Efesobi 5:2 - Somi He Ɔ

² nɛ nyɛɛ nyɛɛ ngɛ suɔmi mi kaa bɔ nɛ Kristo hu suɔ wɔ nɛ e ngɔ lɛ nitsɛ e he ngɔ ha ngɛ wa he kaa nɔ́ke nɔ́ kɛ bɔ nɛ he via nɛ a kɛ ha Mawu.

BAIBLO ALOO NGMAMI KLƆUKLƆU Ɔ

² Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.

Efesobi 5:2 ပူးပေါင်းရင်းမြစ်များ

Yohane 13:34

Kita he i ngɛ nyɛ woe, kaa nyɛɛ suɔ nyɛ he. Kaa bɔ nɛ i suɔ nyɛ ɔ, jã nyɛ hu nyɛɛ suɔ nyɛ he.

Galatabi 2:20

A sɛu mi kɛ Kristo; he je ɔ pi imi nɛ ye hɛ ngɛ hu, se Kristo lɛ hɛ ngɛ ngɛ ye mi; se ye hɛ nɛ ngɛ ngɛ he lo mi jehanɛ ɔ, Mawu Bi ɔ nɛ suɔ mi nɛ e ngɔ e he ngɔ ha ngɛ ye he ɔ nɔ hemi kɛ yemi mi ye hɛ ngɛ ngɛ.

Kolosebi 3:14

Se enɛ ɔmɛ tsuo se ɔ, nyɛɛ wo suɔmi nɛ ji kpa nɛ fiɔ nihi kulaa peɔ kake ɔ kaa tade.

2 Korintobi 2:15

Ejakaa Kristo he viami kpakpa ji wɔ ha Mawu ngɛ nihi nɛ a heɔ a yi wami kɛ nihi nɛ a hɛ mi kpataa a kulaa mi:

Tito 2:14

nɔ nɛ ngɔ nitsɛ e he ngɔ ha ngɛ wa nane mi, konɛ e kpɔ wɔ kɛ je nɔ tɔmi kulaa mi, nɛ e tsukɔ wa he ngɔ pee lɛ nitsɛ e ma klɔuu nɛ hɛ dɔɔ ngɛ ni tsumi kpakpahi a he.

1 Korintobi 16:14

Nyɛɛ pee nyɛ nihi kulaa ngɛ suɔmi mi.

Mateo 20:28

Kaa bɔ nɛ Nɔmlɔ Bi ɔ bɛ nɛ a sɔmɔ lɛ, se e ba sɔmɔmi mohu, nɛ e ngɔ e klaa a kɛ ha kaa kpɔmi nɔ kɛ ha nihi fuu ɔ.”

1 Petro 4:8

Se titli ɔ, suɔmi nɛ nyɛɛ kɛ suɔ nyɛ he ɔ mi nɛ wa, ejakaa suɔmi haa yayamihi babauu nɔ.

2 Korintobi 8:9

Ejaka nyɛ le wa Nyɔmtsɛ Yesu Kristo dloomi ɔ, kaa lɛ nɛ ji niatsɛ ɔ, e plɛ ohiafo ngɛ nyɛ he, konɛ nyɛɛ gu e hia a nɔ kɛ plɛ niatsɛmɛ.

1 Yohane 3:16

Enɛ ɔ mi wa naa suɔmi ngɛ, kaa Kristo ngɔ e wami ngɔ fɔ si ngɛ wa he, lɔ ɔ he ɔ e sa kaa wɔ hu waa kɛ wa wami fɔɔ si ngɛ wa nyɛmimɛ a he.

Kpojemi 1:5

nɛ kɛ je Yesu Kristo, nɛ ji odaseyelɔ anɔkualetsɛ ɔ, ni gbogboehi a kpɛti kekleekle bi kɛ zugba a nɔ matsɛmɛ ɔmɛ a nɔyelɔ ɔ dɛ mi. Nɔ nɛ suɔ wɔ, nɛ e kɛ lɛ nitsɛ e muɔ tsukɔ wa he kɛ je wa he yayami ɔmɛ a mi,

Hebribi 9:26

ejakaa ke ja a, jinɛ sa kaa e na amanehlu kpiti kpiti kɛ je je mi siiije lokoo; se jehanɛ ɔ, si kake kɛkɛ a je lɛ kpo ngɛ je mi be ɔmɛ a nyagbe mi, konɛ e ngɔ lɛ nitsɛ e he nɛ e kɛ sa bɔ ɔ kɛ je yayami ɔ.

