Filipibi 1:11 - Somi He Ɔ

¹¹ nɛ dami yiblii nɛ a woɔ ngɛ Yesu Kristo mi ɔ nɛ hyi nyɛ tɔtɔɔtɔ kɛ ha Mawu hɛ mi nyami womi kɛ yi jemi.

BAIBLO ALOO NGMAMI KLƆUKLƆU Ɔ

¹¹ Kristo Yesu nitsɛ ma ha nyɛ ma na subai nɛ hi saminya ngɛ nyɛ wami si himi mi, konɛ a wo Mawu hɛ mi nyami, nɛ a je e yi.

Filipibi 1:11 ပူးပေါင်းရင်းမြစ်များ

Mateo 5:16

Ja nɔuu nyɛ ha nyɛ la nɛ tso ngɛ nimli a hɛ mi konɛ a na nyɛ ni peemi ni kpakpa amɛ nɛ ɛ wo nyɛ tsɛ nɛ ngɛ hiɔwe ɔ hɛ mi nyami.

Yohane 15:16

Tsa pi nyɛ nɛ nyɛ hla mi, se imi mohu lɛ i hla nyɛ, nɛ i to nyɛ konɛ nyɛ hu nyɛɛ ya nɛ nyɛ ya wo yiblii, nɛ nyɛ yiblii ɔ nɛ hi si; konɛ nɔ́ tsuaa nɔ́ he pɛɛ nɛ nyɛ ma kpa Tsɛ ɔ ngɛ ye biɛ mi ɔ, e ngɔ ha nyɛ.

Yohane 15:2

Ye he kɔni tsuaa kɔni nɛ wui yiblii ɔ, e poo, nɛ eko tsuaa eko nɛ woɔ yiblii ɔ, e sãa he, benɛ pee nɛ e wo yiblii pe kekle ɔ.

Yohane 15:8

Enɛ ɔ a kɛ woɔ Tsaatsɛ hɛ mi nyami, ke nyɛ wo yiblii fuu, nɛ nyɛ plɛ ye kaseli ɔ.

Romabi 15:28

Lɔ ɔ he ɔ ke i gbe enɛ ɔ nya nɛ i ngɔ nike ni nɛ ɔ kɛ ya ha mɛ ɔ, ma ba gu nyɛ ngɔ kɛ ya Spania.

Romabi 6:22

Se jeha nɛ ɔ, nɛ a kpɔ nyɛ kɛ je yayami dɛ mi nɛ nyɛ plɛ Mawu nyɔguɛhi nɛ ɔ, nyɛɛ wo yiblii ha klɔuklɔu peemi nɛ we nyagbe ji neneene wami ɔ.

1 Korintobi 10:31

Lɔ ɔ he ɔ, ke ni nyɛ ngɛ yee jio, ni nyɛ ngɛ nue jio, aloo nɔ kpa ko nɛ nyɛ ngɛ pee jio, nyɛɛ pee kulaa kɛ wo Mawu hɛ mi nyami.

2 Korintobi 9:10

Se, nɔ nɛ kɛ dumi wuhi kee dulɔ nɛ e kɛ abolo hu haa yemi ɔ, e ma ha nyɛ dumi wuhi nɛ hiɛ, nɛ e ma ha dami yiblii ɔmɛ hu maa fu

Efesobi 1:12

benɛ pee nɛ wɔ nihi nɛ wa sɛ hlami ngɔ wa hɛ ngɔ fɔ Kristo nɔ ɔ, wa plɛ e he mi nyami ɔ yi jemi.

Efesobi 1:14

nɔ nɛ ji wa gbo si ni ɔmɛ a yi ba pomi nɔ ɔ, konɛ a kɛ kpɔ e nihi nɛ ji lɛ nitsɛ e ni ɔmɛ, nɛ a kɛ je e hɛ mi nyami ɔ yi.

Efesobi 2:10

Mawu nine nya ni tsumi nihi ji wɔ, a bɔ wɔ ngɛ Kristo Yesu mi kɛ ha ni tsumi kpakpahi nɛ Mawu dla ngɔ to konɛ waa nyɛɛ ngɛ mi ɔ.

