Efesobi 4:21 - Somi He Ɔ

²¹ ke e ngɛ mi kaa nyɛ nu e he, nɛ a tsɔɔ nyɛ ngɛ e mi hulɔ, bɔ nɛ ji anɔkuale ngɛ Yesu mi ɔ,

BAIBLO ALOO NGMAMI KLƆUKLƆU Ɔ

²¹ Niinɛ, nyɛ nu Kristo he, nɛ nyɛ ba pee e se nyɛɛli; nɛ anɔkuale ɔ nɛ kɔɔ e he ɔ, a tsɔɔ nyɛ.

Efesobi 4:21 ပူးပေါင်းရင်းမြစ်များ

1 Yohane 5:20

Wa le kaa Mawu Bi ɔ ba, nɛ e ba ha wɔ juɛmi konɛ waa le anɔkualetsɛ ɔ. Wa ngɛ anɔkualetsɛ ɔ mi, ngɛ e Bi Yesu Kristo mi; lɛ ji anɔkuale Mawu ɔ kɛ neneene wami ɔ.

Efesobi 1:13

Kristo ɔ nɔuu nɔ nyɛ hu nyɛ ngɔ nyɛ hɛ ngɔ fɔ, benɛ nyɛ nu anɔkuale munyu ɔ nɛ ji nyɛ yi wami hemi ɔ he sane kpakpa a; lɛ nɔuu e mi a kɛ Mumi Klɔuklɔu ɔ nɛ a wo he si ɔ sɔu nyɛ nya ngɛ benɛ nyɛ he ye ɔ,

Kolosebi 2:7

nɛ a ma nyɛ ngɛ e nɔ, nɛ nyɛɛ du si ngɛ hemi kɛ yemi ɔ mi, kaa bɔ nɔuu nɛ a tsɔɔ nyɛ ɔ, nɛ nyɛ tsui nɛ hyi tɔ kɛ sina.

Yohane 14:17

anɔkuale mumi ɔ nɛ je ɔ nyɛ we lɛ nɛ e ngɔ ɔ, mɛni he je ɔ, e nɛ́ lɛ, nɛ pohu e li lɛ; se nyɛɛ lɛɛ nyɛ le lɛ, ejakaa e kɛ nyɛ lɛ ngɛ, nɛ e maa hi nyɛ mi.

2 Korintobi 11:10

Be abɔ nɛ Kristo anɔkuale ɔ ngɛ ye mi nɛ ɔ, nɔ ko nɔ ko be ye fiami nɛ ɔ nya tsie ngɛ Akaia ni ɔmɛ a mi.

2 Korintobi 1:20

Ejakaa Mawu si womihi abɔ nɛ ngɛ ɔ, e mi “Ee” ɔ ngɛ, nɛ e mi nɔuu “Amen” ɔ ngɛ, konɛ a gu e nɔ kɛ wo Mawu hɛ mi nyami.

Yohane 14:6

Yesu de lɛ ke: “Ami ji blɔ ɔ kɛ anɔkuale ɔ kɛ wami ɔ; nɔ ko bɛ́ Tsɛ ɔ ngɔ, kaa ja e gu ye nɔ.

Yohane 10:27

Ye to ɔmɛ nuɔ ye gbi, nɛ i le mɛ, nɛ a nyɛɛ ye se,

Yohane 1:17

Ejakaa Mlaa a Mose nɔ a gu nɛ a ngɔ ha, se dloomi kɛ anɔkuale ɔ, Yesu Kristo nɔ e gu kɛ ba.

Luka 10:16

“Nɔ nɛ buɔ nyɛ tue ɔ, imi tue e buɔ ɔ nɛ; nɛ nɔ nɛ kuaa nyɛ ɔ, imi e kuaa a nɛ; nɛ nɔ nɛ kuaa mi ɔ, nɔ nɛ tsɔ mi ɔ e kuaa a nɛ.”

Mateo 17:5

Benɛ a ngɛ munyu ɔ tue kɛ mwɔɔ ɔ, oʼɛ, bɔku hleii ko ba ha a nɔ, nɛ oʼɛ, gbi je bɔku ɔ mi de ke: “Nɔ nɛ ɔ ji ye suɔmi bi nɛ i naa e he tsui ɔ nɛ; nyɛɛ bu lɛ tue!”

Romabi 10:14

Se kɛ maa pee kɛɛ nɛ a ma kpa ngmlaa kɛ tsɛ nɔ nɛ a he we lɛ yi ɔ? Nɛ kɛ maa pee kɛɛ nɛ a ma he nɔ nɛ a nui e he sane ɔ ngɔ ye? Nɛ jeha nɛ hu, kɛ maa pee kɛɛ nɛ a maa nu ke fiɛlɔ ko be ɔ?

Efesobi 2:17

E ba ba jaje he jɔmi sane kpakpa a ngɔ tsɔɔ nyɛ nɛ nyɛ ngɛ lokoo ɔ kɛ nihi nɛ hɛ mɛ kɛ ba a hulɔ;

Kolosebi 1:5

ngɛ hɛ kɛ nɔ fɔmi nɛ a ngɔ to ha nyɛ ngɛ hiɔwe ɔ he. Nyɛ nu momo ngɛ sane kpakpa a anɔkuale munyu ɔ mi,

Kolosebi 1:6

nɔ́ nɛ su nyɛ ngɔ kaa bɔ nɛ e ngɛ ngɛ je mluku ɔ kulaa mi, nɛ e woɔ yiblii nɛ e kekee kaa bɔ nɛ e peɔ ngɛ nyɛ hu nyɛ kpɛti kɛ je ligbi nɛ nyɛ nu nɛ nyɛ na le Mawu dloomi ɔ ngɛ anɔkuale mi ɔ: