Efesobi 4:25 - Somi He Ɔ

²⁵ Lɔ ɔ he ɔ, nyɛ sake lakpa ngɔ fɔ he nɛ nyɛ ti nɔ tsuaa nɔ kɛ e nyɛmi nɛ tu anɔkuale, ejakaa nɔmlɔ tso kake he nihi ji wɔ.

BAIBLO ALOO NGMAMI KLƆUKLƆU Ɔ

²⁵ Lɔ ɔ he ɔ, nyɛ kpa lakpa yemi, nɛ nɔ tsuaa nɔ nɛ tu e nyɛmi anɔkuale sisiisi. Ejakaa wɔ tsuo pɛpɛɛpɛ wa ngɛ kaa Kristo nɔmlɔ tso ɔ he ní munomunohi.

Efesobi 4:25 ပူးပေါင်းရင်းမြစ်များ

Yohane 8:44

Nyɛɛ lɛɛ, nyɛ tsɛ nɛ nyɛ je e mi ji abosiami, nɛ nyɛ tsɛ ɔ tsui nya ni nyɛ suɔ kaa nyɛɛ pee. Lɛɛ nɔ gbelɔ ji lɛ kɛ je blema, nɛ e hi si ngɛ anɔkuale ɔ mi, ejakaa anɔkuale be e mi. Ke e ngɛ lakpa yee ɔ, lɛ nitsɛ e nihi a he munyu e tuɔ, ejakaa lakpatsɛ kɛ nya ngɔli a tsɛ ji lɛ.

Romabi 12:5

ja nɔuu wɔ fuu nɛ ɔ, nɔmlɔ tso kake ji wɔ ngɛ Kristo mi, nɛ wa ti nɔ tsuaa nɔ ɔ, e nyɛmi he nɔ́ ji lɛ.

1 Korintobi 10:17

Ejakaa abolo kake ʼi, nɛ wɔ fuu ɔ, nɔmlɔ tso kake ji wɔ, ejakaa wɔ kulaa wa yeɔ abolo kake ɔ eko.

2 Korintobi 7:14

Ejakaa ke i ngɔ nyɛ kɛ fia ngɔ tsɔɔ lɛ ɔ, nyɛ gbi mi zo. Se kaa bɔ nɛ wa de nihi tsuo ngɛ anɔkuale mi ngɔ tsɔɔ nyɛ ɔ, ja nɔuu kɛ wa fiami hu nɛ wa fia ngɔ tsɔɔ Tito ɔ pee anɔkuale.

Efesobi 4:15

Se mohu waa pee anɔkualetsɛmɛ ngɛ suɔmi mi, nɛ waa wa ngɛ nihi kulaa blɔfami, ngɛ lɛ Kristo ɔ nɔuu nɛ ji yi ɔ he;

Efesobi 4:22

nyɛ sake nyɛ sa je mi bami ɔ nya nɔmlɔ momo nɛ puɛ ngɛ sisimi se dimi ɔmɛ a nya a ngɔ fɔ he,

Efesobi 4:31

Nyɛ ha mi mi doomi kɛ mi mi la kɛ muklii mi fumi kɛ huhui kɛ musu bɔmi kulaa se nɛ po ngɛ nyɛ kpɛti, kɛ yayami tsuaa yayami.

Efesobi 5:30

ejakaa e nɔmlɔ tso he nihi nɛ je e he lo kɛ e wuhi a mi ji wɔ.

Kolosebi 3:8

Se jehanɛ ɔ nyɛ hu nyɛ sake kikɛmɛ a ni nɛ ɔmɛ kulaa ngɔ pue he, nihi nɛ ji muklii mi fumi, mi mi la, hetsɛ, musu bɔmi munyu, zo munyu ɔmɛ kɛ je nyɛ nya mi.

Kolosebi 3:9

Nyɛ ko ye nyɛ sibi lakpa, ejakaa nyɛ je nɔmlɔ momo ɔ kɛ e ni tsumi ɔmɛ ngɔ pue he;

1 Timoteo 1:10

ajuama bɔli, nyumuhi nɛ kɛ nyumuhi hwɔɔ si, nɔmlɔ juli, nya ngɔli, kita mi kuli kɛ nɔ́ tsuaa nɔ́ nɛ kɛ tsɔɔmi kpakpa yi ɔ,

1 Timoteo 4:2

ngɛ nya ngɔli a sato peemi mi, nihi nɛ a he nile gbo kaa nɔ nɛ a sã kɛ dade kɛ la,

Tito 1:12

A ti nɔ ko nɛ ji mɛ nitsɛmɛ a gbalɔ ɔ de ke: “Kretabi yeɔ lakpa daa; lohwe yayamihi kɛ jiklɔɔtsɛmɛ kɛ hejɔli.”

Tito 1:2

nɛ maa si ngɛ neneene wami ɔ he hɛ kɛ nɔ fɔmi ɔ mi. Mawu nɛ yi lakpa a wo wɔ kikɛmɛ a wami nɛ ɔ he si loko a bɔ je mi be ɔmɛ,

Hebribi 12:1

Lɔ ɔ he ɔ, jehanɛ wɔ hu, be abɔ nɛ wa ngɛ odase yeli babauu nɛ mimla wɔ kaa bɔku nɛ ɔ, nyɛ ha wa je nɔ́ tsuaa nɔ́ nɛ tsiɔ wa nya kɛ yayami nɛ fi wɔ ɔ, nɛ waa kɛ hɛ mi miami nɛ tu fo nɛ fɔɔ si ngɛ wa hɛ mi ɔ,

Yakobo 1:21

Lɔ ɔ he ɔ, nyɛ sake mu ni tsumi kɛ subai yayamihi kulaa ngɔ pue he, nɛ nyɛɛ kɛ he si bami nɛ he munyu ɔ nɛ a du ngɛ nyɛ mi nɛ ngɛ he wami nɛ e kɛ ma he nyɛ klaa yi wami ɔ.

1 Petro 2:1

Lɔ ɔ he ɔ, nyɛ sake yayami tsuo kɛ kutupɔ tsuo kɛ osato kɛ ninyɛ kɛ nihi a he munyu tumi kulaa ngɔ pue he.

Kpojemi 21:8

Se ninɛmɛ nɛ ji sfɔli kɛ ninɛmɛ nɛ he we yi kɛ nihi nɛ peɔ ninyɛ nihi kɛ awi yeli kɛ ya holi kɛ nyuali kɛ wɔ jali kɛ lakpatsɛmɛ kulaa a, a ma na a blɔ nya ngɛ taku ɔ nɛ ngɛ tsoe kɛ la gligliigli ɔ mi, nɔ́ nɛ ji gbenɔ nɛ ji enyɔ ɔ.”

Kpojemi 22:15

Se ma a se ɔ, gbe ɔmɛ kɛ nyuali ɔmɛ kɛ ya holi ɔmɛ kɛ awi yeli ɔmɛ kɛ amaga jali ɔmɛ kɛ nɔ tsuaa nɔ nɛ suɔ lakpa nɛ ngɔɔ nya a ngɛ lejɛ ɔ.