Filipibi 1:6 - Somi He Ɔ

⁶ i ngɔ ye hɛ ngɔ fɔ enɛ ɔ nɔuu nɔ, kaa nɔ nɛ bɔni ni tsumi kpakpa ngɛ nyɛ mi ɔ, lɛ nɔuu e ma tsa nɔ kɛ maa su e maa gbe nya ngɛ Yesu Kristo ligbi ɔ nɔ.

BAIBLO ALOO NGMAMI KLƆUKLƆU Ɔ

⁶ I heɔ yeɔ kaa Mawu, nɔ nɛ kɛ nyɛ je ní tsumi kpakpa nɛ ɔ sisi ɔ maa piɛ nyɛ he kɛ yaa si nyɛ maa gbe nya ligbi ɔ nɛ Yesu Kristo maa ba a.

Filipibi 1:6 ပူးပေါင်းရင်းမြစ်များ

Yohane 6:29

Yesu he nɔ nɛ e de mɛ ke: “Mawu ni tsumi ɔ ji nɛ ɔ nɛ, kaa nyɛ he nɔ nɛ e tsɔ ɔ nɔ ngɔ ye.”

Ni Tsumi 11:18

Se benɛ a nu munyu nɛ ɔmɛ ɔ, a ma a nya, nɛ a wo Mawu hɛ mi nyami de ke: ‘Lɛɛ majeli ɔmɛ hu Mawu ha mɛ tsui tsakemi nɛ a kɛ he a yi wami!’

Ni Tsumi 16:14

Nɛ yo ko nɛ a tsɛɛ lɛ Lidia nɛ ji kɔjai jualɔ ko nɛ je Tiatira ma a mi nɛ yee Mawu gbeye ɔ hu nu. Nɛ Nyɔmtsɛ ɔ bli e tsui nya, kaa e bu nihi nɛ Paulo ngɛ dee ɔ tue.

1 Korintobi 1:8

lɛ nɔuu e ma wlua nyɛ kɛ maa ya nyagbe konɛ piami ko ko hi nyɛ he ngɛ wa Nyɔmtsɛ Yesu Kristo ligbi ɔ nɔ.

2 Korintobi 1:15

Kikɛmɛ a hɛ kɛ nɔ fɔmi nɛ ɔ he je nɛ i to ye yi mi kaa ma ba nyɛ ngɔ kekle ɔ nɛ, konɛ nyɛ na dloomi si enyɔ.

2 Korintobi 2:3

Enɛ ɔ he je nɛ i ngma nyɛ enɛ ɔ, konɛ, ke i ba a, ma ko ba ye kɔmɔ ngɛ nihi nɛ jinɛ sa kaa i naa a he bua jɔmi ɔmɛ a he, ejakaa ye hɛ ngɛ nyɛ tsuo nyɛ nɔ kaa ye bua jɔmi ji nyɛ tsuo nyɛ bua jɔmi.

2 Korintobi 7:16

I na bua jɔmi kaa ma nyɛ ma ngɔ ye he ngɔ fɔ nyɛ nɔ kulaa ngɛ nɔ́ tsuaa nɔ́ mi.

2 Korintobi 9:4

nɛ ke Makedoniabi ɔmɛ ekomɛ kɛ mi ba a, a ko ba na nyɛ kaa nyɛ dla we nyɛ he nɛ wa hɛ mi (wa ko de ke nyɛ hɛ mi) ba pue si ngɛ kikɛmɛ a hɛ kɛ nɔ fɔmi nɛ ɔ mi.

Galatabi 5:10

Imi lɛɛ i ngɔ ye hɛ ngɔ fɔ nyɛ nɔ ngɛ Nyɔmtsɛ ɔ mi, kaa nyɛ be juɛmi kpa ko juɛe, se nɔ nɛ ngɛ nyɛ puee ɔ, nɔ tsuaa nɔ nɛ e ji ɔ, e musu maa tloo lɛ.

