Efesobi 3:18 - Somi He Ɔ

¹⁸ konɛ nyɛ na he wami, nɛ nyɛɛ kɛ ni klɔuklɔu ɔmɛ kulaa nɛ yɔse nɔ́ nɛ ji blimi kɛ kami kɛ mi kuɔmi kɛ hiɔwe yami ɔ,

BAIBLO ALOO NGMAMI KLƆUKLƆU Ɔ

¹⁸ Kɛkɛ ɔ, nyɛɛ kɛ ni klɔuklɔu ɔmɛ tsuo nyɛ ma yɔse suɔmi nɛ Kristo ngɛ kɛ ha nyɛ ɔ mi blimi, e kami, kɛ e mi kuɔmi.

Efesobi 3:18 ပူးပေါင်းရင်းမြစ်များ

Yohane 15:13

Nɔ ko be suɔmi nɛ kle pe enɛ ɔ, kaa nɔ nɛ ngɔ e wami ngɔ fɔ si ha e huɛmɛ.

Efesobi 3:19

nɛ nyɛɛ le Kristo suɔmi nɛ pa ni lemi tsuo ɔ, konɛ Mawu himi kɛ si pimi ɔ nɛ hyi nyɛ tsuo tɔtɔɔtɔ.

Galatabi 2:20

A sɛu mi kɛ Kristo; he je ɔ pi imi nɛ ye hɛ ngɛ hu, se Kristo lɛ hɛ ngɛ ngɛ ye mi; se ye hɛ nɛ ngɛ ngɛ he lo mi jehanɛ ɔ, Mawu Bi ɔ nɛ suɔ mi nɛ e ngɔ e he ngɔ ha ngɛ ye he ɔ nɔ hemi kɛ yemi mi ye hɛ ngɛ ngɛ.

Efesobi 1:15

Enɛ ɔ he je ɔ, imi hu, benɛ i nu nyɛ hemi kɛ yemi nɛ nyɛ ngɛ ngɛ Nyɔmtsɛ Yesu Kristo mi, kɛ nyɛ suɔmi nɛ nyɛɛ kɛ suɔ ni klɔuklɔu ɔmɛ kulaa he ɔ,

Kpojemi 3:21

Kunimi yelɔ ɔ, ma ha lɛ blɔ nɛ e kɛ mi nɛ hi ye matsɛ sɛ ɔ nɔ, kaa bɔ nɛ imi hu i ye kunimi nɛ i kɛ Tsaatsɛ hii si ngɛ e matsɛ sɛ ɔ nɔ ɔ.

Galatabi 3:13

Kristo kpɔ wɔ kɛ je mlaa a gbiɛmi ɔ mi, akɛnɛ e plɛ gbiɛmi ngɔ ha wɔ ɔ, ejakaa a ngma ke: “A gbiɛ nɔ tsuaa nɔ nɛ kplaa si ngɛ tso nɔ” ɔ;

Efesobi 1:10

ha be ɔmɛ a yinɔ ɔ blɔ nya tomi, konɛ e ngɔ nihi kulaa ngɔ to yi kake sisi ngɛ Kristo mi, nihi nɛ ngɛ hiɔwe ke nihi nɛ ngɛ zugba a nɔ kulaa.

Kolosebi 1:4

ejakaa wa nu nyɛ Kristo Yesu nɔ hemi kɛyemi kɛ nyɛ suɔmi nɛ nyɛɛ kɛ suɔ he tsɔli ɔmɛ kulaa a he,

Romabi 10:3

Ejakaa a li Mawu dami ɔ, se mɛ nitsɛmɛ a dami mohu a hlaa nɛ a ngɔ ma si he je ɔ, a bɛ́ a he si hi Mawu dami ɔ.

1 Timoteo 3:16

Nɔ jemi be he kaa Mawu jami laami sane ɔ, e mi kuɔ. Mawu je e he si paa ngɛ he lo mi, E ye nguɔ ngɛ mumi mi, E je e he kpo ngɔ tsɔɔ bɔfohi, A fiɛ lɛ ngɛ majeli a kpɛti, A he e nɔ ye ngɛ je mi, A ngɔ lɛ kɛ ho hiɔwe ya ngɛ nyami mi.

2 Korintobi 13:13

Nyɔmtsɛ Yesu Kristo dloomi ɔ, kɛ Mawu suɔmi ɔ, kɛ Mumi Klɔuklɔu huɛ bɔmi ɔ kɛ nyɛ tsuo nɛ hi si! Amen.