Filipibi 1:15 - Somi He Ɔ

¹⁵ Ni komɛ lɛɛ ninye kɛ hluɛnu he a fiɛɔ Kristo ɔ nɛ; se ni komɛ hu kɛ juɛmi kpakpa fiɛɔ.

BAIBLO ALOO NGMAMI KLƆUKLƆU Ɔ

¹⁵ Niinɛ, sane kpakpa a nɛ a ngɛ fiɛe ɔ, a ti ni komɛ a hɛ kɔɔ ye nɔ, nɛ a jeɔ mi hunga, se ni komɛ hu kɛ juɛmi kpakpa fiɛɔ.

Filipibi 1:15 ပူးပေါင်းရင်းမြစ်များ

Filipibi 2:3

Nyɛ ko ngmɛ mi gbami loo yaka hɛ mi nyami hlami blɔ, se mohu nyɛɛ kɛ he si bami juɛmi nɛ bu nyɛ sibi pe nyɛ nitsɛmɛ nyɛ he;

2 Korintobi 11:13

Ejakaa kikɛmɛ a nimli nɛ ɔmɛ ji lakpa bɔfohi ni tsuli sisili nɛ tsakee a he peɔ Kristo bɔfohi.

2 Korintobi 4:5

Ejakaa pi wɔ nitsɛmɛ wa he nɛ wa ngɛ fiee, se mohu Kristo Yesu, kaa lɛ ji Nyɔmtsɛ, se wɔɔ lɛɛ, nyɛ sɔmɔli ji wɔ ngɛ Yesu he.

2 Korintobi 1:19

Ejakaa Mawu bi Yesu Kristo, nɔ nɛ i kɛ Silvano kɛ Timoteo fiɛ e he sane ngɛ nyɛ kpɛti ɔ, e pi “Ee” kɛ “Dɛbi” se mohu e ji “Ee”.

Mateo 23:5

Se a nihi tsuo ɔ a peɔ konɛ nihi nɛ na. Ejakaa a haa a kaimi sɛbɛ ɔmɛ bliɔ nɛ a peɔ a tade nya fiami ɔmɛ nguahi;

1 Timoteo 3:16

Nɔ jemi be he kaa Mawu jami laami sane ɔ, e mi kuɔ. Mawu je e he si paa ngɛ he lo mi, E ye nguɔ ngɛ mumi mi, E je e he kpo ngɔ tsɔɔ bɔfohi, A fiɛ lɛ ngɛ majeli a kpɛti, A he e nɔ ye ngɛ je mi, A ngɔ lɛ kɛ ho hiɔwe ya ngɛ nyami mi.

Galatabi 2:4

ejakaa lakpa nyɛmimɛ komɛ ju si sɛ asafo ɔ mi kulɔɔ, konɛ a ba huɔ wa he nɛ wa ye ngɛ Kristo Yesu mi ɔ, konɛ a ye wɔ nyɔguɛ;

2 Korintobi 12:20

Ejakaa i ngɛ gbeye yee kaa alinɔ ke i ba a, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ; kaa eko ɔ pɛ, hunga jemi, mi mi la, huhui, sieku yemi, munyu huitihuiti tumi, he nɔ womi, basabasa peemi ngɛ nyɛ kpɛti.

1 Korintobi 13:3

Nɛ ke i ngɔ ye nihi kulaa ngɔ ke nihi, nɛ ke i ngɔ ye nɔmlɔ tso ngɔ ha nɛ a sa mi, se i be suɔmi ɔ, i na we se ko.

1 Korintobi 1:23

se wɔɔ lɛɛ, Kristo nɛ a sɛu ɔ wa fiɛɔ, nɔ nɛ plɛ kpangmi ha Yudafohi kɛ kuasiahi a sane ha majemajeli ɔmɛ;

Ni Tsumi 11:20

Se a ti ni komɛ ɔ, Kiprobihi kɛ Kireenebihi ji mɛ, nɛ ni nɛ ɔmɛ ba Antiokia ba tu munyu tsɔɔ Helabi ɔmɛ hulɔ, nɛ a fiɛ Nyɔmtsɛ Yesu he sane kpakpa a ngɔ tsɔɔ mɛ.

Ni Tsumi 10:36

Mawu tsɔ nɛ a kɛ munyu ɔ ya ha Israelbi, nɛ a gu Yesu Kristo nɔ kɛ jaje he jɔmi sane kpakpa a ngɔ tsɔɔ mɛ, lɛ ji nihi tsuo a Nyɔmtsɛ.

Ni Tsumi 9:20

Nɛ amlɔ ɔ nɔuu, e fiɛ ngɛ kpe he ɔmɛ ke Yesu ji Mawu bi ɔ nɛ.

Ni Tsumi 8:35

Filipo pa e nya mi nɛ e bɔni kɛ je kikɛmɛ a ngmami nɛ ɔ nɔ, nɛ e jaje Yesu he sane kpakpa a tsɔɔ lɛ.

Ni Tsumi 5:42

Nɛ daa ligbi ɔ, a jɔɔ we ni tsɔɔmi kɛ Yesu Kristo fiɛmi ngɛ sɔlemi we ɔ kɛ wehi a mi.

Ni Tsumi 8:5

Nɛ Filipo ya Samaria ma ko nɔ, nɛ e ya fiɛ Kristo he sane ɔ ngɔ tsɔɔ mɛ.

Romabi 2:8

Se nihi nɛ suɔ pɛ nɛ a bui anɔkuale ɔ tue, se a buɔ ni yayahi mohu tue ɔ, a nɔ ji mi mi fumi kɛ mi mi la.