Efesobi 3:9 - Somi He Ɔ

⁹ nɛ ma ha nihi kulaa a hɛ mi nɛ tsɔ mɛ nɛ a le nɔ́ nɛ ji laami sane nɛ a ngɔ laa ngɛ Mawu nɔ nɛ bɔ nihi kulaa a blɔ nya tomi ɔ mi,

BAIBLO ALOO NGMAMI KLƆUKLƆU Ɔ

⁹ Mawu ke ma fiɛ, konɛ je ɔ tsuo nɛ nu bɔ nɛ laami sane nguaa nɛ ɔ ma plɛ kɛ ba mi ha. Mawu nɛ́ bɔ níhi tsuo ɔ, ngɔ laami sane nɛ ɔ kɛ laa yi nɔhi nɛ be ɔ.

Efesobi 3:9 ပူးပေါင်းရင်းမြစ်များ

Kolosebi 1:26

nɔ́ nɛ ji laami sane nɛ a ngɔ laa kɛ je blema lokoo kɛ yi nɔ ɔmɛ a nɔ, se jehanɛ a je kpo ngɔ tsɔɔ e ni klɔuklɔu ɔmɛ,

Mateo 13:35

konɛ nɔ́ nɛ gbalɔ ɔ de ɔ ne ba mi ke: “Ma bli ye nya ngɛ abɛhi a mi; Ma fiɛ nihi nɛ a ngɔ laa kɛ je je mi sisije ɔ.”

2 Timoteo 1:9

Nɔ nɛ he wa yi wami nɛ e kɛ tsɛmi klɔuklɔu tsɛ wɔ, pi ngɛ wa ni tsumihi a nya, se mohu ngɛ lɛ nitsɛ e yi mi tomi kɛ e dloomi nya, nɔ́ nɛ e ngɔ ha wɔ ngɛ Kristo Yesu mi loko a bɔ je ɔ,

Kolosebi 3:3

Ejakaa nyɛ gbo nɛ a ngɔ nyɛ wami ɔ kɛ Kristo tsuo ngɔ laa ngɛ Mawu mi.

Mateo 28:19

Lɔ ɔ he ɔ rnyɛɛ ya nɛ nyɛ ya pee majemaje tsuo ye kaseli, nyɛɛ baptisi mɛ ngɔ wo Tsɛ ɔ kɛ Bi ɔ kɛ Mumi Klɔuklɔu ɔ biɛ mi,

Kpojemi 4:11

“Wa Nyɔmtsɛ kɛ wa Mawu, mo ji nɔ nɛ sa kaa O ngɔ hɛ mi nyami kɛ agboje kɛ he wami ɔ Ejakaa mo lɛ ɔ bɔ nihi kulaa, Nɛ o suɔmi nya a ngɛ nɛ a bɔ mɛ ngɛ.”

Tito 1:2

nɛ maa si ngɛ neneene wami ɔ he hɛ kɛ nɔ fɔmi ɔ mi. Mawu nɛ yi lakpa a wo wɔ kikɛmɛ a wami nɛ ɔ he si loko a bɔ je mi be ɔmɛ,

1 Timoteo 3:16

Nɔ jemi be he kaa Mawu jami laami sane ɔ, e mi kuɔ. Mawu je e he si paa ngɛ he lo mi, E ye nguɔ ngɛ mumi mi, E je e he kpo ngɔ tsɔɔ bɔfohi, A fiɛ lɛ ngɛ majeli a kpɛti, A he e nɔ ye ngɛ je mi, A ngɔ lɛ kɛ ho hiɔwe ya ngɛ nyami mi.

Kpojemi 13:8

Nɛ nihi kulaa nɛ ngɛ zugba a nɔ ɔ ma ja lɛ, nihi nɛ a ngmɛ́ a biɛ ngɛ Tobi nɛ a gbe ɔ wami womi ɔ mi kɛ je je mi sisije ɔ.

1 Petro 1:20

A hla lɛ momo sa loko a to je ɔ sisi, se e a je lɛ kpo ngɛ be ɔmɛ a nyagbe mi ngɛ nyɛ he.

2 Timoteo 4:17

Se Nyɔmtsɛ ɔ fi ye se nɛ e wo mi he wami, konɛ a gu ye nɔ kɛ ma fiɛmi ɔ nɔ mi, nɛ maje li ɔmɛ kulaa a nu, nɛ a je mi kɛ je jata a nya mi.

2 Tesalonikabi 2:13

Se wɔɔ lɛɛ, e sa kaa wa naa Mawu si daa ngɛ nyɛ he, mamimɛ nɛ Nyɔmtsɛ ɔ suɔ, ejakaa Mawu hla nyɛ kɛ je sisije ngɔ ha yi wami hemi ngɛ mumi ɔ klɔuklɔu peemi kɛ anɔkuale ɔ hemi kɛ yemi mi,

Kolosebi 1:23

Nyɛɛ hɛɛ hemi kɛ yemi ɔ mi nɛ nyɛɛ da si kpitikplii, nɛ nyɛ ko sã nyɛ he kɛ je sane kpakpa a nɛ nyɛ nu nɛ a fiɛ tsɔɔ bɔ nihi kulaa nɛ ngɛ hiɔwe sisi, nɛ imi Paulo hu i sɔmɔɔ ngɛ he ɔ hɛ kɛ nɔ fɔmi ɔ he.

