Efesobi 5:3 - Somi He Ɔ

³ Se ajuama bɔmi kɛ mu ni tsumi tsuo loo he tsemi ɔ, a ko wo ta tete ngɛ nyɛ kpɛti, kaa bɔ nɛ sa ni klɔuklɔuhi,

BAIBLO ALOO NGMAMI KLƆUKLƆU Ɔ

³ Akɛnɛ ní klɔuklɔuhi ji nyɛ he je ɔ, e sɛ kaa a woɔ yo kɛ nyumu yakayaka fiɛmi, loo mu ní tsumi, loo hɛkɔ ta tete ngɛ nyɛ kpɛti.

Efesobi 5:3 ပူးပေါင်းရင်းမြစ်များ

Mateo 15:19

Ejakaa tsui mi nɛ susumi yayahi, nɔmlɔ gbemi, gba puɛmihi, ajuama bɔmihi, jumihi, lakpa odase yemihi kɛ musu bɔmihi jee.

Luka 12:15

Nɛ e de mɛ ke: “Nyɛ hɛ nɛ hi nyɛ he nɔ saminya ngɛ hɛ tsumi he; ejakaa pi nɔmlɔ ni nɛ e na nɛ be nɔ ɔ mi nɛ e wami ngɛ.”

Luka 16:14

Nɛ Farisifo ɔmɛ nɛ ji sikasuɔli ɔmɛ nu ni nɛ ɔmɛ tsuo nɛ a muɔ lɛ.

Ni Tsumi 15:20

Se mohu a ngma mɛ ke a nyɛ wɔ nihi kɛ a ajuama bɔmi kɛ lohwehi nɛ a kika mɛ kɛ gbe kɛ dmuɔ.

Ni Tsumi 20:33

Ye hɛ kɔɛ nyɛ ti nɔ ko sika hiɔ loo sika tsu loo tade nɔ.

Romabi 1:29

A hyi tɔ kɛ ni yayamihi, yiwitso, hɛ tsumi, yayami; a hyi tɔ kɛ nyɛmi, awi yemi, pɛ, sisimi, nihi a he munyu tumi;

Romabi 16:2

konɛ nyɛ he lɛ hɛ muɔ ngɛ Nyɔmtsɛ ɔ mi bɔ nɛ sa ni klɔuklɔu ɔmɛ, nɛ nyɛɛ piɛ e he ngɛ ni tsumi tsuaa ni tsumi nɛ nyɛ he maa hia lɛ ngɛ mi ɔ mi; ejakaa lɛ nitsɛ hu, e ji nihi fuu kɛ imi nitsɛ hu ye he piɛlɔ.

Romabi 6:13

Nɛ jeha nɛ ɔ nyɛ ko ngɔ nyɛ he ni ɔmɛ ngɔ ha yayami kaa ni yayami ɔmɛ a tahwumi nihi, se mohu nyɛɛ ngɔ nyɛ he ngɔ ha Mawu kaa ninɛmɛ nɛ a hɛ tsɛ kɛ je gbeje, nɛ nyɛɛ kɛ nyɛ he ni ɔmɛ nɛ pee dami tahwumi nihi ngɔ ha Mawu.

1 Korintobi 10:8

Nɛ jehanɛ hu wa ko bɔ ajuama kaa bɔ nɛ a ti ni komɛ bɔ nɛ ligbi kake nɔ ɔ nihi akpe nyingmi enyɔ kɛ etɛ yi tã a.

1 Korintobi 5:1

Angɛ de ngɛ nyɛ he niinɛ kaa ajuama bɔmi ngɛ nyɛ kpɛti, ajuama bɔmi nɛ be majemajeli ɔmɛ a mi tete, kaa nɔ ko maa ngɔ e tsɛ yo.

1 Korintobi 6:13

Ngma ngɛ ha muklii, nɛ muklii hu ngɛ ha ngma, se Mawu ma ha enyɔ ɔ kulaa se maa po. Nɔmlɔ tso ɔ, pi ajuama bɔmi he nɛ e ngɛ ngɛ, se mohu Nyɔmtsɛ ɔ he e ngɛ ngɛ, nɛ Nyɔmtsɛ ɔ hu ngɛ ha nɔmlc tso ɔ.

