Filipibi 1:9 - Somi He Ɔ

⁹ Enɛ ɔ he pɛɛ i kpaa kaa, nyɛ suɔmi ɔ nɛ hiɛ kɛ ya nɔ, nɛ e be nɔ pe kekle ɔ ngɛ ni lemi kɛ nɔ se kɔmi tsuo blɔfami, nɛ nyɛ yo nihi nɛ hi nitsɛ,

BAIBLO ALOO NGMAMI KLƆUKLƆU Ɔ

⁹ I ngɛ Mawu pɛɛ kpae kaa suɔmi nɛ nyɛ ngɛ kɛ ha nyɛ sibi ɔ mi nɛ wa, nɛ nyɛ ná nile nɛ ma ha nyɛ nɔ́ se kɔmi mumi,

Filipibi 1:9 ပူးပေါင်းရင်းမြစ်များ

1 Korintobi 14:20

Mamimɛ, nyɛ ko pee nyɛ he jokuɛwi ngɛ juɛmi blɔfami, se yayami blɔfami ɔ, nyɛɛ pee nyɛ he bimwɔwi, se juɛmi blɔfami ɔ, nyɛɛ pee nyɛ he nihi nɛ a wa.

2 Korintobi 8:7

Nɛ jehanɛ, kaa bɔ nɛ nyɛ bee nɔ ngɛ nɔ tsuaa nɔ mi: ngɛ hemi kɛ yemi kɛ munyu tumi kɛ ni lemi kɛ mɔde bɔmi kulaa kɛ suɔmi nɛ je nyɛ mi nɛ ngɛ wa mi ɔ mi ɔ, nyɛɛ hyɛ konɛ kikɛmɛ a dloomi nɛ ɔ mi hu ɔ nyɛɛ be nɔ.

Efesobi 5:17

Lɔ ɔ he ɔ, nyɛ ko pee nyɛ he nihi nɛ be yi mi, se mohu nyɛ yo nihi nɛ ji Nyɔmtsɛ ɔ suɔmi nya ni ɔmɛ.

Kolosebi 1:9

Enɛ ɔ he je ɔ wɔ hu, kɛ je ligbi nɛ wa nu ɔ, wa jɔɔ we sɔlemi kɛ pɛɛ kpami kɛ nyɛ hami, konɛ nyɛ hyi tɔtɔɔtɔ kɛ e suɔmi nya nihi a lemi ngɛ mumi mi ni lemi kɛ sisinami tsuo mi;

Kolosebi 3:10

nyɛɛ wo nɔmlɔ he nɛ plɛɔ ehe ekohu kɛ yaa ni lemi mi ngɛ nɔ nɛ bɔ lɛ ɔ subai ɔ nya;

1 Tesalonikabi 3:12

Nyɔmtsɛ ɔ nɛ wo nyɛ tɔtɔɔtɔ, nɛ e ha nyɛɛ be nɔ kɛ suɔmi nɛ nyɛɛ kɛ suɔ nyɛ he kɛ nihi kulaa a, kaa bɔ nɛ wɔ hu wa suɔ nyɛ ɔ;

1 Tesalonikabi 4:1

Nyagbe ɔ, mamimɛ, wa kpa nyɛ pɛɛ, nɛ wa ngɛ nyɛ ga woe ngɛ Mawetsɛ Yesu mi, kaa bɔ nɛ nyɛ kase kɛ je wa ngɔ ɔ, bɔ nɛ sa kaa nyɛɛ ba nyɛ je mi ha ngɛ Mawu hɛ mi kaa bɔ nɛ nyɛ ngɛ pee hulɔ ɔ, nyɛɛ ya nɔ ja.

2 Tesalonikabi 1:3

E sa kaa wa naa Mawu si daa ngɛ nyɛ he bɔ nɛ sa, mamimɛ, ejakaa nyɛ hemi kɛ yemi ɔ ngɛ klee wawɛɛ nitsɛ, nɛ nyɛ tsuo nyɛ ti nɔ tsuaa nɔ suɔmi nɛ e kɛ suɔ e nyɛmimɛ ɔ ngɛ hiɛe kɛ ngɛ nɔ yae hulɔ,

Filemon 1:6

nɛ i kpaa pɛɛ kaa kikɛmɛ a huɛ bɔmi nɛ je hemi kɛ yemi mi ɔ nɛ ha mo sisi numi ngɛ ni tsumi kpakpa tsuaa ni tsumi kpakpa nɛ wa nyɛɔ tsuɔ ha Kristo Yesu ɔ mi.

Hebribi 5:14

Se ninɛmɛ nɛ wa a, a nɔ ji niyeni nitsɛ, nihi nɛ tsɔse a he numi ni ɔmɛ le slɔɔto nɛ ngɛ kpakpa kɛ yayami kpɛti.

1 Petro 1:22

Jehanɛ, akɛnɛ nyɛ tsukɔ nyɛ klaa amɛ a he ngɛ anɔkuale tue bumi mi ha nyɛmimɛ a he dɔmi nɛ lakpa be mi he je ɔ, nyɛɛ kɛ tsui klɔuu nɛ suɔ nyɛ he saminya.

2 Petro 3:18

Se nyɛ keke ngɛ wa Nyɔmtsɛ kɛ yi wami helɔ Yesu Kristo dloomi kɛ ni lemi ɔ mi. Lɛ nɔuu a ngɔ hɛ mi nyami ngɔ ha jehanɛ kɛ daa. Amen.