Filipibi 1:20 - Somi He Ɔ

²⁰ ngɛ ye blɔ hyemi kɛ hɛ kɛ nɔ fɔmi ɔ nya, kaa zo be mi gbee ngɛ nɔ́ ko nɔ́ ko mi, se mohu, bɔ nɛ a peɔ daa a, jã jehanɛ hu a kɛ kã tsuo maa wo Kristo hɛ mi nyami ngɛ ye nɔmlɔ tso mi, ngɛ wami mi jio, gbenɔ mi jio.

BAIBLO ALOO NGMAMI KLƆUKLƆU Ɔ

²⁰ Nɔ́ nɛ i ngɔ hɛ kɛ fɔ nɔ, nɛ i ngɛ blɔ hyɛe wawɛɛ ji kaa zo be mi gbee; se mohu be tsuaa be ɔ, ma pee kã saminya, konɛ wami mi jio, gbenɔ mi jio, titli ɔ, amlɔ nɛ ɔ, ma ngɔ ye nɔmlɔ tso ɔ kɛ wo Kristo hɛ mi nyami.

Filipibi 1:20 ပူးပေါင်းရင်းမြစ်များ

Yohane 21:19

(E de enɛ ɔ kɛ tsɔɔ nɔ gbenɔ nɛ e ma gbo kɛ wo Mawu hɛ mi nyami ɔ.) Nɛ benɛ e de lɛ enɛ ɔ ɔ, e de lɛ ke: “Nyɛɛ ye se.”

Ni Tsumi 20:24

Se kɛ̃ ɔ, i bui enɛ ɔmɛ a mi kake ngmelu, nɛ ye wami hu i bui kaa e he jua wa ngɛ ye hɛ mi, benɛ pee nɛ i kɛ bua jɔmi nɛ gbe ye blɔ nyɛɛmi ɔ kɛ sɔmɔmi nɛ i na kɛ je Nyɔmtsɛ Yesu dɛ mi, kaa ma ye Mawu dloomi sane kpakpa a he odase faii, ɔ nya.

Ni Tsumi 21:13

Kɛkɛ nɛ Paulo he nɔ nɛ e ke: “Mɛni nyɛ ngɛ pee nɛ ɔ, nyɛ ngɛ ya foe kɛ ma tsɔ ye tsui? Se imi lɛɛ, pi fimi kɛkɛ nɛ i dla ye he ngɔ to, se mohu gbenɔ nitse ngɛ Nyɔmtsɛ Yesu biɛ ɔ he ngɛ Yerusalem.”

Ni Tsumi 4:31

Benɛ a sɔle ɔ, he nɛ a nya ba bua ngɛ ɔ mimiɛ, nɛ Mumi Klɔuklɔu ɔ hyi mɛ tsuo tɔtɔɔtɔ, nɛ a kɛ kã jaje Mawu munyu ɔ.

Romabi 12:1

Lɔ ɔ he ɔ, mamimɛ, i kɛ Mawu mɔbɔ nami ngɛ nyɛ pɛɛ kpae, kaa nyɛɛ ngɔ nyɛ nɔmlɔ tso ɔmɛ ngɔ da si kaa bɔ klɔuklɔu nɛ hɛ ngɛ nɛ he tsɔ nɛ sa Mawu hɛ mi nɛ nyɛ jami ɔ nɛ pee mumi mi jami.

Romabi 5:5

Hɛ kɛ nɔ fɔmi ɔ gbi nɔ zo, ejakaa a gu Mumi Klɔuklɔu nɛ a ngɔ ha wɔ ɔ nɔ plɛ Mawu suɔmi ɔ ngɔ wo wa tsui mi.

Romabi 6:13

Nɛ jeha nɛ ɔ nyɛ ko ngɔ nyɛ he ni ɔmɛ ngɔ ha yayami kaa ni yayami ɔmɛ a tahwumi nihi, se mohu nyɛɛ ngɔ nyɛ he ngɔ ha Mawu kaa ninɛmɛ nɛ a hɛ tsɛ kɛ je gbeje, nɛ nyɛɛ kɛ nyɛ he ni ɔmɛ nɛ pee dami tahwumi nihi ngɔ ha Mawu.

Romabi 6:19

Bɔ nɛ nɔmlɔ tuɔ munyu i ngɛ tue nɛ ɔ nɛ, ngɛ nyɛ he lo gbedemi ɔ he. Ejakaa kaa bɔ nɛ nyɛ ngɔ nyɛ he ni ɔmɛ ngɔ pee hiemi nihi kɛ mlaa tɔmi nyɔguɛhi kɛ sɛ mlaa tɔmi mi ɔ, ja nɔuu kɛ jeha nɛ ɔ nyɛɛ ngɔ nyɛ he ni ɔmɛ ngɔ pee dami nyɔguɛhi kɛ ha klɔuklɔu peemi.

Romabi 8:19

Ejakaa adebɔ ni ɔmɛ a blɔ hyemi kpikpimaa a ngɛ Mawu bimɛ ɔmɛ wa kpo jemi ɔ mlɛe.

Romabi 9:33

Ejakaa a tɛ tɛmi tɛ ɔ, kaa bɔ nɛ a ngma a ke: “Oʼɛ, i kɛ tɛ kɛ nane kpatami tɛ sa ko Ngɛ si mae ngɛ Zion, Nɛ nɔ tsuaa nɔ nɛ heɔ e nɔ yeɔ ɔ, Zo be lɛ gbee.”