1 Korintobi 6:18

Nyɛɛ tu ajuama bɔmi nya fo! Yayami tsuaa yayami nɛ nɔmlɔ peɔ ɔ, pi e nɔmlɔ tso ɔ mi nɛ e ngɛ; se nɔ nɛ bɔɔ ajuama a, e peɔ yayami siɔ lɛ nitsɛ e nɔmlɔ tso ɔ.

2 Korintobi 12:21

I ngɛ gbeye yee kaa ke i ba a, ye Mawu ɔ maa ba mi si ekohu ngɛ nyɛ he, nɛ ma ye kɔmɔ ha nihi nɛ pee yayami sa nɛ a tsakee we a tsui ɔmɛ a ti nihi fuu, ngɛ a mu nihi kɛ ajuama bɔmi kɛ ya homi ɔ he.

Efesobi 5:12

Ejakaa nihi nɛ a juɔ si peɔ ɔ ngɛ zo kaa a maa wo ta tete.

Efesobi 5:5

Ejakaa nyɛ le enɛ ɔ momo kaa, ajuama bɔlɔ ko ajuama bɔlɔ ko loo mu ni tsulɔ ko loo hɛ tsulɔ ko nɛ ji wɔ jalɔ be blɔ nya ngɛ Kristo kɛ Mawu matsɛ yemi ɔ mi.

Filipibi 1:27

Jehanɛ ngɛ nyɛ ma sane blɔfami ɔ, nyɛɛ ba nyɛ je mi sbɔ nɛ sa Kristo sane kpakpa a kɛkɛ, konɛ, ke i ba ba na nyɛ jio, i kɛ nyɛ be jio, ma nu nyɛ he kaa nyɛ daa si ngɛ mumi kake mi, nɛ nyɛɛ kɛ juɛmi kake ngɛ sane kpakpa a hemi kɛ yemi ɔ he plee.

Kolosebi 3:5

Lɔ ɔ he ɔ nyɛɛ gbe nyɛ he nihi nɛ ngɛ zugba a nɔ ɔ: ajuama bɔmi, mu ni tsumi, mi mi la, akɔnɔ yaya, kɛ hɛ tsumi nɛ ji wɔ jami ɔ,

1 Tesalonikabi 4:3

Enɛ ɔ ji Mawu suɔmi nya ni kaa nyɛ he nɛ tsɔ, lɔ ɔ ji kaa nyɛɛ tsi nyɛ he nya kɛ je ajuama bɔmi he,

1 Tesalonikabi 4:7

Ejakaa Mawu tsɛ we wɔ ngɔ hi mu ni tsumi, se mohu he tsɔmi.

1 Timoteo 2:10

se mohu kɛ ni tsumi kpakpahi nɛ sa yihi nɛ tsɔɔ a he kaa Mawu jali ji mɛ ɔ.

1 Timoteo 3:3

pi da delɔ, pi nine kpokpookpo tsɛ, se mohu nɔ nɛ he jɔ, nɔ nɛ pɛ́, nɔ nɛ hɛ kɔɛ sika nɔ;

1 Timoteo 6:10

Ejakaa ni yayahi kulaa sipoku ji sika suɔmi nɛ ni komɛ di se nɛ a tla blɔ kɛ je hemi kɛ yemi ɔ mi, nɛ a kɛ piimi babauu gbɔ a tsui mi ɔ.

2 Timoteo 3:2

Ejakaa nimli ma plɛ a he hesuɔli, sikasuɔli, fiali, he woli, musu bɔli, fɔli a nɔ tue gboli, otlumuhi, nihi nɛ a he tsɔ we,

Tito 1:11

nihi nɛ sa kaa a ku a nya, ejakaa a butuu we mlukuhi kulaa, nɛ zo nihi a se nami he ɔ a tsɔɔ tsɔɔmihi nɛ dɛ.

