Efesobi 3:21 - Somi He Ɔ

²¹ lɛ a ngɔ hɛ mi nyami ngɔ ha ngɛ asafo nɛ ngɛ Kristo Yesu mi ngɛ yi nɔhi kulaa mi kɛ ya neneene kɛ neneene! Amen.

BAIBLO ALOO NGMAMI KLƆUKLƆU Ɔ

²¹ Á gu Kristo Yesu nɔ kɛ wo Mawu hɛ mi nyami yi nɔhi tsuo ngɛ asafo ɔ mi kɛ ya neneene kɛ neneene. Amen.

Efesobi 3:21 ပူးပေါင်းရင်းမြစ်များ

Yuda 1:25

Mawu nɛ ji ni lelɔ kake kɛ wa yi wami helɔ ngɛ Yesu Kristo wa Mawetsɛ ɔ he ɔ, lɛ a ngɔ hɛ mi nyami kɛ agboje, nɔ yemi kɛ he blɔ kulaa ngɔ ha jehanɛ kɛ daa. Amen.

Romabi 11:36

Ejakaa e dɛ mi nihi tsuo je, nɛ e nɔ a gu kɛ ba, nɛ lɛ nɔuu a ngɛ kɛ ha. A ngɔ hɛ mi nyami ngɔ ha lɛ kɛ ya neneene! Amen.

2 Petro 3:18

Se nyɛ keke ngɛ wa Nyɔmtsɛ kɛ yi wami helɔ Yesu Kristo dloomi kɛ ni lemi ɔ mi. Lɛ nɔuu a ngɔ hɛ mi nyami ngɔ ha jehanɛ kɛ daa. Amen.

1 Petro 5:11

Lɛ nɔuu a maa ngɔ nyami kɛ he wami ngɔ ha kɛ maa ya nenene kɛ neneene! Amen.

Filipibi 4:20

Anuminyami ha wa Tsɛ Mawu ɔ kɛ yaa neneene kɛ neene. Amen.

Romabi 16:27

lɛ Mawu nɛ ji ni lelɔ kake too ɔ, a ngɔ nyami ngɔ ha ngɛ Yesu Kristo mi kɛ ya neneene! Amen.

1 Petro 2:5

nɛ nyɛ hu, nyɛ ha a ngɔ nyɛ kaa tɛ nɛ hɛ ngɛ nɛ a kɛ fia mumi mi sɔlemi tsu nɛ nyɛɛ pee osɔfohi a weku konɛ nyɛɛ sã mumi mi bɔ nɛ sa Mawu hɛ mi kɛ gu Yesu Kristo nɔ.

Hebribi 13:21

lɛ e dla nyɛ ngɔ ha ni tsumi kpakpa tsuaa ni tsumi kpakpa, nɛ nyɛɛ pee e suɔmi nya ni, nɛ e gu Yesu Kristo nɔ nɛ e pee nɔ́ nɛ sa lɛ nitsɛ e hɛ mi ngɛ nyɛ mi; lɛ a ngɔ hɛ mi nyami ngɔ ha kɛ ya si neneene kɛ neneene ɔ! Amen.

Filipibi 2:11

nɛ lilɛ tsuaa lilɛ nɛ jaje paa ke Yesu Kristo ji Nyɔmtsɛ kɛ wo Tsɛ Mawu ɔ hɛ mi nyami.

Galatabi 1:5

nɔ nɛ nɔ́ nɛ ji hɛ mi nyami ɔ kɛ je neneene kɛ yaa neneene ɔ! Amen.

2 Timoteo 4:18

Nɛ Nyɔmtsɛ ɔ ma je mi kokooko kɛ maa je ni yayahi kulaa mi, nɛ e ma he ye yi wami kɛ maa ya e hiɔwe matsɛ yemi ɔ mi: Lɛ a ngɔ anuminyami ngɔ ha kɛ ya neneene kɛ neneene! Amen.

Filipibi 1:11

nɛ dami yiblii nɛ a woɔ ngɛ Yesu Kristo mi ɔ nɛ hyi nyɛ tɔtɔɔtɔ kɛ ha Mawu hɛ mi nyami womi kɛ yi jemi.

Efesobi 1:6

konɛ a kɛ je e dloomi hɛ mi nyami ɔ yi, nɔ́ nɛ e kɛ dloo wɔ ngɛ nɔ nɛ a suɔ lɛ ɔ mi ɔ.

Luka 2:14

“Hɛ mi nyami ha Mawu ngɛ hiɔwe lokoo, Nɛ he jɔmi nɛ ba zugba a nɔ Ha nihi nɛ sa e hɛ mi.”

Efesobi 2:7

konɛ be nɛ maa ba a mi ɔ, e je lɛ nitsɛ e dloomi ɔ hiɛmi nɛ be nɔ ɔ kpo, kɛ e mi mi himi nɛ e ngɛ ha wɔ ngɛ Kristo Yesu mi ɔ.

Mateo 6:13

Nɛ o kɛ wɔ ko ya kami mi se je wɔ kɛ je nɔ yayami ɔ dɛ mi.’

Efesobi 4:1

Imi nɛ i ji pa mi no ngɛ Nyɔmtsɛ ɔ mi ɔ, i ngɛ nyɛ pɛɛ kpae kaa nyɛɛ nyɛɛ bɔ nɛ sa tsɛmi nɛ a kɛ tsɛ nyɛ ɔ,