Efesobi 1:4

E hla wɔ ngɛ Kristo mi loko a to je ɔ sisi, konɛ waa pee klɔuklɔu nɛ piami ko ko hi wa he ngɛ e hɛ mi.

1 Korintobi 2:7

se mohu Mawu nilemi nɛ a kɛ laa ngɛ laami sane mi ɔ wa deɔ, nɔ nɛ Mawu dla to ha wa hɛminyamiwomi loko a bɔ je ɔ,

Ni Tsumi 15:18

Nyɔmtsɛ ɔ nɛ ha a le enɛ ɔmɛ kulaa kɛ je lokoo ɔ lɛ de.

Yohane 10:30

Imi kɛ Tsaatsɛ tsuo ɔ, kake ʼi.”

Yohane 5:19

Lɔ ɔ he ɔ Yesu he nɔ nɛ e de mɛ ke: “I ngɛ nyɛ dee anɔkuale mi ke: Bi ɔ nitse be e yi mi nyɛe maa to kɛ pee nɔ ko, ja nɔ nɛ se naa kaa Tsɛ ɔ peɔ ɔ; ejakaa nihi tsuo nɛ Tsɛ ɔ peɔ ɔ, kɔlɔ ɔmɛ nɔuu Bi ɔ hu peɔ.

Yohane 5:17

Se Yesu he nɔ nɛ e de mɛ ke: “Tsaatsɛ ngɛ ni tsue kɛ mwɔɔ nɛ imi hu i ngɛ ni tsue.”

Luka 24:47

nɛ a fiɛ tsui tsakemi kɛ yayami pami ngɛ e biɛ ɔ mi ngɔ tsɔɔ mahi tsuo, nɛ a bɔni kɛ je Yerusalem.

Mateo 25:34

Kɛkɛ nɛ matsɛ ɔ ma de nihi nɛ ngɛ e hiɛ ɔ nɔ ɔ ke: ‘Nyɛɛ ba, nyɛ nihi nɛ ye tsɛ gbaa nyɛ, nyɛ ba ngɔ matsɛ yemi ɔ nɛ a dla to nyɛ, kɛ je je mi sisije ɔ!

Mateo 10:27

Nɔ́ nɛ i ngɛ nyɛ dee ngɛ diblii mi ɔ, nyɛ de ngɛ la hɛ mi; nɛ nɔ́ nɛ i woɔ nyɛ tue mi nɛ i deɔ nyɛ ɔ, nyɛɛ fiɛ ngɛ tsuhi a yi mi.

Kpojemi 17:8

Lohwe ɔ nɛ o na a hi si hyɛ, se e be hu. E maa je muɔ voo ɔ mi kɛ je kpo kɛ ba be kɛ ho hɛ mi kpatami mi ya; nɛ nihi nɛ a ngɛ zugba a nɔ nɛ a ngmɛ́ a biɛ ngɛ wami womi ɔ mi kɛ je je mi sisije ɔ nya maa kpɛ a he, ke a na lohwe ɔ nɛ hi si hyɛ nɛ e be hu nɛ e maa ba a.

Kpojemi 14:6

Kɛkɛ nɛ i na hiɔwe bɔfo kpa ko nɛ e ngɛ tee ngɛ kɔɔhiɔ mi, nɛ e hɛɛ neneene Sane Kpakpa nɛ e yaa jaje ngɔ tsɔɔ nihi nɛ ngɛ zugba a nɔ kɛ je ma tsuaa je ma kɛ wɛtso tsuaa wɛtso kɛ mahi a nɔ gbi slɔɔtohi kɛ ma tsuaa ma a, nɛ e kɛ gbi ngua de ke:

Romabi 11:25

I sume kaa ma laa nyɛ kikɛmɛ a sane nɛ ɔ nɔ, mamimɛ, konɛ nyɛ ko bu nyɛ he ni leli, ke: Pe a wlua Israel tsui fa kɛ fa kɛ yaa si be nɛ majemajeli ɔmɛ a hiɛmi ɔ maa su,

Efesobi 3:2

eko ɔ nyɛ maa nu Mawu dloomi nɛ a ngɔ ha mi ngɛ nyɛ he ɔ blɔ nya tomi ɔ he,

Efesobi 6:19

kɛ imi hulɔ, konɛ, ke i bli ye nya a, a ha mi munyu nɛ ma kɛ ka nɛ fiɛ sane kpakpa a mi laami sane ɔ,

Kolosebi 4:3

nɛ jehanɛ snyɛɛ sɔle ha wɔ hulɔ, konɛ Mawu nɛ bli munyu ɔ sinya a ha wɔ nɛ wa kɛ fiɛ Kristo laami sane ɔ, nɔ́ he nɛ i fɔɔ si ngɛ kpa mi nɛ ɔ,