɔ fɔmi nɛ ngɛ wa hɛ mi ɔ mi;

1 Petro 1:2

Nimli nɛ ɔmɛ ji nihi nɛ a hla, ngɛ Tsɛ Mawu ɔ yi mi tomi nya, ngɛ Mumi ɔ he tsukɔmi mi, kɛ ha Yesu Kristo tue bumi kɛ he fɔmi ngɛ e muɔ ɔ mi. Dloomi kɛ hejɔmi nɛ e hiɛ fuu ha nyɛ!

1 Yohane 3:24

Nɔ nɛ yeɔ e kita amɛ a nɔ ɔ hii Mawu mi, nɛ Mawu hu hii emi. Nɛ nɔ́ nɛ waa kɛ leɔ kaa e hii wa mi ji mumi nɛ e ngɔ ha wɔ ɔ.

1 Yohane 4:12

Mawu ɔ, nɔ ko nɛ́ lɛ hyɛ. Ke wa suɔ wa he ɔ, Mawu hii wa mi, nɛ e suɔmi ɔ hii kɛ pii si ngɛ wa mi.

1 Yohane 4:16

Nɛ wɔɔ lɛɛ wa le, nɛ wa he Mawu suɔmi nɛ e kɛ suɔ wɔ ɔ ye. Mawu ɔ suɔmi ji lɛ, nɛ nɔ nɛ hii suɔmi mi ɔ, e hii Mawu mi, nɛ Mawu hu hii e mi.