Efesobi 4:12

konɛ a kɛ gla he tsɔli ɔmɛ ngɔ ha sɔmɔmi ni tsumi ɔ, kɛ Kristo nɔmlɔ tso ɔ fiami,

Filipibi 1:10

konɛ nyɛɛ hi klɔuu nɛ piami ko ko hi nyɛ blɔfami kɛ yaa su Kristo ligbi ɔ nɔ,

Filipibi 1:29

Ejakaa nyɛɛ lɛɛ a dloo nyɛ ngɛ Kristo he, pi ngɛ e nɔ hemi kɛ yemi mi kɛkɛ, se mohu kaa nyɛ na nɔ ngɛ e he hulɔ,

Filipibi 2:12

Lɔ ɔ he ɔ, mamimɛ, kaa bɔ nɛ nyɛ buɔ tue daa nɛ ɔ, pi benɛ i kɛ nyɛ ngɛ ɔ kɛkɛ, se mohu titli ɔ, jehanɛ nɛ i be nyɛ ngɔ nɛ ɔ hu ɔ, nyɛɛ kɛ gbeye yemi kɛ he domi nɛ tsu nyɛ nitsɛmɛ nyɛ yi wami hemi ɔ he ni,

Filipibi 2:13

ejakaa suɔmi nɛ a maa suɔ jio, peemi nɛ a maa pee jio, Mawu ji nɔ nɛ tsuɔ lɛ tsuo ngɛ nyɛ mi ngɛ e suɔmi nya.

Filipibi 2:16

nɛ nyɛɛ hɛɛ wami munyu ɔ mi, konɛ e plɛ fiami nɔ ha mi ngɛ Kristo ligbi ɔ nɔ, kaa ye fotumi ɔ pee we yaka, nɛ ye dengme gbomi ɔ hu pee we gu.

Kolosebi 2:12

ejakaa a pu nyɛ ngɔ piɛ e he ngɛ baptisimi ɔ mi, nɔ mi hu nɛ a tle nyɛ si ngɛ, ngɛ Mawu nɛ tle lɛ si kɛ je gbeje ɔ he wami ni tsumi ɔ nɔ hemi kɛ yemi nya a.

1 Tesalonikabi 1:3

Wa kaii nyɛ hemi kɛ yemi ni tsumi ɔmɛ kɛ nyɛ suɔmi mɔde bɔmi ɔ kɛ wa Nyɔmtsɛ Yesu Kristo he hɛ kɛ nɔ fɔmi mi tsui si tomi ɔ ngɛ Mawu kɛ wa Tsɛ ɔ hɛ mi.

2 Tesalonikabi 1:11

Enɛ ɔ he je hu nɛ wa kpaa pɛɛ daa haa nyɛ ɔ nɛ, konɛ wa Mawu ɔ nɛ ha nyɛɛ sa tsɛmi ɔ, nɛ ngɛ e he wami nya a, e ha nyɛɛ hi kɛ pi si ngɛ nɔ́ kpakpa tsuaa nɔ́ kpakpa kɛ hemi kɛ yemi mi,

2 Tesalonikabi 3:4

Se wa hɛ ngɛ nyɛ nɔ ngɛ Nyɔmtsɛ ɔ mi kaa, nihi nɛ wa wo nyɛ he kita a, nyɛ ngɛ pee nɛ nyɛ maa pee hulɔ.

Filemon 1:21

Akɛnɛ ye hɛ ngɛ o nɔ kaa o maa bu mi tue he je nɛ i ngma mo nɛ ɔ nɛ, ejakaa i le kaa o maa pee pe bɔ nɛ i de mo nɛ ɔ tete.

Hebribi 10:35

Lɔ ɔ he ɔ nyɛ ko ngmɛɛ nyɛ mi kã a he, ejakaa e ngɛ hiɔwo ngua.

Hebribi 12:2

nɛ waa hyɛ hemi kɛ yemi sisi jelɔ kɛ nya gbelɔ nɛ ji Yesu ɔ, nɔ nɛ nyami nɛ fɔɔ si ngɛ e hɛ mi ɔ he ɔ, e mia e hɛ mi ngɛ seumi tso ɔ he amanehlu ɔ mi, nɛ e bui zo ɔ, nɛ e kɛ ya hi si ngɛ Mawu matsɛ sɛ ɔ hiɛ ɔ nɔ.

1 Petro 5:10

Se dloomi tsuo kulaa Mawu nɛ tsɛ nyɛ kɛ ba e neneene hɛ mi nyami ɔ mi ngɛ Kristo Yesu mi ɔ, ke nyɛ na amanehlu bɔɔ nɔ tã a, lɛ nitsɛ e ma dla nyɛ pɛ, nɛ e maa waje nyɛ, nɛ e maa wo nyɛ he wami, nɛ e ma ha nyɛ maa pi si.

2 Petro 3:10

Se Nyɔmtsɛ ɔ ligbi ɔ maa ba ka juɔ baa nyɔ mi, nɛ jamɛ a be ɔ, hiɔwe maa be kɛ ho kɛ huami wawɛɛ, nɛ je nɛ ɔ mi sisije ni ɔmɛ maa sle ngɛ la mi, nɛ je ɔ kɛ e mi ni tsumi ɔmɛ maa sã.