Filipibi 1:10 - Somi He Ɔ

¹⁰ konɛ nyɛɛ hi klɔuu nɛ piami ko ko hi nyɛ blɔfami kɛ yaa su Kristo ligbi ɔ nɔ,

BAIBLO ALOO NGMAMI KLƆUKLƆU Ɔ

¹⁰ konɛ nyɛɛ le kpakpa mi tso. Kɛkɛ ɔ, mu ko mu ko, kɛ piami ko piami ko be nyɛ he sae kɛ yaa su ligbi ɔ nɛ Kristo maa ba.

Filipibi 1:10 ပူးပေါင်းရင်းမြစ်များ

Mateo 16:23

Se Yesu plɛ e he nɛ e de lɛ ke: “Jee ye nɔ, Satan! O ngɛ ye nane kpatae; ejakaa o susuu we Mawu nihi a he, se nimli a nihi a he mohu o susuu.”

Mateo 26:33

Se Petro he nɔ nɛ e de lɛ ke: “Ke ni ɔmɛ tsuo a nane ma kpata a, imi lɛɛ ye nane be kpatae gblegbleegblee.”

Yohane 1:47

Yesu na Natanael ma e ngɔ, nɛ e de ngɛ e he ke: “Oʼɛ anɔkuale Israelno, nɔ nɛ sisimi be e mi.”

Yohane 3:20

nɛ nɔ tsuaa nɔ nɛ tsuɔ ni yayamihi ɔ nyɛɛ la a, nɛ e bɛ la a he, konɛ a ko je e ni tsumi ɔmɛ kpo.

Ni Tsumi 24:16

Enɛ ɔ he nɛ i kɛ ye he fɔɛ si ɔ nɛ, benɛ pee nɛ ma na he nile nɛ yobu be he ngɛ Mawu kɛ nimli a hɛ mi ngɛ nihi kulaa mi.

Romabi 12:2

Nɛ nyɛ je mi bami ko pee kaa je mi bihi a je mi bami, se mohu nyɛ ha Mawu nɛ tsake nyɛ juɛmi, konɛ nyɛ yɔse nihi nɛ ji Mawu suɔmi nya ni kpakpahi nɛ sa e hɛ mi saminya nɛ hi kɛ pi si ɔ.

Romabi 12:9

Suɔmi ɔ, osato ko hi mi. Nyɛɛ nyɛ yayami kulaa; nyɛɛ pɛtɛ nɔ kpakpa he.

Romabi 16:17

Jeha nɛ, mamimɛ, i kpa nyɛ pɛɛ nɛ nyɛ hɛ nɛ hi nihi nɛ jee tsɔɔmi nɛ nyɛ kase ɔ se nɛ a kɛ mi gbamihi kɛ kpangmi tomi nihi baa amɛ a he, nɛ nyɛɛ hɛ nyɛ he kɛ je a he.

Romabi 2:18

nɛ o le e suɔmi nya ni ɔmɛ, nɛ o le nihi nɛ hi, ejakaa a je Mlaa a mi kɛ tsɔɔ mo,

Romabi 7:16

Se ke nɔ́ nɛ i sume ɔ nɔuu i peɔ ɔ, i kplɛɔ kaa Mlaa a hi.

Romabi 7:22

Ejakaa ye mi blɔ nɔmlɔ ɔ bua jɔɔ ngɛ Mawu Mlaa a he.

Romabi 8:7

Ejakaa he lo juɛmi ɔ Mawu nyɛmi ʼi, ejakaa e bɛ e he si ha we Mawu mlaa a, nɛ pohu e be nyɛe tete.

1 Korintobi 1:8

lɛ nɔuu e ma wlua nyɛ kɛ maa ya nyagbe konɛ piami ko ko hi nyɛ he ngɛ wa Nyɔmtsɛ Yesu Kristo ligbi ɔ nɔ.

1 Korintobi 10:32

Nyɛ ko pee kpangmi ngɔ ha Yudafohi kɛ Helabihi kɛ Mawu asafo ɔ kulaa;

1 Korintobi 8:13

Lɔ ɔ he ɔ, ke ngma ma ha ye nyɛmi nane ma kpata a, lɔɔ lɛɛ i be lo yee gblegbleegblee hu, konɛ ma ko ha ye nyɛmi ɔ nane nɛ kpata.

2 Korintobi 1:12

Se wa fiami ji nɛ ɔ nɛ: wa he ni lemi odase nɛ e yeɔ wɔ, kaa Mawu klɔuklɔu peemi kɛ he tsɔmi mi wa ba wa je mi ngɛ ngɛ je nɛ ɔ mi, titli ɔ, ngɛ nyɛ kpɛti, nɛ pi he lo mi ni lemi nya, se mohu Mawu dloomi nya.

