Filipibi 1:5 - Somi He Ɔ

⁵ ngɛ wa he nɛ nyɛ piɛɔ ngɛ sane kpakpa a fiɛmi mi kɛ je kekleekle ligbi ɔ nɔ kɛ ba su amlɔ nɛ ɔ he;

BAIBLO ALOO NGMAMI KLƆUKLƆU Ɔ

⁵ ejakaa nyɛ sa sina kaa nyɛ piɛ ye he wawɛɛ ngɛ sane kpakpa a fiɛmi mi kɛ je sisije kɛ ba si amlɔ nɛ ɔ.

Filipibi 1:5 ပူးပေါင်းရင်းမြစ်များ

Ni Tsumi 2:42

Nɛ a hɛɛ bɔfo ɔmɛ a tsɔɔmi ɔ kɛ huɛ bɔmi ɔ kɛ abolo mi kumi ɔ kɛ sɔlemi kɛ pɛɛ kpami ɔmɛ a mi.

Romabi 11:17

Ke a po tso kɔni ɔmɛ ekomɛ, nɛ a ngɔ mo nɛ o ji nga mi nu tso ɔ ngɔ ta he, nɛ o na nu tso ɔ poku ɔ kɛ e mi nyu ɔ eko ɔ,

Romabi 12:13

Ni klɔuklɔu ɔmɛ a kɔmɔ ɔ e pee nyɛ kɔmɔ; nyɛɛ bɔ nibwɔ peemi he mɔde.

Romabi 15:26

Ejakaa Makedonia kɛ Akaia tsuo kɛ tsui mi jɔmi tsu onia ko kɛ yaa ha klɔuklɔu bihi nɛ ngɛ Yerusalem ɔ a kpɛti ohiafo ɔmɛ.

1 Korintobi 1:9

Anɔkualetsɛ ji Mawu, nɔ nɛ tsɛ nyɛ kɛ ba e bi Yesu Kristo, wa Nyɔmtsɛ ɔ hue bɔmi ɔ mi ɔ.

2 Korintobi 8:1

Se, mamimɛ, wa ngɛ hae nɛ nyɛɛ le dloomi nɛ Mawu ngɔ ha ngɛ Makedonia asafo ɔmɛ a mi ɔ,

Efesobi 3:6

kaa maje li a bimɛ ɔmɛ hu ji ni yeli ɔmɛ ekomɛ, kɛ nɔmlɔ tso ɔ he ni ɔmɛ ekomɛ, kɛ nihi nɛ a wo mɛ si ngɛ Kristo Yesu mi ɔ hu ekomɛ ngɛ sane kpakpa a he.

Filipibi 1:12

Se, mamimɛ, i suɔ kaa nyɛɛ le kaa sanehi nɛ ba ye nɔ ɔ ha sane kpakpa a ya nɔ mohu,

Filipibi 1:16

Ni nɛ ɔmɛ jee suɔmi mi kɛ fiɛɔ, ejakaa a le kaa sane kpakpa a he fami he je nɛ i fɔɔ si ngɛ hiɛ ɔ nɛ;

Filipibi 1:27

Jehanɛ ngɛ nyɛ ma sane blɔfami ɔ, nyɛɛ ba nyɛ je mi sbɔ nɛ sa Kristo sane kpakpa a kɛkɛ, konɛ, ke i ba ba na nyɛ jio, i kɛ nyɛ be jio, ma nu nyɛ he kaa nyɛ daa si ngɛ mumi kake mi, nɛ nyɛɛ kɛ juɛmi kake ngɛ sane kpakpa a hemi kɛ yemi ɔ he plee.

Filipibi 1:7

E sa kaa ma susu enɛ ɔ ngɛ nyɛ kulaa nyɛ he, ejakaa i suɔ nyɛ, ejakaa benɛ a wo mi tsu mi ngɛ sane kpakpa a he ɔ, i kɛ nyɛ tsuo na Mawu dloomi ɔ eko.

Filipibi 2:12

Lɔ ɔ he ɔ, mamimɛ, kaa bɔ nɛ nyɛ buɔ tue daa nɛ ɔ, pi benɛ i kɛ nyɛ ngɛ ɔ kɛkɛ, se mohu titli ɔ, jehanɛ nɛ i be nyɛ ngɔ nɛ ɔ hu ɔ, nyɛɛ kɛ gbeye yemi kɛ he domi nɛ tsu nyɛ nitsɛmɛ nyɛ yi wami hemi ɔ he ni,

Filipibi 2:22

Se nyɛ le e ni tsumi, kaa e kɛ mi sɔmɔɔ ngɛ sane kpakpa a he kaa bi kɛ e tsɛ.

Filipibi 4:3

Nɛ mo hu, i kpa mo pɛɛ, ye huɛ sɔmɔlɔ kpakpa, kaa o ye bua yi nɛ ɔmɛ nɛ kɛ mi tsu sane kpakpa a he ni ɔ, kɛ Klemente hu kɛ ye huɛmɛ ni tsuli kpahi nɛ a biɛ ngɛ wami womi ɔ mi ɔ.

Filemon 1:17

Lɔ ɔ he ɔ jehanɛ ke o buu mi kaa o nyɛmi ɔ, he lɛ kaa o ma he imi nitsɛ.

Hebribi 3:14

Ejakaa Kristo he piɛli ji wɔ ke wa hɛɛ wa he nɛ waa kɛ fɔɔ e nɔ kɛ je sisije ɔ mi kpɛii kɛ ya su nyagbe ɔ.

2 Petro 1:1

Simon Petro nɛ ji Yesu Kristo sɔmɔlɔ kɛ bɔfo ɔ, ngma ya ha nihi nɛ nine su hemi kɛ yemi nɛ he jua wa kaa wa nɔ ɔ nɔuu nɔ, ngɛ wa Mawu kɛ wa yi wami helɔ Yesu Kristo dami ɔ mi ɔ.

1 Yohane 1:3

Nɔ́ nɛ wa na nɛ wa nu ɔ, lɔ ɔ wa jajeɔ ngɔ tsɔɔ nyɛ, konɛ nyɛ hu nyɛɛ kɛ wɔ nɛ bɔ huɛ. Se oʼɛ, wa huɛ bɔmi ɔ, Tsɛ ɔ ke e Bi Yesu Kristo ɔ waa kɛ bɔɔ.

1 Yohane 1:7

Se ke wa nyɛɛ ngɛ la a mi, kaa bɔ nɛ lɛ nitsɛ e ngɛ la a mi ɔ, lɔ ɔ lɛɛ waa kɛ wa he ngɛ huɛ bɔe, nɛ e Bi Yesu Kristo muɔ ɔ tsukɔɔ wa he kɛ jee yayami tsuaa yayami mi.