Efesobi 4:17 - Somi He Ɔ

¹⁷ Lɔ ɔ he ɔ, i ngɛ dee, nɛ i ngɛ nɔ mi mae ngɛ Nyɔmtsɛ ɔ mi, kaa nyɛ ko nyɛɛ kaa bɔ nɛ majeli a bimɛ kpa amɛ hu nyɛɛ ngɛ a yaka juɛmi ɔ mi ɔ hu;

BAIBLO ALOO NGMAMI KLƆUKLƆU Ɔ

¹⁷ Lɔ ɔ he ɔ, i ngɛ nyɛ kɔkɔ bɔe ngɛ Nyɔmtsɛ ɔ biɛ mi ke, nyɛ ko ba nyɛ je mi kaa ma je li ɔmɛ hu. Ejakaa níhi nɛ a susuu ɔ, pi kaa a he be se nami kɛkɛ,

Efesobi 4:17 ပူးပေါင်းရင်းမြစ်များ

Romabi 1:21

A le Mawu lɛɛ, se a wui e hɛ mi nyami kaa Mawu nɛ a nɛ lɛ si hulɔ, se a epe posoposo ngɛ a juɛmihi a mi, nɛ a tsui nɛ kɔ we sane se ɔ mi wo diblii.

2 Petro 2:18

Akɛnɛ nya puu munyu nguahi jee a nya mi he je ɔ, a guu he lo akɔnɔhi a nɔ nɛ a kɛ ya homi mlɔɔ ninɛmɛ nɛ je wɔ jami mi kɛ we ɔ.

Kolosebi 2:4

I ngɛ enɛ ɔ dee konɛ nɔ ko kɛ nya mi ngɔngɔɛ munyu ko ko sisi nyɛ.

1 Petro 1:18

Nyɛ le kaa pi nihi nɛ puɛɔ, kaa juɛtɛɛ loo sika tsu, a kɛ kpɔ nyɛ kɛ je nyɛ yakayaka je mi bami nɛ nyɛ na kɛ je nyɛ tsɛmɛ ɔmɛ a ngɔ ɔ mi,

Ni Tsumi 20:21

nɛ i ye tsui tsakemi kɛ Mawu hami kɛ wa Nyɔmtsɛ Yesu Kristo nɔ hemi kɛ yemi ɔ he odase ngɔ tsɔɔ Yudafohi kɛ Helabihi kulaa.

Ni Tsumi 18:5

Benɛ Sila kɛ Timoteo je Makedonia ba a, munyu ɔ nyɛ Paulo nɔ, nɛ e ye odase veveeve ngɔ tsɔɔ Yudafo ɔmɛ ke Yesu ji Kristo ɔ nɛ.

Ni Tsumi 14:15

ke: “Tsaatsɛmɛ, mɛni nyɛ ngɛ pee nɛ ɔ? wɔ hu nimli adesahi ji wɔ kaa nyɛ nɔuu, nɛ wa ngɛ sane kpakpa a fiee kɛ ngɛ nyɛ tsɔɔe, konɛ nyɛɛ kpale nyɛ se kɛ je kikɛmɛ a yakayaka ni nɛ ɔmɛ a he kɛ ba Mawu hɛkalɔ ɔ ngɔ, nɔ nɛ pee hiɔwe kɛ zugba kɛ wo kɛ nihi kulaa nɛ ngɛ a mi ɔ;

2 Timoteo 4:1

I ngɛ mo dee faii ngɛ Mawu kɛ Mawetsɛ Yesu Kristo nɛ maa ba ba kojo hɛ kali kɛ ni gbogboehi ngɛ e bami kɛ e matsɛ yemi ɔ mi ɔ hɛ mi ke:

1 Timoteo 6:13

I ngɛ mo kita woe ngɛ Mawu nɛ haa nihi tsuo kulaa wami ɔ kɛ Kristo Yesu nɛ ye jajemi kpakpa a he odase ngɛ Pontio Pilato yi nɔ ɔ hɛ mi,

1 Timoteo 5:21

I ngɛ mo mlaa woe ngɛ Mawu kɛ Mawetsɛ Yesu Kristo kɛ e bɔfohi nɛ e hia amɛ a hɛ mi, kaa o ye ni nɛ ɔmɛ a nɔ nɛ o ko hyɛ nihi a hɛ mi kɛ kojo, nɛ jehanɛ hu, o ko hia nɔ mi.