Tito 1:7

Ejakaa nɔ hyɛlɔ ɔ, e sɛ kaa piami ko hii e he, akɛnɛ Mawu we mi sɔmɔlɔ nɔkɔtɔma ji lɛ he je ɔ; pi nɔ nɛ peɔ lɛ nitsɛ e tsui nya ni, pi mi mi latsɛ, pi da nulɔ, pi nine kpokpookpotsɛ, pi kpɛletsɛ,

Tito 2:3

Yimowi hu ja nɔuu kãa a ba a je mi bɔ nɛ sa ni klɔuklɔu ɔmɛ. A ko tu nihi a he munyu a ko pee dadeli, a pee nihi nɛ tsɔɔ ni kpakpahi,

Hebribi 12:16

konɛ nɔ ko ko pee e he ajuama bɔlɔ, loo yaka nɔmlɔ kaa Esau nɛ jua e bi tete blɔ nya a kɛ he si kake niye ni ɔ.

1 Petro 5:2

Nyɛɛ lɛ Mawu asafo nɛ a ngɔ ha nyɛ ɔ, nyɛɛ hyɛ nɔ, pi ngɛ nɔ nyɛmi nya, se mohu ngɛ suɔmi nya; jehanɛ hu, pi ngɛ se nami nɛ ngɛ zo he, se mohu tsui mi jɔmi nya;

2 Petro 2:10

se titli ɔ, nihi nɛ nyɛɛ he lo se ngɛ he blemi akɔnɔ mi, nɛ a gbee Mawu nɔ yemi he guɛ ɔ. Kikɛmɛ a lakpa tsɔɔli nɛ ɔmɛ a tsui wa, nɛ a woɔ a he, nɛ a bui hiɔwe bɔfohi tete, nɛ a tuɔ a he munyu yaya.

2 Petro 2:14

A hyɛ we nɔ́ ko nɔ́ ko kaa ja yi ya holi, nɛ a hɛ jɔɛ kɛ yayami peemi; a mlɔɔ nihi nɛ nane pi si ɔmɛ; a ngɛ hɛ tsumi tsui; musu bimɛ ji mɛ.

2 Petro 2:3

Nɛ a kɛ kutupɔ munyuhi maa jua nyɛ ngɛ hɛ tsumi mi, nihi nɛ kɛ je blema lokoo ɔ, a kojomi hlua we si, nɛ a hɛ mi kpatami ɔ hu be mahɛ hwɔe.

Kpojemi 2:14

Se kɛ ɔ, i kɛ mo ngɛ sane bɔɔ ko: ejakaa o ngɛ nihi ngɛ lejɛ ɔ nɛ hɛɛ Bileam nɔ nɛ tsɔɔ Balak kaa e tsɔ Israelbi ɔmɛ klama nɛ a ye nihi nɛ a kɛ sa bɔ ha wɔhi nɛ a bɔ ajuama a tsɔɔmi ɔ mi.

Kpojemi 2:21

I ha lɛ be konɛ e kɛ tsake e tsui, se e sume nɛ e tsake kɛ je ajuama bɔmi ɔ mi.

Kpojemi 21:8

Se ninɛmɛ nɛ ji sfɔli kɛ ninɛmɛ nɛ he we yi kɛ nihi nɛ peɔ ninyɛ nihi kɛ awi yeli kɛ ya holi kɛ nyuali kɛ wɔ jali kɛ lakpatsɛmɛ kulaa a, a ma na a blɔ nya ngɛ taku ɔ nɛ ngɛ tsoe kɛ la gligliigli ɔ mi, nɔ́ nɛ ji gbenɔ nɛ ji enyɔ ɔ.”

Kpojemi 22:15

Se ma a se ɔ, gbe ɔmɛ kɛ nyuali ɔmɛ kɛ ya holi ɔmɛ kɛ awi yeli ɔmɛ kɛ amaga jali ɔmɛ kɛ nɔ tsuaa nɔ nɛ suɔ lakpa nɛ ngɔɔ nya a ngɛ lejɛ ɔ.

Kpojemi 9:21

Jehanɛ hu, a tsake we a tsui kɛ ji a awi yemi kɛ a nyuami kɛ ajuama bɔmi kɛ a jumi ɔmɛ a mi.