Efesobi 5:27 - Somi He Ɔ

²⁷ konɛ e ngɔ lɛ ngɔ da si ha lɛ nitsɛ e he kaa hɛ mi nyami asafo nɛ he be piami ko loo hɛ mi kuami ko loo jamɛ a nɔ́ ko, se mohu e pee klɔuklɔu nɛ piami ko ko hi e he.

BAIBLO ALOO NGMAMI KLƆUKLƆU Ɔ

²⁷ E pee enɛ ɔ, konɛ e ngɔ asafo ɔ ngɔ pee lɛ nitsɛ e nɔ́. Asafo ɔ ngɛ kaa nɔ ko nɛ he ngɛ fɛu saminya; sé ko be e he ɔ, e hɛ mi kuã we, nɛ nɔ́ yaya kpa ko hu be e he. Ee, asafo ɔ maa hi klɔuklɔu nɛ piami ko piami ko be e he hie.

Efesobi 5:27 ပူးပေါင်းရင်းမြစ်များ

Kolosebi 1:22

jehanɛ, e kɛ e he lo nɔmlɔ tso ɔ gu gbenɔ mi kɛ kpata ha nyɛ, konɛ e kɛ nyɛ nɛ da si kaa ni klɔuklɔuhi nɛ he be piami ko loo nya pomi ko ngɛ e hɛ mi.

Hebribi 9:14

si nyɛmɛ nɔuu nɛ Kristo, nɛ gu neneene mumi ɔ nɔ ngɔ e he nɛ piami ko be he ngɔ ha Mawu ɔ muɔ be wa he ni lemi he fɔe kɛ je ni tsumi gbogboehi a mi, konɛ wa sɔmɔ Mawu hɛ kalɔ ɔ?

1 Petro 1:19

se mohu, Kristo, nɔ nɛ ngɛ kaa to bi nɛ he be piami loo mu ko ɔ muɔ nɛ he jua wa a.

Efesobi 1:4

E hla wɔ ngɛ Kristo mi loko a to je ɔ sisi, konɛ waa pee klɔuklɔu nɛ piami ko ko hi wa he ngɛ e hɛ mi.

2 Korintobi 11:2

Ejakaa i jee nyɛ he hunga haa Mawu; ejakaa i bi nyɛ si ha Kristo, konɛ ma ngɔ zangmayo nɛ he tsɔ ya ha nyumu kake.

Kolosebi 1:28

Lɛ e he sane wa fiɛɔ, nɛ wa woɔ nɔmlɔ tsuaa nɔmlɔ ga, nɛ wa tsɔɔ nɔmlɔ ni ngɛ ni lemi tsuaa ni lemi mi, konɛ waa kɛ nɔmlɔ tsuaa nɔmlɔ nɛ da si kaa nɔ́ nɛ hi kɛ pi si ngɛ Kristo Yesu mi.

2 Korintobi 4:14

ejakaa wa le kaa nɔ nɛ tle Nyɔmtsɛ Yesu si ɔ, e ma tle waa kɛ Yesu si, nɛ e kɛ waa kɛ nyɛ tsuo ma ba da e hɛ mi.

Yuda 1:24

Lɛ, nɔ nɛ e ngɛ he wami nɛ e kɛ maa bu nyɛhe nɛ nyɛ ko tɛ si, nɛ e kɛ nyɛ ya da e nyami ɔ hɛ mi nɛ piami ko ko hi nyɛ he ngɛ bua jɔmi mi ɔ,

2 Petro 3:14

Lɔ ɔ he ɔ, mamimɛ, akɛnɛ nyɛ ngɛ kikɛmɛ a ni nɛ ɔmɛ a blɔ hyɛe nɛ ɔ, nyɛɛ bɔ mɔde konɛ nyɛɛ kɛ lɛ kpɛti nɛ hi he jɔmi nɛ a na nyɛ nɛ mu loo piami ko ko hi nyɛ he ngɛ e hɛ mi.

Yuda 1:21

nɛ nyɛɛ to nyɛ he ngɛ Mawu suɔmi ɔ mi, nɛ nyɛɛ hyɛ wa Mawetsɛ Yesu mɔbɔ nami ɔ blɔ, konɛ nyɛ na neneene wami.

1 Tesalonikabi 5:23

He jɔmi Mawu ɔ nitsɛ nɛ tsukɔ nyɛ he kulaa kɛ pi si, nɛ e hyɛ nyɛ mumi kɛ nyɛ klaa kɛ nyɛ nɔmlɔ tso ɔ kulaa nɔ nɛ piami ko ko hi he ngɛ wa Nyɔmtsɛ Yesu Kristo bami be ɔ mi.

Kpojemi 14:4

Nimli nɛ ɔmɛ ji nihi nɛ kɛ yihi ble we a he, ejakaa nihewi nɛ ngɔɛ yihi ji mɛ, nɛ a nyɛɛ Tobi ɔ se kɛ yaa he tsuaa he nɛ e yaa a. Nimli nɛ ɔmɛ ji nihi nɛ a kpɔ kɛ je nimli a kpɛti nɛ a plɛ kekleekle yiblii ha Nyɔmtsɛ ɔ kɛ Tobi ɔ.