Hebribi 9:14

si nyɛmɛ nɔuu nɛ Kristo, nɛ gu neneene mumi ɔ nɔ ngɔ e he nɛ piami ko be he ngɔ ha Mawu ɔ muɔ be wa he ni lemi he fɔe kɛ je ni tsumi gbogboehi a mi, konɛ wa sɔmɔ Mawu hɛ kalɔ ɔ?

1 Timoteo 2:6

nɔ nɛ ngɔ e he ngɔ ha kaa kpɔmi nɔ ha nimli tsuo, nɛ ji odase nɛ a yeɔ ngɛ be nɛ sa mi ɔ;

Efesobi 4:15

Se mohu waa pee anɔkualetsɛmɛ ngɛ suɔmi mi, nɛ waa wa ngɛ nihi kulaa blɔfami, ngɛ lɛ Kristo ɔ nɔuu nɛ ji yi ɔ he;

1 Yohane 3:23

Nɛ enɛ ji e kitaa a nɛ, kaa wa he e Bi Yesu Kristo biɛ ɔ nɔ ngɔ ye, nɛ waa suɔ wa sibi, kaa bɔ nɛ e wo wɔ kita a.

1 Timoteo 4:12

Ko ha nɔ ko nɛ gbe o he guɛ ngɛ niheyo nɛ o ji ɔ he, se mohu o kɛ o he nɛ pee nɔ hyemi nɔ ngɔ ha ninɛmɛ nɛ heɔ yeɔ ɔ, ngɛ munyu tutui mi, ngɛ jemi bami mi, ngɛ suɔmi mi, ngɛ mumi, mi ngɛ hemi kɛ yemi mi, ngɛ he tsɔmi mi.

1 Tesalonikabi 4:9

E hia we kaa ma ngma nyɛ ngɛ nyɛmimɛ a suɔmi he, ejakaa nyɛ nitsɛmɛ ɔ, Mawu tsɔɔ nyɛ kaa nyɛɛ suɔ nyɛ he;

Efesobi 4:2

ngɛ he si bami kɛ humi peemi tsuo mi, nɛ nyɛɛ kɛ tsui si tomi nɛ suɔ nyɛ he,

Efesobi 3:17

nɛ a gu hemi kɛ yemi nɔ nɛ Kristo nɛ hi si ngɛ nyɛ tsui mi nɛ nyɛ sipoku nɛ pi si nɛ nyɛɛ ma si gbugbuugbu ngɛ suɔmi mi,

Galatabi 1:4

nɔ nɛ ngɔ lɛ nitsɛ e he ngɔ ha ngɛ wa he yayami ɔmɛ a he, konɛ e je wɔ kɛ je je yaya nɛ ngɛ mwɔnɛmwɔnɛ nɛ ɔ mi ngɛ Mawu kɛ wa Tsɛ ɔ suɔmi nya;

Kpojemi 5:9

Nɛ a la la he ko de ke: “Mo lɛ sa kaa o heɔ womi ɔ Nɛ o tsɔɔ e nya sɔumi ɔmɛ, Ejakaa a gbe mo, Nɛ o kɛ o muɔ ɔ kpɔ wɔ ha Mawu Kɛ je wetso tsuaa wetso kɛ munyu tsuaa munyu Kɛ ma tsuaa ma kɛ je ma tsuaa je ma mi.

Hebribi 9:23

Lɛɛ e hia kaa nihi nɛ ji hiɔwe ni ɔmɛ a henɔ nɛ ɔmɛ ɔ, a ngɔ enɛ ɔmɛ kɛ tsukɔ he; se hiɔwe ni ɔmɛ nitsɛmɛ ɔ, bɔhi nɛ hi pe kɔlɔ ɔmɛ a kɛ tsukɔɔ he.

