Filipibi 1:19 - Somi He Ɔ

¹⁹ Ejakaa i le kaa enɛ ɔ ma plɛ ye yi wami hemi ngɛ nyɛ pɛɛ kpami kɛ Yesu Kristo Mumi ɔ yemi kɛ buami nya,

BAIBLO ALOO NGMAMI KLƆUKLƆU Ɔ

¹⁹ ejakaa i le kaa Mawu pɛɛ nɛ nyɛ ngɛ kpae, kɛ he wami nɛ Yesu Kristo mumi ɔ haa a, ma kpɔ mi.

Filipibi 1:19 ပူးပေါင်းရင်းမြစ်များ

Ni Tsumi 16:7

A ba Misia ni ɔmɛ a mi, nɛ a ka kaa a maa ya Bitinia, se Yesu Mumi ɔ ngmɛ́ mɛ blɔ.

Romabi 8:28

Se wa le kaa, nihi tsuo mi ɔ, Mawu yeɔ buaa nihi nɛ suɔ lɛ ɔ konɛ e hi ha mɛ, mɛ ninɛmɛ nɛ a tsɛ mɛ ngɛ e yi mi tomi nya a.

Romabi 8:9

Se ke e ngɛ mi kaa Mawu Mumi hii nyɛ mi ɔ, lɔ ɔ lɛɛ nyɛ be he lo ɔ sisi, se mohu mumi ɔ sisi nyɛ ngɛ. Ke nɔ ko be Kristo Mumi ɔ, lɛɛ tsa pi Kristo nɔ́ ji lɛ.

1 Korintobi 4:17

Enɛ ɔ he hulɔ nɛ i tsɔ Timoteo nɛ ji ye suɔmi bi kɛ anɔkualetsɛ ngɛ Nyɔmtsɛ ɔ mi ɔ nyɛ ngɔ ɔ nɛ; e ma kae nyɛ bɔ nɛ i baa ye je mi haa ngɛ Kristo mi, kaa bɔ nɛ i tsɔɔ ngɛ asafo tsuaa asafo mi, ngɛ he tsuaa he ɔ.

2 Korintobi 1:11

Nyɛ hu nyɛɛ piɛ wa he kɛ kpa pɛɛ konɛ nihi fuu nɛ na si ha wɔ ngɛ dloomi nike nihi nɛ a kɛ ha wɔ ngɛ nihi fuu a pɛɛ kpami ɔ he.

Galatabi 3:5

blɔɔ Mawu nɛ kɛ Mumi ɔ kee nyɛ nɛ e tsuɔ he wami nihi ngɛ nyɛ mi ɔ, mlaa ni tsumihi a mi e tsuɔ ngɛ aloo hemi kɛ yemi tue bumi mi?

Galatabi 4:6

Se akɛnɛ bimɛ ji nyɛ he je ɔ, Mawu tsɔ e bi ɔ Mumi ɔ kɛ ba nyɛ tsui mi, nɔ nɛ kpaa ngmlaa ke: “Abba, Tsaatsɛ!”

Filipibi 1:18

Lɔ ɔ he ɔ mɛni? Bɔ tsuaa bɔ nɛ pee ɔ, lakpa tomi nya jio, anɔkuale nya jio, Kristo kɛ̃ a ngɛ fiɛe ɔ nɛ; nɛ enɛ ɔ he je ɔ, i ngɛ bua jɔmi. Nɛ jehanɛ hu ma na bua jɔmi.

1 Petro 1:11

nɛ a kpale bi be ɔ si, be nɛ kɛ bɔ nɛ Kristo Mumi nɛ ngɛ a mi ɔ je tsɔɔ, benɛ Mumi ɔ ngɛ amanehlu nɛ maa ba Kristo nɔ kɛ hɛ mi nyami nɛ maa ba ngɛ kɔlɔ ɔmɛ a se ɔ he odase yee kɛ ngɛ toe ɔ.