Filipibi 1:27 - Somi He Ɔ

²⁷ Jehanɛ ngɛ nyɛ ma sane blɔfami ɔ, nyɛɛ ba nyɛ je mi sbɔ nɛ sa Kristo sane kpakpa a kɛkɛ, konɛ, ke i ba ba na nyɛ jio, i kɛ nyɛ be jio, ma nu nyɛ he kaa nyɛ daa si ngɛ mumi kake mi, nɛ nyɛɛ kɛ juɛmi kake ngɛ sane kpakpa a hemi kɛ yemi ɔ he plee.

BAIBLO ALOO NGMAMI KLƆUKLƆU Ɔ

²⁷ Lɔ ɔ he ɔ, nɔ́ nɛ hia pe kulaa ji, nyɛɛ ba nyɛ je mi kaa bɔ nɛ sane kpakpa a nɛ kɔɔ Kristo he ɔ tsɔɔ ɔ, konɛ i nyɛ ba na nyɛ jio, i bɛ́ jio, ma nu nyɛ he kaa nyɛ tsuo nyɛɛ kɛ juɛmi kake hɛɛ hemi kɛ yemi ɔ mi kpɛii kɛ ngɛ sane kpakpa a he plee.

Filipibi 1:27 ပူးပေါင်းရင်းမြစ်များ

Mateo 12:25

Se nɛ Yesu na a juɛmi ɔ, e de mɛ ke: “Matsɛ yemi tsuaa matsɛ yemi nɛ gbaa woɔ lɛ nitsɛ e he ɔ, e ywia; nɛ ma tsuaa ma aloo we tsuaa we nɛ gbaa woɔ lɛ nitse e he ɔ, e dɛ si.

Ni Tsumi 2:46

Nɛ daa ligbi ɔ, a kɛ juɛmi kake yaa sɔlemi we ɔ, nɛ a kuɔ abolo ngɛ wehi a mi, nɛ a kɛ bua jɔmi kɛ tsui klɔuu yeɔ ni,

Ni Tsumi 24:24

Se be saii se ɔ, Felike kɛ e yo Drusila nɛ ji Yudayo ɔ ba, nɛ e ha a ya tsɛ Paulo kɛ ba, konɛ e bu Kristo nɔ hemi kɛ yemi he sane ɔ tue.

Ni Tsumi 4:32

Nihi babauu nɛ he ye ɔ kulaa hɛɛ tsui kake kɛ mumi kake, nɛ a ti nɔ ko nɔ ko tsɛ we e nihi nɛ e ngɛ ɔ mi eko ke lɛ nitse e nɔ, se mohu a ngɔ kulaa ngɔ pee kake.

Romabi 1:16

Ejakaa Kristo Sane Kpakpa a he zo pee we mi, mɛni he je ɔ, e ji Mawu he wami nɛ a kɛ heɔ nɔ tsuaa nɔ nɛ heɔ yeɔ ɔ yi wami, Yuda no kekle kɛ Hela no hulɔ.

Romabi 1:5

E nɔ i gu nɛ i na dloomi kɛ bɔfo ni tsumi ɔ kone ma ha majemaje ɔ kulaa nɛ bu hemi kɛ yemi ɔ tue, ngɛ e biɛ ɔ he:

Romabi 1:9

Ye dase ji Mawu, nɔ nɛ i sɔmɔɔ ngɛ ye mumi mi ngɛ e Bi ɔ Sane Kpakpa a mi ɔ, kaa i jɔɔ we nyɛ kaimi ligbi ko ligbi ko.

Romabi 10:8

Se mohu kɛ e deɔ kɛɛ? Mawu munyu ɔ na mo ngɛ o nya mi kɛ o tsui mi tsuo; (kɔlɔ ɔ nɔuu ji hemi kɛ yemi munyu nɛ wa fiɛɛ ɔ nɛ).

Romabi 15:16

konɛ ma plɛ Yesu Kristo sɔmɔlɔ ha majeli ɔmɛ, nɛ ma tsu Mawu Sane Kpakpa a he osɔfo ni tsumi ɔ, konɛ majeli ɔmɛ nɛ plɛ bɔ nɛ sa Mawu hɛ mi saminya nɛ a tsukɔ he ngɛ Mumi Klɔuklɔu mi.

Romabi 15:29

I le kaa ke i ba nyɛ ngɔ ɔ, Kristo gbaami hiɛmi ɔ mi ma ba ngɛ.

1 Korintobi 1:10

Se, mamimɛ, i kpa nyɛ pɛɛ ngɛ wa Nyɔmtsɛ Yesu Kristo biɛ mi, kaa nyɛ nya nɛ pee kake nɛ mi gbami ko ba nyɛ kpɛti, se mohu nyɛ kulaa nyɛ yi mi kɛ nyɛ juɛmi nɛ pee kake.