Efesobi 5:9

Ejakaa la a yiblii ji mi mi himi kɛ dami kɛ anɔkuale tsuo.

Filipibi 4:17

Pi kaa nike ni i ngɛ hlae, se mohu i ngɛ se nami nɛ ma ha nyɛ kɔtaa a maa su kɛ be nɔ ha nyɛ ɔ hlae.

Kolosebi 1:10

konɛ nyɛɛ nyɛɛ bɔ nɛ sa Nyɔmtsɛ ɔ nɛ e sa e hɛ mi saminya, nɛ nyɛɛ wo yiblii ngɛ ni tsumi kpakpa tsuaa ni tsumi kpakpa mi;

Kolosebi 1:6

nɔ́ nɛ su nyɛ ngɔ kaa bɔ nɛ e ngɛ ngɛ je mluku ɔ kulaa mi, nɛ e woɔ yiblii nɛ e kekee kaa bɔ nɛ e peɔ ngɛ nyɛ hu nyɛ kpɛti kɛ je ligbi nɛ nyɛ nu nɛ nyɛ na le Mawu dloomi ɔ ngɛ anɔkuale mi ɔ:

2 Tesalonikabi 1:12

benɛ pee nɛ a wo wa Mawetsɛ Yesu Kristo biɛ ɔ hɛ mi nyami ngɛ nyɛ mi, nɛ nyɛ hu nyɛ hɛ mi nɛ ba nyami ngɛ e mi, ngɛ wa Mawu ɔ kɛ Mawetsɛ Yesu Kristo dloomi ɔ nya.

Tito 3:14

Se ha nɛ wɔ nitsɛmɛ wa ni ɔmɛ hu nɛ kase ni tsumi kpakpahi a he mɔde bɔmi, ke e fi loo e hia nɔ ko ɔ, konɛ a ko pee nihi nɛ wui yiblii.

Hebribi 12:11

Se tsɔsemi tsuaa tsɔsemi ɔ, a mlɔ nɛ ɔ ɔ, e pee we nɔ kaa bua jɔmi nɔ́, se dɔmi nɔ́ mohu; se ke pee se ɔ, e woɔ he jɔmi yiblii nɛ ji dami ɔ haa nihi nɛ gu nɔ kase nɔ́ ko ɔ.

1 Petro 2:12

nɛ nyɛɛ ba nyɛ je mi saminya ngɛ maje li a bimɛ ɔmɛ a kpɛti, konɛ nɔ́ mi nɛ a tuɔ nyɛ he munyu ngɛ kaa yayami peeli ɔ, nyɛ ni tsumi kpakpahi nɛ a naa a, a kɛ wo Mawu hɛ mi nyami ngɛ e bami ligbi ɔ nɔ.

1 Petro 2:5

nɛ nyɛ hu, nyɛ ha a ngɔ nyɛ kaa tɛ nɛ hɛ ngɛ nɛ a kɛ fia mumi mi sɔlemi tsu nɛ nyɛɛ pee osɔfohi a weku konɛ nyɛɛ sã mumi mi bɔ nɛ sa Mawu hɛ mi kɛ gu Yesu Kristo nɔ.

1 Petro 2:9

Se nyɛɛ lɛɛ, weku nɛ a hla ji nyɛ, matsɛmɛ nɛ yeɔ osɔlohi, je ma klɔuklɔu, ma nɛ e ngɔ pee e nɔ, konɛ nyɛɛ jaje nɔ nɛ tsɛ nyɛ kɛ je diblii ɔ mi kɛ ba lɛ nitsɛ e nyakpɛ la a he ɔ agbo jemi ɔ.

1 Petro 4:14

Ke Kristo biɛ ɔ he nihi jɛɛ nyɛ ɔ, da gbaa nyɛ, ejakaa hɛ mi nyami Mumi kɛ Mawu Mumi ɔ kpleɔ si kɛ baa nyɛ nɔ.