Efesobi 6:6 - Somi He Ɔ

⁶ pi kɛ hɛ mi hɛ mi sɔmɔmi kaa nihi nɛ hlaa nimli a hɛ mi nyami, se mohu kaa Kristo tsɔli nɛ jee a tsui mi peɔ Mawu suɔmi nya ni,

BAIBLO ALOO NGMAMI KLƆUKLƆU Ɔ

⁶ pi kɛ hɛ mi sɔmɔmi nɛ ma ha nyɛ nyɔmtsɛmɛ ɔmɛ maa suɔ nyɛ sane. Se mohu nyɛɛ je nyɛ tsui mi tɔɔ nɛ nyɛɛ pee nɔ́ nɛ Mawu suɔ, ejakaa Kristo nyɔguɛhi ji nyɛ.

Efesobi 6:6 ပူးပေါင်းရင်းမြစ်များ

1 Tesalonikabi 2:4

se mohu kaa bɔ nɛ Mawu bu wɔ nihi nɛ sa kaa a tu sane kpakpa a ngɔ wo wa dɛ mi ɔ, ja wa deɔ, pi bɔ nɛ sa nimli a hɛ mi, se mohu bɔ nɛ sa Mawu nɛ kaa tsuihi hyɛ ɔ hɛ mi.

Galatabi 1:10

Blɔɔ jehanɛ nimli a hɛ mi i ngɛ hlɛe nɛ ma sa loo Mawu? Aloo i ngɛ nimli a hɛ mi hlae ma sa? Ejakaa ke i ngɛ nɔ ngɛ nimli a hɛ mi sae kɛ mwɔɔ ɔ, lɛɛ pi Kristo tsɔlɔ ji mi.

Efesobi 5:17

Lɔ ɔ he ɔ, nyɛ ko pee nyɛ he nihi nɛ be yi mi, se mohu nyɛ yo nihi nɛ ji Nyɔmtsɛ ɔ suɔmi nya ni ɔmɛ.

1 Petro 4:2

konɛ be nɛ piɛ ha lɛ ngɛ he lo mi si himi nɛ ɔ mi ɔ, e ko hi si ngɛ nimli a kɔnɔhi a nya, se mohu ngɛ Mawu suɔmi nya nihi a nya.

Filipibi 2:12

Lɔ ɔ he ɔ, mamimɛ, kaa bɔ nɛ nyɛ buɔ tue daa nɛ ɔ, pi benɛ i kɛ nyɛ ngɛ ɔ kɛkɛ, se mohu titli ɔ, jehanɛ nɛ i be nyɛ ngɔ nɛ ɔ hu ɔ, nyɛɛ kɛ gbeye yemi kɛ he domi nɛ tsu nyɛ nitsɛmɛ nyɛ yi wami hemi ɔ he ni,

Mateo 12:50

Ejakaa nɔ tsuaa nɔ nɛ peɔ Tsaatsɛ nɛ ngɛ hiɔwe ɔ suɔmi nya ni ɔ, lɛ nɔuu ji ye nyɛmi nyumu kɛ ye nyɛmi yo kɛ ye nyɛ.”

Hebribi 13:21

lɛ e dla nyɛ ngɔ ha ni tsumi kpakpa tsuaa ni tsumi kpakpa, nɛ nyɛɛ pee e suɔmi nya ni, nɛ e gu Yesu Kristo nɔ nɛ e pee nɔ́ nɛ sa lɛ nitsɛ e hɛ mi ngɛ nyɛ mi; lɛ a ngɔ hɛ mi nyami ngɔ ha kɛ ya si neneene kɛ neneene ɔ! Amen.

Hebribi 10:36

Tsui si tomi he hia nyɛ, konɛ nyɛɛ pee Mawu suɔmi nya ni, nɛ nyɛ nine nɛ e su siwomi ɔ nɔ.

Kolosebi 1:9

Enɛ ɔ he je ɔ wɔ hu, kɛ je ligbi nɛ wa nu ɔ, wa jɔɔ we sɔlemi kɛ pɛɛ kpami kɛ nyɛ hami, konɛ nyɛ hyi tɔtɔɔtɔ kɛ e suɔmi nya nihi a lemi ngɛ mumi mi ni lemi kɛ sisinami tsuo mi;

Mateo 7:21

“Pi nɔ tsuaa nɔ nɛ deɔ mi ke: ‘Nyɔmtsɛ, Nyɔmtsɛ’ ɔ nɛ maa sɛ hiɔwe matsɛ yemi ɔ mi; se mohu nɔ nɛ peɔ Tsaatsɛ nɛ ngɛ hiɔwe ɔ suɔmi nya ni ɔ.

1 Yohane 2:17

Je ɔ bee kɛ yaa kɛ e mi se dimi ni ɔmɛ, se nɔ nɛ peɔ Mawu suɔmi nya ni ɔmɛ ɔ, e hii si kɛ yaa neneene.

Romabi 6:17

Se sina ha Mawu kaa jinɛ sa a yayami nyɔguɛhi ji nyɛ, se jeha nɛ ɔ nyɛ je nyɛ tsui tsuo mi kɛ bu kikɛmɛ a tsɔɔmi nɛ a ngɔ nyɛ ngɔ wo mi nɛ ɔ tue.

Kolosebi 4:12

Epafra nɛ je nyɛ kpɛti nɛ ji Kristo sɔmɔlɔ nɛ daa nɛ ɔ e kaii nyɛ ngɛ e sɔlemihi a mi, konɛ nyɛɛ da si nɛ nyɛɛ hi kɛ pi si nɛ nyɛ hyi tɔtɔɔtɔ ngɛ Mawu suɔmi nya nihi kulaa mi ɔ, ke e biɔ nyɛ.

1 Petro 2:15

Ejakaa ja ji Mawu suɔmi nya ni, kaa nyɛɛ kɛ kpakpa peemi nɛ tsi nihi nɛ be yi mi ɔmɛ a kuasia peemi ɔ nya.

1 Tesalonikabi 4:3

Enɛ ɔ ji Mawu suɔmi nya ni kaa nyɛ he nɛ tsɔ, lɔ ɔ ji kaa nyɛɛ tsi nyɛ he nya kɛ je ajuama bɔmi he,

Marko 3:35

Ejakaa nɔ tsuaa nɔ nɛ peɔ Mawu suɔmi nya ni ɔ, lɛ nɔuu ji ye nyɛmi nyumu kɛ ye nyɛmi yo kɛ ye nyɛ.”

1 Korintobi 7:22

Nɔ nɛ a tsɛ lɛ ngɛ Nyɔmtsɛ ɔ mi nɛ e ji nyɔguɛ ɔ, Nyɔmtsɛ ɔ odehe ʼi. Ja nɔuu kɛ̃ nɔ nɛ a tsɛ lɛ nɛ e ji odehe ɔ, Kristo nyɔguɛ ʼi.