Efesobi 3:8 - Somi He Ɔ

⁸ Imi nɛ i ji nɔ wayo pe he tsɔli ɔmɛ kulaa a, a ngɔ kikɛmɛ a dloomi nɛ ɔ ngɔ ha mi, kaa ma jaje Kristo nihiɛmi nɛ a be sisi nyɛe maa na kɛ gbe nya a he sane kpakpa a ngɔ tsɔɔ maje li ɔmɛ,

BAIBLO ALOO NGMAMI KLƆUKLƆU Ɔ

⁸ Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

Efesobi 3:8 ပူးပေါင်းရင်းမြစ်များ

Luka 14:22

Nɛ tsɔlɔ ɔ ke: ‘Nyɔmtsɛ, a pee bɔ nɛ o de ɔ, se kɛ ɔ blɔ pa ngɛ.’

Yohane 1:16

Ejakaa e hyi mi ɔ mi je nɛ wɔ tsuo wa na dloomi ngɔ si dloomi nɔ.

Ni Tsumi 5:41

Kɛkɛ nɛ a je gua ngua a hɛ mi kɛ ho kɛ bua jɔmi kaa e biɛ ɔ he ɔ, a bu mɛ nihi nɛ sa kaa a bɔ mɛ ahlua.

Ni Tsumi 9:15

Se Nyɔmtsɛ ɔ de lɛ ke: “Yaa, ejakaa nɔ nɛ ɔ ji ye dɛ mi dade nɛ a hla ha mi, konɛ e hɛɛ ye biɛ ɔ kɛ ya majemajeli kɛ matsɛmɛ kɛ Israelbi ɔmɛ hu a hɛ mi.

Romabi 11:33

Oo, bɔ nɛ Mawu Ni hiɛhiɛ kɛ ga kɛ ni lemi mi kuɔ ha ji nɛ ɔ nɛ! E kojomi ɔmɛ ɔ, a nyɛ we sisi nami, nɛ e blɔ ɔmɛ bu, a nyɛ we hiɔmi!

Romabi 12:10

Nyɛɛ kɛ nyɛmimɛ a suɔmi nɛ suɔ nyɛ he; nɔ tsuaa nɔ kɛ bu nɛ ha e nyɛmi kekle.

Romabi 2:4

Aloo pe o ngɛ e mi mi himi kɛ e nɔ he tsui nami kɛ e tsui si tomi babauu ɔ he guɛ gbee, se o li kaa Mawu mi mi jɔmi ɔ pe e ngɛ o he piɛe nɛ o pia o he lo?

1 Korintobi 1:30

Se Mawu lɛ pee nɛ nyɛ ngɛ Kristo Yesu mi, nɔ nɛ plɛ ni lemi nɛ je Mawu ngɔ kɛ dami kɛ he tsukɔmi kɛ kpɔmi ha wɔ ɔ,

1 Korintobi 15:9

Ejakaa imi lɛɛ, i ji enɔ wayo kulaa ngɛ bɔfo ɔmɛ a kpɛti, nɛ i sɛ́ tete kaa a tsɛɛ mi bɔfo po, ejakaa i wa Mawu asafo ɔ yi mi.

1 Korintobi 2:9

Se kaa bɔ nɛ pa ngma a: “Nihi nɛ hɛngmɛ nɛ, nɛ tue hu nui, Nɛ e bɛ nɔmlɔ ko tsui mi hyɛ Ji nihi nɛ Mawu dla ngɔ to nihi nɛ suɔ lɛ ɔ.”

Galatabi 1:16

kaa e ma je lɛ nitsɛ e bi ɔ kpo ngɛ ye mi, konɛ ma jaje e he sane kpakpa a ngɔ tsɔɔ ngɛ majeli ɔmɛ a kpɛti ɔ, amlɔ ɔ, i kɛ he lo kɛ muɔ yɛ he dami,

Galatabi 2:8

Ejakaa nɔ nɛ tsu ni ngɛ Petro mi nɛ e ha e ye bɔfo ngɛ nɔ poli ɔmɛ a kpɛti ɔ, lɛ nɔuu lɛ e tsu ni ngɛ imi hu ye mi ngɛ majeli ɔmɛ a kpɛti.

