Efesobi 4:11 - Somi He Ɔ

¹¹ Nɛ lɛ nɔuu lɛ e ha ni komɛ plɛ bɔfohi, ni komɛ gbali, ni komɛ hu sane kpakpa fiɛli, nɛ ni komɛhu nɔ hyɛli kɛ tsɔɔli,

BAIBLO ALOO NGMAMI KLƆUKLƆU Ɔ

¹¹ Lɛ nɔuu nɛ a de ngɛ e he ke, “E ha nimli adesahi nike ní” ɔ nɛ. E pee ni komɛ bɔfohi, ni komɛ gbali, ni komɛ sane kpakpa fiɛli, ni komɛ osɔfohi, kɛ ni komɛ hu tsɔɔli.

Efesobi 4:11 ပူးပေါင်းရင်းမြစ်များ

Efesobi 2:20

nɛ a fia nyɛ ngɔ ma bɔfo ɔmɛ kɛ gbali ɔmɛ a sisi tomi ɔ nɛ e kɔ nya tɛ ji Kristo Yesu ɔ nɔ,

2 Timoteo 4:5

Se moo lɛɛ, o hɛ nɛ ka si ngɛ nihi kulaa mi, mia o hɛ mi ngɛ dengme gbomihi a mi, tsu sane kpakpa jajelɔ ni tsumi ɔ, nɛ gbee o sɔmɔmi ni tsumi ɔ nya kulaa!

Mateo 28:20

nɛ nyɛɛ tsɔɔ mɛ nɛ a ye nihi tsuo kulaa nɛ i de nyɛ ɔ nɔ. Nɛ oʼɛ, i kɛ nyɛ ngɛ daa kɛ yaa su je mi nyagbe.”

Ni Tsumi 20:28

Lɔ ɔ he ɔ nyɛɛ le nyɛ he nɔ hyemi kɛ tohi a kuu ɔ kulaa nɛ Mumi Klɔuklɔu wo nyɛ a nɔ hyɛli ɔ, konɛ nyɛɛ lɛ Mawu asafo ɔ nɛ e kɛ lɛ nitsɛ e muɔ he ɔ.

Efesobi 4:8

Lɔ ɔ he ɔ Ngmami ɔ ke: “E kuɔ kɛ ho hiɔwe ya Nɛ e ngɔ nyɔguɛhi fuu ngɔ piɛ e he, Nɛ e kɛ nike nihi ha nimli.”

Efesobi 3:5

Laami sane nɛ ɔ, yinɔhi nɛ be ɔmɛ a mi ɔ, a ha we nimli a bimɛ nɛ a le, kaa bɔ nɛ jehanɛ ɔ a je kpo ngɔ tsɔɔ e bɔfohi kɛ gbali klɔuklɔu ɔmɛ ngɛ Mumi mi,

Romabi 12:7

Ke sɔmɔmi ʼi ɔ, waa hɛɛ sɔmɔmi ɔ nɔuu mi; ke ni tsɔɔmi ɔ, wa hɛɛ ni tsɔɔmi ɔ mi;

Hebribi 5:12

ejakaa nyɛ nɛ jinɛ e sa kaa nyɛ plɛ tsɔɔli mohu ngɛ be ɔ nya a, e hia kaa a tsɔɔ nyɛ Mawu munyu ɔ mi sisije ni ɔmɛ ekohu, nɛ nyɛ plɛ nihi nɛ nyɔ nyu hia mɛ, se pi niyeni nitsɛ.

Kpojemi 18:20

Mo hiɔwe, kɛ nyɛ klɔuklɔu bihi kɛ bɔfohi kɛ gbali, nyɛ nya ngɛ e butumi ɔ he, ejakaa Mawu kojo lɛ ha nyɛ.

Ni Tsumi 21:8

E nɔ je na a wa pue nɔ kɛ ho Kaisarea ya, nɛ wa ya sɛ sane kpakpa fiɛlɔ Filipo nɛ ji ni kpaago ɔ a kpɛti nɔ kake ɔ we mi, nɛ waa kɛ lɛ hi si.

Ni Tsumi 13:1

Gbali kɛ tsɔɔli komɛ ngɛ Antiokia asafo ɔ mi, mɛ ji Barnaba kɛ Simeon, nɔ nɛ a tsɛɛ lɛ Niger ɔ, kɛ Lukio Kireene no ɔ, kɛ Manahen, nɔ nɛ a lɛ lɛ kɛ amlalo Herode ɔ, kɛ Saulo.

Kpojemi 21:14

Nɛ ma a he gli ɔ ngɛ sisi tomihi (aloo fanesihi) ɔnyɔngma kɛ enyɔ, nɛ Tobi ɔ bɔfohi nyɔngma kɛ enyɔ ɔmɛ a biɛhi ngɛ a mi.

Yuda 1:17

Se, mamimɛ, nyɛɛ lɛɛ nyɛ kai munyuhi nɛ wa Mawetsɛ Yesu Kristo bɔfo ɔmɛ tu sa a;

1 Korintobi 12:4

Dloomi nike nihi slɔɔtohi ngɛ, se mumi kake ɔ nɔuu lɛ haa.