Efesobi 6:10 - Somi He Ɔ

¹⁰ Nyagbe ɔ, mamimɛ, nyɛ he nɛ wa ngɛ Nyɔmtsɛ ɔ kɛ e he wami nyɛmi ɔ mi.

BAIBLO ALOO NGMAMI KLƆUKLƆU Ɔ

¹⁰ Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

Efesobi 6:10 ပူးပေါင်းရင်းမြစ်များ

Filipibi 4:13

I nyɛɔ nihi kulaa peɔ ngɛ kristo, nɔ nɛ woɔ ni he wami ɔ mi.

1 Korintobi 16:13

Nyɛɛ huɔ, nyɛɛ da si kpɛii ngɛ hemi kɛ yemi ɔ mi, nyɛɛ pee nyumu, nɛ nyɛ he nɛ wa!

1 Petro 5:10

Se dloomi tsuo kulaa Mawu nɛ tsɛ nyɛ kɛ ba e neneene hɛ mi nyami ɔ mi ngɛ Kristo Yesu mi ɔ, ke nyɛ na amanehlu bɔɔ nɔ tã a, lɛ nitsɛ e ma dla nyɛ pɛ, nɛ e maa waje nyɛ, nɛ e maa wo nyɛ he wami, nɛ e ma ha nyɛ maa pi si.

Kolosebi 1:11

nɛ nyɛɛ ya nɔ ngɛ Mawu he ni lemi mi, nɛ a kɛ he wami tsuo nɛ wo nyɛ he wami ngɛ e hɛ mi nyami nyɛmi ɔ nya ngɛ tsui si tomi nɛ se kɛɛ ɔ kulaa mi.

Efesobi 1:19

kɛ nɔ́ nɛ ji e he wami ɔ klemi nɛ be nɔ babauu ha wɔ ninɛmɛ nɛ wa heɔ yeɔ ngɛ e nyɛmi ɔ he wami ni tsumi ɔ nya,

Efesobi 3:16

konɛ ngɛ e hɛ mi nyɛmi hiɛmi ɔ nya a, e ha nyɛɛ gu e Mumi ɔ nɔ nɛ nyɛ he nɛ wa kpitikplii ngɛ nyɛ mi nɔmlɔ ɔ blɔfami,

2 Timoteo 4:17

Se Nyɔmtsɛ ɔ fi ye se nɛ e wo mi he wami, konɛ a gu ye nɔ kɛ ma fiɛmi ɔ nɔ mi, nɛ maje li ɔmɛ kulaa a nu, nɛ a je mi kɛ je jata a nya mi.

2 Timoteo 2:1

Jehanɛ moo lɛɛ, ye bi, o he nɛ wa ngɛ dloomi nɛ ngɛ Kristo Yesu mi ɔ mi.

Filipibi 4:8

Nyagbe ɔ, mamimɛ, nihi nɛ da, nihi nɛ sa bu, nihi nɛ hi, nihi nɛ he tsɔ, nihi nɛ a suɔ, nihi nɛ ngɛ biɛ kpakpa amɛ kulaa, ke je mi bami kpakpa ko ngɛ, ke yi jemi ko hu ngɛ ɔ, enɛ ɔmɛ a he nyɛ susu!

2 Korintobi 13:11

Nyagbe ɔ, mamimɛ, nyɛ bua nɛ jɔ, nyɛɛ hi kɛ pi si, nyɛɛ wo nyɛ sibi ga, nyɛ juɛmi nɛ pee kake, nyɛɛ hi si ngɛ he jɔmi mi, nɛ suɔmi kɛ he jɔmi Mawu ɔ kɛ nyɛ maa hi si.

1 Petro 3:8

Nyagbe ɔ, nyɛ tsuo nyɛɛ hɛɛ juɛmi kake, nyɛɛ na ha nyɛ sibi, nyɛɛ suɔ nyɛ he kaa nyɛmimɛ, nyɛ mi mi nɛ jɔ ha nyɛ sibi, nyɛɛ ba nyɛ he si.

Filipibi 3:1

Nɛ nyagbe ɔ, mamimɛ, nyɛ bua nɛ jɔ ngɛ Nyɔmtsɛ ɔ mi! Pɔ tɔɛ ye he kaa ma ngma nyɛ ni nɛ ɔmɛ ekohu, ejakaa nyɛɛ lɛɛ e haa nyɛ fiɔɔ si.

1 Petro 4:11

Ke munyu nɔ ko ngɛ tue ɔ, e tu lɛ kaa Mawu munyu; ke sɔmɔmi nɔ ko ngɛ sɔmɔe ɔ, e je he wami nɛ Mawu dloo lɛ ɔ mi; konɛ a gu Yesu Kristo nɔ nɛ a wo Mawu hɛ mi nyami ngɛ nihi kulaa mi, nɔ nɛ nɔ́ nɛ ji nyami ɔ, kɛ he wami ɔ, kɛ yaa neneene kɛ neneene ɔ! Amen.

1 Yohane 2:14

I ngɛ nyɛ ngmae, tsaatsɛmɛ, ejakaa nyɛ le nɔ nɛ ngɛ kɛ je sisije ɔ. I ngɛ nyɛ ngmae, nihewi, ejakaa nyɛ he wa, nɛ Mawu munyu ɔ hii nyɛ mi, nɛ nyɛ ye nɔ yayami ɔ nɔ kunimi.