Efesobi 4:5 - Somi He Ɔ

⁵ Nyɔmtsɛ kake, hemi kɛ yemi kake, baptisimi kake,

BAIBLO ALOO NGMAMI KLƆUKLƆU Ɔ

⁵ Nyɔmtsɛ kake, hemi kɛ yemi kake, kɛ nɔ sɔlemi kake lɛ ngɛ.

Efesobi 4:5 ပူးပေါင်းရင်းမြစ်များ

1 Korintobi 8:6

kɛ̃ ɔ wɔɔ lɛɛ, Mawu kaketoo wa ngɛ, Tsɛ ɔ, nɔ mi nɛ nihi kulaa je nɛ wa ngɛ ha lɛ ɔ, kɛ Nyɔmtsɛ kake hu nɛ ji Yesu Kristo ɔ, nɔ nɔ nɛ nihi kulaa gu kɛ ba nɛ wɔ hu wa gu e nɔ ɔ.

1 Korintobi 12:13

Ejakaa Yudafohi ji wɔ jio, Helabihi ji wɔ jio, nyɔguɛhi jio, he yeli jio, wɔ tsuo ɔ Mumi kake mi a gu a baptisi wɔ ngɔ wo nɔmlɔ tso kake mi; nɛ wɔ tsuo Mumi kake akɛ ha wɔ nɛ waa nu.

1 Petro 3:21

Enɛ ji baptisimi nyu ɔ he okadi nɛ a kɛ heɔ wa yi wami, nɔ́ nɛ pi he womi nɔ mu jemi, se mohu e ji he nile kpakpa somi nɛ e kɛ Mawu soɔ, kɛ guu Yesu Kristo si temi ɔ nɔ,

Romabi 3:30

Ke e ngɛ mi kaa Mawu ɔ Mawu kake ʼi, nɛ hemi kɛ yemi nya e buu nɔ pomi bemi, nɛ e kpale guu hemi kɛ yemi ɔ nɔ buu mɔmlɔtɔ bemi ɔ,

Mateo 28:19

Lɔ ɔ he ɔ rnyɛɛ ya nɛ nyɛ ya pee majemaje tsuo ye kaseli, nyɛɛ baptisi mɛ ngɔ wo Tsɛ ɔ kɛ Bi ɔ kɛ Mumi Klɔuklɔu ɔ biɛ mi,

1 Korintobi 1:13

Anɛ a gba Kristo mi lo? Anɛ Paulo a sɛu ha nyɛ ɔ lo? Aloo Paulo biɛ mi a baptisi nyɛ ngɔ wo ɔ lo?

Yuda 1:3

Mamimɛ, akɛnɛ i ngɛ mɔde bɔe nitsɛ nɛ ma ngma nyɛ wɔ tsuo wa yi wami hemi ɔ he sane ɔ he je ɔ, i na kaa e sa nɛ ma ngma nɛ ma kɛ wo nyɛ he wami konɛ nyɛɛ plee hemi kɛ yemi nɛ a tu ngɔ wo klɔuklɔu bi ɔmɛ a dɛ mi si kake nyɔngloo ɔ he.

2 Korintobi 11:4

Ejakaa ke nɔ nɛ ma a ba fiɛɛ yesu kpã nɛ wa fiɛ we, aloo mumi kpa ko nɛ nyɛ na we sa, aloo sane kpakpa kpã ko nɛ nyɛ he we ɔ, nyɛ heɔ lɛ saminya.

Filipibi 2:11

nɛ lilɛ tsuaa lilɛ nɛ jaje paa ke Yesu Kristo ji Nyɔmtsɛ kɛ wo Tsɛ Mawu ɔ hɛ mi nyami.

Efesobi 4:13

kɛ maa su be nɛ wɔ kulaa wa maa su Mawu Bi ɔ nɔ hemi kɛ yemi kɛ e he ni lemi kake peemi ɔ he nɛ waa pee nyumu nɛ su kɛ pi si ngɛ Kristo klemi muzaamu ɔ susumi nya;

Galatabi 5:6

Ejakaa Kristo Yesu mi ɔ, pi nɔ pomi nɛ nyɛɔ nɔ́ ko peɔ, nɛ pi mɔmlɔtɔ hulɔ, se mohu hemi kɛ yemi nɛ guu suɔmi nɔ tsuɔ ni ɔ ʼi.

