Efesobi 5:15 - Somi He Ɔ

¹⁵ Lɔ ɔ he ɔ nyɛɛ hyɛ bɔ nɛ nyɛ maa hi si ha, pi kaa nihi nɛ li nɔ́, se mohu kaa ni leli,

BAIBLO ALOO NGMAMI KLƆUKLƆU Ɔ

¹⁵ Lɔ ɔ he ɔ, nyɛɛ hyɛ nyɛ je mi bami nɛ hi! Nyɛ ko hi si kaa nihi nɛ li nɔ́ ko nɔ́ ko, se mohu kaa ní leli.

Efesobi 5:15 ပူးပေါင်းရင်းမြစ်များ

Kolosebi 4:5

Nyɛɛ nyɛɛ ngɛ ni lemi nya, ngɛ nihi nɛ ngɛ se ɔmɛ a hɛ mi, nɛ nyɛ tsu nyɛ deka a he ni.

Yakobo 3:13

Mɛnɔ ji ni lelɔ kɛ sane se kɔlɔ ngɛ nyɛ kpɛti? Ha nɛ e kɛ je mi bami kpakpa nɛ tsɔɔ lɛ nitsɛ e nitsumi ɔmɛ ngɛ kpoo peemi kɛ ni lemi mi.

Filipibi 1:27

Jehanɛ ngɛ nyɛ ma sane blɔfami ɔ, nyɛɛ ba nyɛ je mi sbɔ nɛ sa Kristo sane kpakpa a kɛkɛ, konɛ, ke i ba ba na nyɛ jio, i kɛ nyɛ be jio, ma nu nyɛ he kaa nyɛ daa si ngɛ mumi kake mi, nɛ nyɛɛ kɛ juɛmi kake ngɛ sane kpakpa a hemi kɛ yemi ɔ he plee.

1 Korintobi 14:20

Mamimɛ, nyɛ ko pee nyɛ he jokuɛwi ngɛ juɛmi blɔfami, se yayami blɔfami ɔ, nyɛɛ pee nyɛ he bimwɔwi, se juɛmi blɔfami ɔ, nyɛɛ pee nyɛ he nihi nɛ a wa.

1 Timoteo 6:9

Nihi nɛ hlaa nɛ a na ni fuu ɔ, nɔɔ ka kɛ klama kɛ kuasiahi akɔnɔhi fuu nɛ puɛɔ nɔ nɛ tsɛɛ nihi ngɔ woɔ hɛ mi kpatami kɛ laami mi ɔ mi.

1 Petro 1:22

Jehanɛ, akɛnɛ nyɛ tsukɔ nyɛ klaa amɛ a he ngɛ anɔkuale tue bumi mi ha nyɛmimɛ a he dɔmi nɛ lakpa be mi he je ɔ, nyɛɛ kɛ tsui klɔuu nɛ suɔ nyɛ he saminya.

Mateo 10:16

“Oʼɛ, i ngɛ nyɛ hsɔe kaa jijɔhi ngɛ ogbeteehi a kpɛti; lɔ ɔ he ɔ nyɛ hɛ mi nɛ tɛ kaa sinɔhi, nɛ nyɛɛ pee kpoo kaa okpohi.

1 Tesalonikabi 5:15

Nyɛɛ hyɛ nɛ hi konɛ nɔ ko ko ngɔ yayami ngɔ to yayami nane mi, se mohu daa nɛ ɔ nyɛɛ di kpakpa peemi se ngɔ ha nyɛ he kɛ nihi kulaa.

Luka 24:25

Kɛkɛ nɛ Yesu de mɛ ke: “Oo kuasiahi nɛ nyɛ ngɛ siɔɔ ngɛ nyɛ tsui mi ngɛ nihi tsuo nɛ gbali ɔmɛ de ɔ hemi kɛ yemi he.

Galatabi 3:3

Anɛ kikɛ nyɛ be yi mi lo? Nɛ nyɛɛ kɛ Mumi je sisi ɔ, jehanɛ he lo nyɛɛ kɛ maa gbe nya lo?

Hebribi 12:25

Nyɛɛ hyɛ nɛ hi konɛ nyɛ ko kua nɔ nɛ ngɛ munyu tue ɔ munyu ɔ, ejakaa ke nihi nɛ kua nɔ nɛ tu munyu tsɔɔ mɛ ngɛ zugba a nɔ munyu ɔ a he ji mi ɔ, lɛɛ ke wa kpale kɛ je nɔ nɛ jee hiɔwe tuɔ munyu ɔ se ɔ, wɔ mohu wa he be mi jee kɔkɔɔkɔ;

Mateo 27:24

Se benɛ Pilato na kaa e nyɛ we he nɔ́ ko nɛ e pee, se mohu basabasa ngɛ hlae nɛ maa te si ɔ, e ngɔ nyu nɛ se fɔ e dɛ ngɛ asafo ɔ hɛ mi, nɛ e ke: “Imi lɛɛ i yi dalɔ nɛ ɔ muɔ he musu; nyɛ, nyɛ sane ʼi!”

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke: “Koo pee! O nyɛmi sɔmɔlɔ kɛ o nyɛmimɛ nɛ hɛɛ Yesu odase mi ɔ a ti nɔ ko ji mi. Ja Mawu mohu!” Ejakaa Yesu odase ɔ ji gbami mumi ɔ nɛ.

Mateo 8:4

Nɛ Yesu de lɛ ke: “Hyɛ nɛ o ko de nɔ ko; se mohu yaa nɛ o kɛ o he ya tsɔɔ osɔfo ɔ, nɛ o ha ke ni nɛ Mose to ɔ kɛ ye odase.”

Efesobi 5:33

E sa kaa nyɛ hu nyɛ ti nɔ tsuaa nɔ nɛ suɔ e yo ja, kaa lɛ nitsɛ e he, konɛ yo ɔ hu nɛ bu e huno ɔ.

Kolosebi 1:9

Enɛ ɔ he je ɔ wɔ hu, kɛ je ligbi nɛ wa nu ɔ, wa jɔɔ we sɔlemi kɛ pɛɛ kpami kɛ nyɛ hami, konɛ nyɛ hyi tɔtɔɔtɔ kɛ e suɔmi nya nihi a lemi ngɛ mumi mi ni lemi kɛ sisinami tsuo mi;

Galatabi 3:1

Oo, Galatabi nɛ be yi mi! Mɛnɔ gbiɛ nyɛ ke nyɛ ko bu anɔkuale ɔ tue — nihi a hɛ mi nɛ a tɛni Yesu Kristo ngɛ kaa nɔ nɛ a sɛu.

Mateo 27:4

nɛ e ke: “I pee yayami kaa i tsɔɔ muɔ nɛ yayami ko be e he ɔ se blɔ.” Se mɛ lɛɛ a ke: “Lɔ ɔ pi wa he sane ko; mo nitsɛ hyɛ nɔ!”

Mateo 25:2

Se a kpɛti ni enuɔ ɔ kuasiahi ʼi, nɛ ni enuɔ ɔ lɛɛ ni leli ji mɛ.

Efesobi 5:2

nɛ nyɛɛ nyɛɛ ngɛ suɔmi mi kaa bɔ nɛ Kristo hu suɔ wɔ nɛ e ngɔ lɛ nitsɛ e he ngɔ ha ngɛ wa he kaa nɔ́ke nɔ́ kɛ bɔ nɛ he via nɛ a kɛ ha Mawu.