1 Korintobi 15:31

I na nyɛ he fiami nɛ i ngɛ ngɛ wa Nyɔmtsɛ Kristo Yesu mi ɔ, kaa i gboɔ daa nɛ ɔ.

1 Korintobi 6:20

Ejakaa a he nyɛ kɛ jua wawɛ. Lɔ ɔ he ɔ, nyɛɛ kɛ nyɛ nɔmlɔ tso ɔ nɛ wo Mawu hɛ mi nyami.

1 Korintobi 7:34

Eslo yogbayo, nɛ jehanɛ hu eslo zangmayo. Nɔ nɛ gba we ɔ kɛ e he tsuo haa Nyɔmtsɛ ɔ ni tsumi ɔ, konɛ e pee klɔuklɔu ngɛ nɔmlɔ tso kɛ mumi tsuo blɔfami. Se nɔ nɛ gba a haoɔ e he ngɛ je nɛ ɔ mi nihi a he, benɛ pee nɛ e sane nɛ sa e huno hɛ mi.

2 Korintobi 10:8

Ejakaa ke fiami po ma fia kɛ be nɔ ngɛ he blɔ nɛ Nyɔmtsɛ ɔ ngɔ ha wɔ nɛ wa kɛ ha nyɛ nane nɛ nu si nɛ pi kaa waa kɛ ma kpata nyɛ hɛ mi po he ɔ, zo be mi gbee,—

2 Korintobi 3:12

Jehanɛ, akɛnɛ wa ngɛ kikɛmɛ a hɛ kɛ nɔ fɔmi nɛ ɔ he je ɔ, wa peɔ ka babauu,

2 Korintobi 4:10

daa nɛ ɔ wa hɛɛ Nyɔmtsɛ ɔ gbenɔ ɔ ngɛ wa nɔmlɔ tso ɔ mi kɛ nyɛɛ, konɛ Yesu wami ɔ hu nɛ je kpo ngɛ wa nɔmlɔ tso ɔ mi.

2 Korintobi 5:15

Nɛ e gbo nihi kulaa a yi gbenɔ, konɛ nihi nɛ a hɛ ngɛ ɔ, a hɛ ko hi ngmengmle ha mɛ nitsɛmɛ a he hu, se mohu a hɛ nɛ hi ngmengmle ha nɔ nɛ gbo nɛ a tle lɛ si ekohu ngɔ ha mɛ ɔ.

2 Korintobi 7:14

Ejakaa ke i ngɔ nyɛ kɛ fia ngɔ tsɔɔ lɛ ɔ, nyɛ gbi mi zo. Se kaa bɔ nɛ wa de nihi tsuo ngɛ anɔkuale mi ngɔ tsɔɔ nyɛ ɔ, ja nɔuu kɛ wa fiami hu nɛ wa fia ngɔ tsɔɔ Tito ɔ pee anɔkuale.

2 Korintobi 7:4

I ngɛ hemi kɛ yemi babauu ngɛ nyɛ mi, nɛ jeha nɛ ɔ, i fiaa fɔɔ nyɛ nɔ babauu. I hyi tɔ kɛ bua jɔmi, i hyi tɔ kɛ be nɔ kɛ bua jɔmi nɛ i ngɛ ngɛ wa nɔ nami ɔmɛ kulaa mi ɔ.

Filipibi 1:14

Nyɛmimɛ nɛ ngɛ Nyɔmtsɛ ɔ mi ɔ a ti nihi fuu gu ye tsu mi womi ɔ nɔ na kã babauu pe kekle ɔ kɛ ngɛ Mawu munyu ɔ jajee nɛ a yi gbeye.

Filipibi 2:17

Se ke a plɛ ye muɔ ngɔ pue nyɛ hemi kɛ yemi bɔ kɛ jami ɔ nɔ po ɔ, i ngɛ he tsui nɛ i kɛ nyɛ tsuo ma na bua jɔmi;

Kolosebi 1:24

Jehanɛ ye bua jɔɔ ngɛ ye nɔ namihi nɛ i naa ngɛ nyɛ he ɔmɛ a mi, nɛ i haa nihi nɛ piɛ ngɛ Kristo amanehulu ɔmɛ a mi ɔ hyiɔ tɔ ngɛ ye he lo ɔ mi ha e nɔmlɔ tso nɛ ji asafo ɔ.

1 Tesalonikabi 5:23

He jɔmi Mawu ɔ nitsɛ nɛ tsukɔ nyɛ he kulaa kɛ pi si, nɛ e hyɛ nyɛ mumi kɛ nyɛ klaa kɛ nyɛ nɔmlɔ tso ɔ kulaa nɔ nɛ piami ko ko hi he ngɛ wa Nyɔmtsɛ Yesu Kristo bami be ɔ mi.

1 Petro 4:16

Se ke nɔ ko ngɛ amanehlu nae kaa Kristofono ɔ, zo ko pee lɛ, se mohu e wo Mawu hɛ mi nyami ngɛ kikɛmɛ a biɛ nɛ ɔ he.

1 Yohane 2:28

Nɛ jehanɛ, bimɛ tsɔwi, nyɛɛ hi e mi, konɛ e puemi ɔ mi ɔ, wa na kã nɛ zo ko gbe wɔ ngɛ e hɛ mi ngɛ e bami ɔ mi.