Efesobi 2:7

konɛ be nɛ maa ba a mi ɔ, e je lɛ nitsɛ e dloomi ɔ hiɛmi nɛ be nɔ ɔ kpo, kɛ e mi mi himi nɛ e ngɛ ha wɔ ngɛ Kristo Yesu mi ɔ.

Efesobi 3:1

Lɔ ɔ he ɔ, imi Paulo, nɛ ji Kristo Yesu pa mi no ha nyɛ maje li a bimɛ ɔmɛ ɔ,

Efesobi 3:16

konɛ ngɛ e hɛ mi nyɛmi hiɛmi ɔ nya a, e ha nyɛɛ gu e Mumi ɔ nɔ nɛ nyɛ he nɛ wa kpitikplii ngɛ nyɛ mi nɔmlɔ ɔ blɔfami,

Efesobi 3:19

nɛ nyɛɛ le Kristo suɔmi nɛ pa ni lemi tsuo ɔ, konɛ Mawu himi kɛ si pimi ɔ nɛ hyi nyɛ tsuo tɔtɔɔtɔ.

Efesobi 3:2

eko ɔ nyɛ maa nu Mawu dloomi nɛ a ngɔ ha mi ngɛ nyɛ he ɔ blɔ nya tomi ɔ he,

Filipibi 2:3

Nyɛ ko ngmɛ mi gbami loo yaka hɛ mi nyami hlami blɔ, se mohu nyɛɛ kɛ he si bami juɛmi nɛ bu nyɛ sibi pe nyɛ nitsɛmɛ nyɛ he;

Filipibi 4:19

Ye Mawu ɔ ma ha nyɛ nihi kulaa nɛ hiaa nyɛ ɔ ngɛ e hɛ mi nyami hiɛmi ɔ nya, ngɛ Kristo Yesu mi.

Kolosebi 1:27

nihi nɛ Mawu suɔ kaa a ha a le nɔ́ nɛ ji kikɛmɛ a laami sane nɛ ɔ hɛ mi nyami hiɛmi ɔ ngɛ ma jeli ɔmɛ a kpɛti, nɛ ji Kristo ngɛ nyɛ mi, nɛ ji hɛ mi nyami hɛ kɛ nɔ fɔmi ɔ.

1 Timoteo 1:13

imi nɛ kekle ɔ i ji musu bɔlɔ kɛ yi mi walɔ kɛ nɔ builɔ; se kɛ ɔ, a na mi mɔbɔ, ejakaa i li nɛ i pee, ngɛ hemi nɛ i he we yi ɔ he.

1 Timoteo 1:15

E ji anɔkuale munyu nɛ sa kaa a pɛtɛ he kulaa, kaa Kristo Yesu ba je nɛ ɔ mi, nɛ e ba he yayami peeli a yi wami, nihi a kpɛti nɛ imi ji titima a;

1 Timoteo 2:7

enɛ ɔ he nɛ a wo mi fiɛlɔ kɛ bɔfo (anɔkuale i ngɛ tue ngɛ Kristo mi, i yi lakpa!), maje li a tsɔɔlɔ ngɛ hemi kɛ yemi kɛ anɔkuale mi ɔ nɛ.

2 Timoteo 1:11

nɔ́ he nɛ a wo mi fiɛlɔ kɛ bɔfo kɛ maje li ɔmɛ a tsɔɔlɔ ɔ,

Kpojemi 3:18

i ngɛ mo ga woe ke o he sika nɛ a tsu he ngɛ la mi kɛ je ye ngɔ, kone o na ni, kɛ tade hiɔ, kone o wo nɛ o he gu nɛ ngɛ zo ɔ nɛ ko fɔ si, kɛ hɛngmɛ tsopa nɛ o kɛ nga o hɛngmɛ nɔ, kone o hyɛ nɔ.