Efesobi 4:1 - Somi He Ɔ

¹ Imi nɛ i ji pa mi no ngɛ Nyɔmtsɛ ɔ mi ɔ, i ngɛ nyɛ pɛɛ kpae kaa nyɛɛ nyɛɛ bɔ nɛ sa tsɛmi nɛ a kɛ tsɛ nyɛ ɔ,

BAIBLO ALOO NGMAMI KLƆUKLƆU Ɔ

¹ Lɔ ɔ he ɔ, imi nɛ a wo mi tsu ngɛ Nyɔmtsɛ ɔ nɛ i ngɛ sɔmɔe ɔ he ɔ, i kpa nyɛ pɛɛ nɛ nyɛɛ ba nyɛ je mi saminya, bɔ nɛ maa sa ní tsumi nɛ Mawu tsɛ nyɛ ke nyɛ ba tsu ɔ.

Efesobi 4:1 ပူးပေါင်းရင်းမြစ်များ

Kolosebi 1:10

konɛ nyɛɛ nyɛɛ bɔ nɛ sa Nyɔmtsɛ ɔ nɛ e sa e hɛ mi saminya, nɛ nyɛɛ wo yiblii ngɛ ni tsumi kpakpa tsuaa ni tsumi kpakpa mi;

Filipibi 1:27

Jehanɛ ngɛ nyɛ ma sane blɔfami ɔ, nyɛɛ ba nyɛ je mi sbɔ nɛ sa Kristo sane kpakpa a kɛkɛ, konɛ, ke i ba ba na nyɛ jio, i kɛ nyɛ be jio, ma nu nyɛ he kaa nyɛ daa si ngɛ mumi kake mi, nɛ nyɛɛ kɛ juɛmi kake ngɛ sane kpakpa a hemi kɛ yemi ɔ he plee.

1 Tesalonikabi 2:12

Wa wo nyɛ he wami, wa wo nyɛ bua, nɛ wa su nyɛ kaa nyɛɛ nyɛɛ bɔ nɛ sa Mawu nɛ tsɛ nyɛ kɛ ba lɛ nitsɛ e matsɛ yemi kɛ e hɛ mi nyami ɔ mi ɔ hɛ mi.

2 Petro 1:3

E mawu he wami ɔ ngɔ nihi kulaa nɛ hi ha wami kɛ Mawu jami ngɔ ke wɔ ngɛ nɔ nɛ gu lɛ nitsɛ e hɛ mi nyami kɛ e himi nɔ kɛ tsɛ wɔ ɔ mi.

2 Timoteo 1:9

Nɔ nɛ he wa yi wami nɛ e kɛ tsɛmi klɔuklɔu tsɛ wɔ, pi ngɛ wa ni tsumihi a nya, se mohu ngɛ lɛ nitsɛ e yi mi tomi kɛ e dloomi nya, nɔ́ nɛ e ngɔ ha wɔ ngɛ Kristo Yesu mi loko a bɔ je ɔ,

1 Korintobi 4:16

Lɔ ɔ he ɔ, i kpaa nyɛ pɛɛ nɛ nyɛɛ kase mi.

2 Tesalonikabi 1:11

Enɛ ɔ he je hu nɛ wa kpaa pɛɛ daa haa nyɛ ɔ nɛ, konɛ wa Mawu ɔ nɛ ha nyɛɛ sa tsɛmi ɔ, nɛ ngɛ e he wami nya a, e ha nyɛɛ hi kɛ pi si ngɛ nɔ́ kpakpa tsuaa nɔ́ kpakpa kɛ hemi kɛ yemi mi,

Efesobi 4:17

Lɔ ɔ he ɔ, i ngɛ dee, nɛ i ngɛ nɔ mi mae ngɛ Nyɔmtsɛ ɔ mi, kaa nyɛ ko nyɛɛ kaa bɔ nɛ majeli a bimɛ kpa amɛ hu nyɛɛ ngɛ a yaka juɛmi ɔ mi ɔ hu;

Romabi 12:1

Lɔ ɔ he ɔ, mamimɛ, i kɛ Mawu mɔbɔ nami ngɛ nyɛ pɛɛ kpae, kaa nyɛɛ ngɔ nyɛ nɔmlɔ tso ɔmɛ ngɔ da si kaa bɔ klɔuklɔu nɛ hɛ ngɛ nɛ he tsɔ nɛ sa Mawu hɛ mi nɛ nyɛ jami ɔ nɛ pee mumi mi jami.

Kolosebi 2:6

Akɛnɛ nyɛ he Kristo Yesu, Nyɔmtsɛ ɔ, atuu nɛ ɔ, nyɛɛ nyɛɛ ngɛ e mi, nɛ nyɛ sipoku nɛ pi si,

1 Petro 3:9

Nyɛɛ kɛ yayami ko ma yayami nane mi aloo jɛmi ngɛ jɛmi nane mi, se mohu nyɛɛ gbaa, ejakaa nyɛ le kaa enɛ ɔ he nɛ a tsɛ nyɛ, konɛ nyɛ nine nɛ su gbaami ɔ nɔ.

2 Korintobi 6:1

Akɛnɛ wa ji Mawu hepiɛli ngɛ e ni tsumi ɔ mi he je ɔ, wa tuɔ munyu tsɔɔ nyɛ konɛ nyɛ ko he Mawu dloomi ɔ yaka;

2 Yohane 1:5

Lɔ ɔ he ɔ i ngɛ mo pɛɛ kpae, Awula, pi kita he ko nɛ i ngɛ mo ngmae, se mohu nɔ nɛ wa ngɛ kɛ je sisije ɔ: kaa waa suɔ wa he.