1 Korintobi 15:58

Lɔ ɔ he ɔ, mamimɛ nɛ i suɔ, nyɛ fi si nɛ nyɛ ko gbɔle, nɛ nyɛɛ ya nɔ ngɛ Nyɔmtsɛ ɔ ni tsumi ɔ mi daa nɛ ɔ, ejakaa nyɛ le kaa nyɛ dengme gbomi ɔ be yaka pee ngɛ Nyɔmtsɛ ɔ mi.

2 Korintobi 13:11

Nyagbe ɔ, mamimɛ, nyɛ bua nɛ jɔ, nyɛɛ hi kɛ pi si, nyɛɛ wo nyɛ sibi ga, nyɛ juɛmi nɛ pee kake, nyɛɛ hi si ngɛ he jɔmi mi, nɛ suɔmi kɛ he jɔmi Mawu ɔ kɛ nyɛ maa hi si.

2 Korintobi 4:4

nihi a mi nɛ je nɛ ɔ mi mawu ɔ yu nihi nɛ he we yi ɔmɛ a hɛngmɛ ngɛ, konɛ Kristo, nɛ ji Mawu subai ɔ, hɛ mi nyami ɔ sane kpakpa a la nɛ ngɛ tsoe ɔ nɛ ko kpɛ ha mɛ.

2 Korintobi 9:13

Ejakaa kikɛmɛ a sɔmɔmi nɛ ɔ mi yiblii he ɔ, a woɔ Mawu hɛ mi nyami ngɛ tue bumi nɛ nyɛɛ kɛ jajeɔ Kristo sane kpakpa a kɛ huɛ bɔmi klɔuu nɛ nyɛɛ kɛ mɛ kɛ nihi kulaa bɔɔ ɔ he.

Galatabi 1:7

nɛ kɛ ɔ, ekpa ko be, mohu ni komɛ ngɛ nɛ ngɛ nyɛ yi mi puee, nɛ a ngɛ hlae kaa a plɛ Kristo sane kpakpa a hɛ mi ngɔ bu si.

Efesobi 1:13

Kristo ɔ nɔuu nɔ nyɛ hu nyɛ ngɔ nyɛ hɛ ngɔ fɔ, benɛ nyɛ nu anɔkuale munyu ɔ nɛ ji nyɛ yi wami hemi ɔ he sane kpakpa a; lɛ nɔuu e mi a kɛ Mumi Klɔuklɔu ɔ nɛ a wo he si ɔ sɔu nyɛ nya ngɛ benɛ nyɛ he ye ɔ,

Efesobi 1:15

Enɛ ɔ he je ɔ, imi hu, benɛ i nu nyɛ hemi kɛ yemi nɛ nyɛ ngɛ ngɛ Nyɔmtsɛ Yesu Kristo mi, kɛ nyɛ suɔmi nɛ nyɛɛ kɛ suɔ ni klɔuklɔu ɔmɛ kulaa he ɔ,

Efesobi 4:1

Imi nɛ i ji pa mi no ngɛ Nyɔmtsɛ ɔ mi ɔ, i ngɛ nyɛ pɛɛ kpae kaa nyɛɛ nyɛɛ bɔ nɛ sa tsɛmi nɛ a kɛ tsɛ nyɛ ɔ,

Filipibi 1:5

ngɛ wa he nɛ nyɛ piɛɔ ngɛ sane kpakpa a fiɛmi mi kɛ je kekleekle ligbi ɔ nɔ kɛ ba su amlɔ nɛ ɔ he;

Filipibi 2:12

Lɔ ɔ he ɔ, mamimɛ, kaa bɔ nɛ nyɛ buɔ tue daa nɛ ɔ, pi benɛ i kɛ nyɛ ngɛ ɔ kɛkɛ, se mohu titli ɔ, jehanɛ nɛ i be nyɛ ngɔ nɛ ɔ hu ɔ, nyɛɛ kɛ gbeye yemi kɛ he domi nɛ tsu nyɛ nitsɛmɛ nyɛ yi wami hemi ɔ he ni,

Filipibi 2:24

Se ye hɛ ngɛ Nyɔmtsɛ ɔ nɔ, kaa imi nitsɛ hu, e be kɛe nɛ ma ba.

Filipibi 3:18

I de nyɛ enɛ ɔ si abɔ, nɛ jeha nɛ ɔ hu i kɛ vo nyu ngɛ dee, ke Kristo sɛumi tso ɔ henyɛli ji mɛ.