1 Korintobi 12:5

Sɔmɔmi ni tsumihi slɔɔtohi hu ngɛ, se Nyɔmtsɛ kake ɔ nɔuu a kɛ sɔmɔɔ;

1 Korintobi 1:2

ngma ya ha Mawu asafo nɛ ngɛ Korinto ɔ, nihi nɛ a tsukɔ a he ngɛ Kristo Yesu mi nɛ ji ni klɔuklɔuhi nɛ a tsɛ mɛ kɛ nihi kula nɛ tsɛɛ waa kɛ mɛ tsuo Nyɔmtsɛ Yesu Kristo biɛ ngɛ he tsuaa he ɔ:

Yuda 1:20

Se, mamimɛ, nyɛɛ lɛɛ, nyɛ ha nyɛ nane nɛ pi si ngɛ hemi kɛ yemi nɛ ngɛ klɔuklɔu pe kulaa a mi, nɛ nyɛɛ sɔle ngɛ Mumi Klɔuklɔu ɔ mi,

Hebribi 13:7

Nyɛ kai nyɛ hɛ mi nyɛɛli, nihi nɛ tu Mawu munyu tsɔɔ nyɛ ɔ; nyɛɛ hyɛ a je mi si himi ɔ nyagbe, nɛ nyɛɛ kase a hemi kɛ yemi ɔ.

Hebribi 6:6

nɛ lɔ ɔ se nɛ a gbee si ɔ, a be nyɛe ma tsake mɛ ngɔ pee ni hehi ekohu ha tsui tsakemi, akɛnɛ a ngɛ Mawu bi ɔ sɛue ekohu kɛ ngɛ a he hae nɛ a ngɛ lɛ ahlua bɔe he ɔ.

Tito 1:4

I ngma ya ha Tito nɛ ji ye bi nitsɛ ngɛ hemi kɛ yemi kake ɔ nɔuu blɔfami ɔ: Dloomi, mɔbɔ nami kɛ he jɔmi nɛ je Tsɛ Mawu ɔ kɛ Mawetsɛ Yesu Kristo, wa yiwami helɔ ɔ, dɛ mi ɔ ha mo!

Tito 1:1

Paulo, Mawu sɔmɔlɔ, kɛ Yesu Kristo bɔfo. Ahla mi nɛ a tsɔ mi nɛ ma ya ye bua ninɛmɛ nɛ Mawu hla amɛ a hemi kɛ yemi, nɛ ma kɛ mɛ nɛ ba anɔkuale nɛ wa jami ɔ tsɔɔ,

Filipibi 3:8

Niinɛ kaa i buu lɛ tsuo kaa nihi nɛ laa ngɛ Kristo Yesu, ye Nyɔmtsɛ ɔ, he ni lemi nɛ pe kulaa a he, lɛ e he nɛ nihi kulaa bɔ mi, nɛ i buu mɛ kaa kuku nɔ nihi, konɛ Kristo mohu nɛ pee ye nɔ,

Ni Tsumi 10:36

Mawu tsɔ nɛ a kɛ munyu ɔ ya ha Israelbi, nɛ a gu Yesu Kristo nɔ kɛ jaje he jɔmi sane kpakpa a ngɔ tsɔɔ mɛ, lɛ ji nihi tsuo a Nyɔmtsɛ.

Ni Tsumi 2:36

“Lɔ ɔ he ɔ, ha Israel we ɔ kulaa nɛ le tutuutu kaa Mawu ngɔ kikɛmɛ a Yesu nɛ nyɛ sɛu lɛ nɛ ɔ ngɔ pee Nyɔmtsɛ kɛ Kristo tsuo.”

2 Petro 1:1

Simon Petro nɛ ji Yesu Kristo sɔmɔlɔ kɛ bɔfo ɔ, ngma ya ha nihi nɛ nine su hemi kɛ yemi nɛ he jua wa kaa wa nɔ ɔ nɔuu nɔ, ngɛ wa Mawu kɛ wa yi wami helɔ Yesu Kristo dami ɔ mi ɔ.

Yakobo 2:18

Se nɔ ko ma de ke: “Moo lɛɛ o ngɛ hemi kɛ yemi, nɛ imi lɛɛ, i ngɛ ni tsumihi;” tsɔɔ mi o hemi kɛ yemi nɛ ni tsumihi be he ɔ, nɛ imi hu ma je ye ni tsumi ɔmɛ a mi ma tsɔɔ mo ye hemi kɛ yemi ɔ.