1 Petro 5:10

Se dloomi tsuo kulaa Mawu nɛ tsɛ nyɛ kɛ ba e neneene hɛ mi nyami ɔ mi ngɛ Kristo Yesu mi ɔ, ke nyɛ na amanehlu bɔɔ nɔ tã a, lɛ nitsɛ e ma dla nyɛ pɛ, nɛ e maa waje nyɛ, nɛ e maa wo nyɛ he wami, nɛ e ma ha nyɛ maa pi si.

1 Petro 2:11

Mamimɛ, i ngɛ munyu tue kɛ ngɛ nyɛ tsɔɔe kaa nibwɔhi kɛ blɔ hiali kaa nyɛɛ nyɛ he lo se dimi nihi nɛ kɛ klaa hwuɔ ta,

Hebribi 13:21

lɛ e dla nyɛ ngɔ ha ni tsumi kpakpa tsuaa ni tsumi kpakpa, nɛ nyɛɛ pee e suɔmi nya ni, nɛ e gu Yesu Kristo nɔ nɛ e pee nɔ́ nɛ sa lɛ nitsɛ e hɛ mi ngɛ nyɛ mi; lɛ a ngɔ hɛ mi nyami ngɔ ha kɛ ya si neneene kɛ neneene ɔ! Amen.

Filipibi 3:14

nɛ i ngɛ fo tue kɛ yaa hɛ kpɛ kɛ maa su Mawu tsɛmi nɛ je hiɔwe ngɛ Kristo Yesu mi ɔ jlasi ɔ he.

Efesobi 5:2

nɛ nyɛɛ nyɛɛ ngɛ suɔmi mi kaa bɔ nɛ Kristo hu suɔ wɔ nɛ e ngɔ lɛ nitsɛ e he ngɔ ha ngɛ wa he kaa nɔ́ke nɔ́ kɛ bɔ nɛ he via nɛ a kɛ ha Mawu.

Efesobi 4:4

kaa nɔmlɔ tso kake kɛ mumi kake, kaa bɔ nɔuu nɛ a tsɛ nyɛ hulɔ ngɛ nyɛ tsɛmi hɛ kɛ nɔ fɔmi kake ɔ mi ɔ:

Efesobi 3:1

Lɔ ɔ he ɔ, imi Paulo, nɛ ji Kristo Yesu pa mi no ha nyɛ maje li a bimɛ ɔmɛ ɔ,

Galatabi 4:12

I ngɛ nyɛ pɛɛ kpae, mamimɛ, nyɛɛ pee kaa imi, ejakaa imi hu i ngɛ kaa nyɛ. Nyɛ pee we mi yayami ko;

Hebribi 3:1

Enɛ ɔ he ɔ, mamimɛ, nyɛɛ tɛ̃tɛ̃ nyɛ hɛ mi, nyɛ ni klɔuklɔuhi nɛ na hiɔwe tsemi ɔ eko, nɛ nyɛɛ hyɛ Yesu wa hemi kɛ yemi jajemi ɔ he bɔfo kɛ osɔfo nɔkɔtɔma a;

2 Korintobi 10:1

Imi Paulo nitsɛ i kɛ Kristo mi mi jɔmi kɛ kpoo peemi ɔ ngɛ nyɛ pɛɛ kpae, imi nɛ nyɛ hɛ mi ɔ i ji humi ngɛ nyɛ kpɛti, se ke i be nyɛ ngɔ ɔ i hiaa kã woɔ nyɛ ɔ.

Tito 2:10

a ko ju, se mohu a kɛ anɔkuale yemi nitsɛ nɛ tsɔɔ mɛ, konɛ a kɛ wo Mawu nɛ ji wa yi wami helɔ ɔ tsɔɔmi ɔ hɛ mi nyami ngɛ nihi kulaa mi.

Kolosebi 4:12

Epafra nɛ je nyɛ kpɛti nɛ ji Kristo sɔmɔlɔ nɛ daa nɛ ɔ e kaii nyɛ ngɛ e sɔlemihi a mi, konɛ nyɛɛ da si nɛ nyɛɛ hi kɛ pi si nɛ nyɛ hyi tɔtɔɔtɔ ngɛ Mawu suɔmi nya nihi kulaa mi ɔ, ke e biɔ nyɛ.

2 Korintobi 5:20

Lɔ ɔ he ɔ, wa ji bɔfohi ngɛ Kristo nane mi, kaa nɔ́ nɛ Mawu gu wa nɔ nɛ e kɛ nihi ngɛ munyu tue: Wa daa si ngɛ Kristo nane mi ngɛ nyɛ pɛɛ kpae ke: Nyɛ ha a dla nyɛɛ kɛ Mawu kpɛti!

Ni Tsumi 9:31

Jeha nɛ ɔ asafo ɔ na he jɔmi ngɛ Yudea kɛ Galilea kɛ Samaria tsuo, nɛ a nane nu si, nɛ a nyɛɛ ngɛ Nyɔmtsɛ ɔ gbeye yemi mi, nɛ a he sange mɛ ngɛ Mumi Klɔuklɔu ɔ bua womi mi.

Romabi 11:29

Ejakaa Mawu pia we e he ngɛ e dloomi ni ɔmɛ kɛ e tsɛmi ɔ he.

Efesobi 2:10

Mawu nine nya ni tsumi nihi ji wɔ, a bɔ wɔ ngɛ Kristo Yesu mi kɛ ha ni tsumi kpakpahi nɛ Mawu dla ngɔ to konɛ waa nyɛɛ ngɛ mi ɔ.