Filipibi 3:20

Se wɔɔ lɛɛ wa ma a hiɔwe e ngɛ, he nɛ wa hyɛɛ yi wami helɔ nɛ ji Mawetsɛ Yesu Kristo ɔ blɔ kɛ jee ɔ,

Filipibi 4:1

Lɔ ɔ he ɔ, mamimɛ nɛ i suɔ nɛ ye hɛ jaa ngɛ nyɛ he, ye bua jɔmi kɛ ye jlasi, nyɛɛ da si ja ngɛ Nyɔmtsɛ ɔ mi, nyɛ nihi nɛ i suɔ.

Kolosebi 1:10

konɛ nyɛɛ nyɛɛ bɔ nɛ sa Nyɔmtsɛ ɔ nɛ e sa e hɛ mi saminya, nɛ nyɛɛ wo yiblii ngɛ ni tsumi kpakpa tsuaa ni tsumi kpakpa mi;

Kolosebi 1:4

ejakaa wa nu nyɛ Kristo Yesu nɔ hemi kɛyemi kɛ nyɛ suɔmi nɛ nyɛɛ kɛ suɔ he tsɔli ɔmɛ kulaa a he,

1 Tesalonikabi 3:6

Se jehanɛ nɛ Timoteo je nyɛ ngɔ ba wa ngɔ nɛ e ba bɔ wɔ nyɛ hemi kɛ yemi ɔ kɛ nyɛ suɔmi kɛ kaimi kpakpa nɛ nyɛɛ kɛ kaii wɔ daa a, kɛ nyɛ hɛ̃ nɛ ngɛ jae kaa nyɛ ma na wɔ kaa bɔ nɛ wɔ hu wa hɛ̃ jaa ngɛ nyɛ he ɔ,

1 Tesalonikabi 4:1

Nyagbe ɔ, mamimɛ, wa kpa nyɛ pɛɛ, nɛ wa ngɛ nyɛ ga woe ngɛ Mawetsɛ Yesu mi, kaa bɔ nɛ nyɛ kase kɛ je wa ngɔ ɔ, bɔ nɛ sa kaa nyɛɛ ba nyɛ je mi ha ngɛ Mawu hɛ mi kaa bɔ nɛ nyɛ ngɛ pee hulɔ ɔ, nyɛɛ ya nɔ ja.

1 Timoteo 1:11

ngɛ Mawu nɛ a gbaa lɛ ɔ nyami sane kpakpa nɛ a tu ngɔ wo ye dɛ mi ɔ nya.

1 Timoteo 1:19

nɛ o hɛɛ hemi kɛ yemi kɛ he ni lemi kpakpa, nɔ́ nɛ ni komɛ sake fɔ he nɛ a kɛ hemi kɛ yemi ɔ ya sa si ɔ;

2 Timoteo 4:7

Ta kpakpa a, i hwu; fo ɔ, i tu gbe nya; hemi kɛ yemi ɔ i hɛɛ mi;

Tito 2:10

a ko ju, se mohu a kɛ anɔkuale yemi nitsɛ nɛ tsɔɔ mɛ, konɛ a kɛ wo Mawu nɛ ji wa yi wami helɔ ɔ tsɔɔmi ɔ hɛ mi nyami ngɛ nihi kulaa mi.

Filemon 1:5

akɛnɛ i nuɔ o suɔmi kɛ hemi kɛ yemi nɛ o hɛɛ ngɛ Mawetsɛ Yesu kɛ ni klɔuklɔu ɔmɛ tsuo a he ɔ;

Yakobo 3:18

Dami yiblii ɔ, nihi nɛ peɔ he jɔmi nihi ɔ, mɛ lɛ a duɔ ngɛ he jɔmi mi.

2 Petro 3:11

Jehanɛ, akɛnɛ kikɛmɛ a ni nɛ ɔmɛ tsuo hɛ mi ma kpata he je ɔ, mɛni nimli sa kaa nyɛ pee ngɛ je mi bami klɔuklɔu kɛ Mawu jami mi?

2 Petro 3:14

Lɔ ɔ he ɔ, mamimɛ, akɛnɛ nyɛ ngɛ kikɛmɛ a ni nɛ ɔmɛ a blɔ hyɛe nɛ ɔ, nyɛɛ bɔ mɔde konɛ nyɛɛ kɛ lɛ kpɛti nɛ hi he jɔmi nɛ a na nyɛ nɛ mu loo piami ko ko hi nyɛ he ngɛ e hɛ mi.

Yuda 1:3

Mamimɛ, akɛnɛ i ngɛ mɔde bɔe nitsɛ nɛ ma ngma nyɛ wɔ tsuo wa yi wami hemi ɔ he sane ɔ he je ɔ, i na kaa e sa nɛ ma ngma nɛ ma kɛ wo nyɛ he wami konɛ nyɛɛ plee hemi kɛ yemi nɛ a tu ngɔ wo klɔuklɔu bi ɔmɛ a dɛ mi si kake nyɔngloo ɔ he.