2 Korintobi 2:17

Ejakaa wa be kaa ni komɛ nɛ juaa Mawu munyu ɔ, se mohu wa tuɔ lɛ ngmingmiingmi bɔ nɛ e je Mawu mi ɔ ngɛ Mawu hɛ mi, ngɛ Kristo mi.

2 Korintobi 6:3

Jehanɛ hu, wa pi kpangmi ha nɔ ko nɔ ko ngɛ nɔ́ ko nɔ́ ko mi, konɛ a ko gbe sɔmɔmi ɔ he guɛ,

2 Korintobi 8:8

Tsa pi mlaa nɛ i ngɛ nyɛ hae; se mohu ni kpahi a mɔde bɔmi i kɛ ngɛ nyɛ suɔmi ɔ kae ngɛ hyɛe, kaa e ngɛ klɔuu lo.

Galatabi 5:11

Imi lɛɛ, mamimɛ, ke nɔ pomi i ngɛ fiee kɛ mwɔɔ ɔ, mɛni he je mɔ nɛ a ngɛ mi yi mi wae kɛ mwɔɔ? Ke ja a, lɛɛ seumi tso ɔ he sane ɔ, e pi nya tsɔmi nɔ́ hu.

Efesobi 4:15

Se mohu waa pee anɔkualetsɛmɛ ngɛ suɔmi mi, nɛ waa wa ngɛ nihi kulaa blɔfami, ngɛ lɛ Kristo ɔ nɔuu nɛ ji yi ɔ he;

Efesobi 5:10

Nyɛɛ ka nɔ́ tsuaa nɔ́ hyɛ kaa e sa Nyɔmtsɛ ɔ hɛ mi lo.

Efesobi 5:27

konɛ e ngɔ lɛ ngɔ da si ha lɛ nitsɛ e he kaa hɛ mi nyami asafo nɛ he be piami ko loo hɛ mi kuami ko loo jamɛ a nɔ́ ko, se mohu e pee klɔuklɔu nɛ piami ko ko hi e he.

Efesobi 6:24

Dloomi nɛ je wa Mawetsɛ Yesu Kristo dɛ mi ɔ kɛ nihi kulaa nɛ suɔ le kɛ pii si ɔ nɛ hi si! Amen.

Filipibi 1:16

Ni nɛ ɔmɛ jee suɔmi mi kɛ fiɛɔ, ejakaa a le kaa sane kpakpa a he fami he je nɛ i fɔɔ si ngɛ hiɛ ɔ nɛ;

Filipibi 1:6

i ngɔ ye hɛ ngɔ fɔ enɛ ɔ nɔuu nɔ, kaa nɔ nɛ bɔni ni tsumi kpakpa ngɛ nyɛ mi ɔ, lɛ nɔuu e ma tsa nɔ kɛ maa su e maa gbe nya ngɛ Yesu Kristo ligbi ɔ nɔ.

Filipibi 2:16

nɛ nyɛɛ hɛɛ wami munyu ɔ mi, konɛ e plɛ fiami nɔ ha mi ngɛ Kristo ligbi ɔ nɔ, kaa ye fotumi ɔ pee we yaka, nɛ ye dengme gbomi ɔ hu pee we gu.

1 Tesalonikabi 3:13

benɛ pee nɛ e ha nyɛ tsui nɛ pi si ngɛ klɔuklɔu peemi mi nɛ piami ko ko hi nyɛ he, ngɛ Mawu kɛ wa Tsɛ ɔ hɛ mi, ngɛ wa Nyɔmtsɛ Yesu Kristo kɛ e ni klɔuklɔu ɔmɛ kulaa a bami be ɔ mi.

1 Tesalonikabi 5:21

Nyɛɛ ka nihi kulaa hyɛ, nɛ nɔ́ nɛ hi ɔ, nyɛɛ pɛtɛ he.

1 Tesalonikabi 5:23

He jɔmi Mawu ɔ nitsɛ nɛ tsukɔ nyɛ he kulaa kɛ pi si, nɛ e hyɛ nyɛ mumi kɛ nyɛ klaa kɛ nyɛ nɔmlɔ tso ɔ kulaa nɔ nɛ piami ko ko hi he ngɛ wa Nyɔmtsɛ Yesu Kristo bami be ɔ mi.

1 Yohane 4:1

Suɔli, nyɛ ko he mumi tsuaa mumi ngɔ ye, se mohu nyɛɛ ka mumi ɔmɛ nɛ nyɛɛ hyɛ kaa Mawu mi a je lo; ejakaa lakpa gbali fuu je kpo kɛ ba je ɔ mi.

Kpojemi 2:2

I le o ni tsumi ɔmɛ kɛ o dengme gbomi ɔ, kɛ o tsui si tomi ɔ, kɛ bɔ nɛ o kplɛɛ we nimli yayami ɔmɛ a ni peepee ɔmɛ a nɔ, se ɛo ka nihi nɛ deɔ ke bɔfohi ji mɛ se a pi ja a, nɛ o na kaa lakpatsɛmɛ ji mɛ.