Efesobi 3:19

nɛ nyɛɛ le Kristo suɔmi nɛ pa ni lemi tsuo ɔ, konɛ Mawu himi kɛ si pimi ɔ nɛ hyi nyɛ tsuo tɔtɔɔtɔ.

Romabi 8:3

Ejakaa nɔ́ nɛ mlaa a nyɛ we nɛ e pee ngɛ gbedemi nɛ he lo ɔ gbede he je ɔ, Mawu tsɔ lɛ nitsɛ e bi ɔ ngɛ su nɛ ngɛ kaa yayami he lo su mi, nɛ ngɛ yayami he hulɔ, konɛ e bu yayami ɔ fɔ ngɛ he lo ɔ mi,

Efesobi 5:25

Nyɛ, hunomɛ ɔmɛ ɔ, nyɛɛ suɔ nyɛ nitsɛmɛ nyɛ yihi, kaa bɔ nɛ Kristo hu suɔ asafo ɔ nɛ e ngɔ lɛ nitsɛ e he ngɔ ha ngɛ e he ɔ,

1 Korintobi 5:7

Lɔ ɔ he ɔ nyɛ je ma sasɛ momo ɔ, konɛ nyɛ plɛ ma he, kaa bɔ nɛ ma akpiti ji nyɛ ɔ; ejaaa a gbe wa Hetsɔmi To Bi nɛ ji Kristo ɔ ha wɔ.

Romabi 4:25

A ngɔ lɛ ngɔ ha ngɛ wa tɔmi ɔmɛ a he, nɛ a tle lɛ si ekohu ngɛ wa nguɔ womi ɔ he.

Yohane 6:51

Imi ji abolo nɛ hɛ̃ ngɛ nɛ je hiɔwe ba a nɛ; ke nɔ ko ye abolo nɛ ɔ eko ɔ, e maa hi si kɛ maa ya neneene. Se abolo nɛ i kɛ ma ha a ji ye he lo nɛ i kɛ ma ha ngɛ je ɔ wami he ɔ nɛ.”

Romabi 8:37

Se kɛ̃ ɔ, enɛ ɔmɛ kulaa mi ɔ, wa guu nɔ nɛ suɔ wɔ ɔ nɔ yeɔ kunimi babauu.

Romabi 15:16

konɛ ma plɛ Yesu Kristo sɔmɔlɔ ha majeli ɔmɛ, nɛ ma tsu Mawu Sane Kpakpa a he osɔfo ni tsumi ɔ, konɛ majeli ɔmɛ nɛ plɛ bɔ nɛ sa Mawu hɛ mi saminya nɛ a tsukɔ he ngɛ Mumi Klɔuklɔu mi.

2 Korintobi 2:14

Se sina ha Mawu, ejakaa ngɛ waa kɛ Kristo kake peemi mi ɔ, e haa wa yeɔ kunimi daa, nɛ e haa e he nilemi he via a guu wa nɔ jee kpo ngɛ he tsuaa he.

Efesobi 1:4

E hla wɔ ngɛ Kristo mi loko a to je ɔ sisi, konɛ waa pee klɔuklɔu nɛ piami ko ko hi wa he ngɛ e hɛ mi.

Efesobi 5:15

Lɔ ɔ he ɔ nyɛɛ hyɛ bɔ nɛ nyɛ maa hi si ha, pi kaa nihi nɛ li nɔ́, se mohu kaa ni leli,

Filipibi 4:18

I na nihi kulaa kɛ be nɔ, i tɔ kɛ nihi nɛ nyɛɛ kɛ mane Epafrodito kɛ ba ha mi ɔ nɛ ji via jemi kpakpa kɛ bɔ nɛ sa Mawu hɛ mi ɔ.

Hebribi 8:3

Ejakaa osɔfo nɔkɔtɔma tsuaa osɔfo nɔkɔtɔma a, a wo lɛ konɛ e ngɔ nike nihi kɛ bɔ sami nihi kɛ ba ha, lɔ ɔ he je ɔ e hia kaa nɔ nɛ ɔ hu e na nɔ́ ko nɛ e kɛ ba ha.