1 Tesalonikabi 4:6

konɛ nɔ ko ko ye e nyɛmi amimi nɛ e sisi lɛ ngɛ sane ko mi ejakaa enɛ ɔmɛ tsuo a he tue gblalɔ ji Mawetsɛ ɔ, kaa bɔ nɛ wa de nyɛ ngɔ to nɛ wa ye he odase ɔ.

Kolosebi 2:18

Nyɛ ko ha nɛ nɔ ko nɛ buu e he kaa e pe nihi kulaa ngɛ ni nami ko he ɔ nɛ bu nyɛ fɔ nɛ e fi nɔ ngɛ lɛ nitsɛ e hlami nya kaa a kɛ he si bami juɛmi nɛ ja hiɔwe bɔfohi; e he lo juɛmi ɔ hãa e woɔ e he nɔ yakatsuaa;

Efesobi 4:22

nyɛ sake nyɛ sa je mi bami ɔ nya nɔmlɔ momo nɛ puɛ ngɛ sisimi se dimi ɔmɛ a nya a ngɔ fɔ he,

Efesobi 1:22

Mawu ngɔ nihi kulaa ngɔ to Kristo nane si, nɛ e ngɔ lɛ ngɔ to nihi kulaa yi ngɔ ha asafo ɔ.

Galatabi 5:3

Se i pa ngɛ odase yee kɛ ngɛ nɔmlɔ tsuaa nɔmlɔ nɛ a po lɛ ɔ tsɔɔe kaa e hɛɛ hiɔ kaa é ye mlaa mluku ɔ kulaa nɔ.

Galatabi 3:17

Se nɔ́ nɛ i ngɛ tsɔɔe nɛ ɔ ji: Mlaa nɛ a wo jeha lafa eywiɛ kɛ nyingmi etɛ se ɔ, e gui somi nɛ Mawu dla ngɔ to Kristo ɔ nɛ e ha si womi ɔ nɛ pee yaka.

2 Korintobi 9:6

Nyɛ kai enɛ ɔ kaa, nɔ nɛ luɛɛ nihi a he kɛ duɔ ɔ, e kɛ he luɛmi hu ma kpa; nɛ nɔ nɛ duɔ fuu ɔ, fuu nɔuu e ma kpa.

1 Korintobi 15:50

Mamimɛ, nɔ́ nɛ i ngɛ tsɔɔe ji kaa, he lo kɛ muɔ nine be Mawu matsɛ yemi ɔ nɔ sue, nɛ jehanɛ puemi hu nine be nɔ́ nɛ puɛ we ɔ nɔ sue.

1 Korintobi 1:12

Nɔ́ nɛ i ngɛ dee nɛ ɔ ji kaa nyɛ ti nɔ tsuaa nɔ deɔ ke: “Ami lɛɛ, Paulo nɔ ji mi; ami lɛɛ, Apolo nɔ ji mi; ami lɛɛ, Kefa nɔ ji mi, ami lɛɛ Kristo nɔ ji mi.”

Ni Tsumi 2:40

Nɛ e tu munyu kpahi fuu e kɛ ye odase nɛ e kɛ wo mɛ ga ke: “Nyɛ ha a he nyɛ yi wami kɛ je yi nɔ kpɛ̃kpɛ̃e nɛ ɔ mi.”

Luka 16:28

ejakaa i ngɛ nyɛmimɛ enuɔ, benɛ pee nɛ e ya ye odase ngɔ tsɔɔ mɛ, konɛ mɛ hu a ko ba piimi he nɛ ɔ.’