Efesobi 2:5 - Somi He Ɔ

⁵ nɛ wɔ nɛ wa ji ni gbogboehi ngɛ tuegbenɔ mi ɔ, e tsɛ̃ɛ waa kɛ Kristo tsuo hɛ; dloomi a kɛ he nyɛ yi wami!

BAIBLO ALOO NGMAMI KLƆUKLƆU Ɔ

⁵ Lɔ ɔ he ɔ, be mi nɛ wa gbo tue, nɛ wa pee kaa nihi nɛ gbo ɔ, e ha wa ba wami mi ekohu benɛ e tle Kristo si kɛ je gbeje ɔ. Dloomi nya nɛ a he nyɛ yi wami.

Efesobi 2:5 ပူးပေါင်းရင်းမြစ်များ

Romabi 3:24

nɛ a kɛ e dloomi ɔ woɔ mɛ nguɔ yaka kɛ guu kpɔmi nɛ ngɛ Kristo Yesu mi ɔ nɔ.

Efesobi 2:8

Ejakaa dloomi a kɛ he nyɛ yi wami kɛ gu hemi kɛ yemi nɔ, nɛ enɛ ɔ lɛɛ, pi nyɛ mi nɛ e je, Mawu nɔke nɔ ʼi,

Romabi 5:10

Ejakaa ke be mi nɛ wa ji henyɛli ɔ nɛ a kɛ Mawu bi ɔ gbenɔ ba kpata waa kɛ Mawu kpɛti ɔ, jeha nɛ nɛ a kpata nɛ ɔ, a ma he wa yi wami hluu ngɛ e wami ɔ mi.

Romabi 5:8

Se Mawu jeɔ e suɔmi nɛ e kɛ suɔ wɔ kpo tsɔɔ, kaa be mi nɛ wa ji yayami peeli lokoo nɛ Kristo ba gbo ngɛ wa nane mi.

Ni Tsumi 15:11

Se wa heɔ yeɔ kaa Nyɔmtsɛ Yesu Kristo dloomi ɔ mohu nɔ a maa gu kɛ he waa kɛ mɛ tsuo yiwami.”

Efesobi 2:1

Sa a, nyɛ ji ni gbogboehi ngɛ tue gbomi kɛ yayamihi a mi.

Romabi 8:2

Ejakaa mlaa nɛ ji wami kɛ mumi mlaa a nɛ ngɛ Kristo Yesu mi ɔ kpɔ mi ngɛ yayami kɛ gbenɔ mlaa a dɛ mi.

Tito 2:11

Ejakaa Mawu dloomi nɛ a kɛ heɔ nimli kulaa a yi wami ɔ je kpo,

Efesobi 5:14

Lɔ ɔ he nɛ a de ke: “O hɛ nɛ tsɛ, mo nɔ nɛ o ngɛ mahɛ hwɔe ɔ, Nɛ o te si kɛ je gbeje, Nɛ Kristo maa tso ha mo” ɔ, nɛ!

Romabi 4:16

Se enɛ ɔ he je nɛ e je hemi kɛ yemi mi ɔ nɛ, benɛ pee nɛ e pee dloomi sane, konɛ si womi ɔ nɛ ma si kpɛii ngɔ ha e nina tsuo, pi Mlaa sisibi ɔmɛ kɛkɛ, se mohu nihi nɛ je Abraham, nɛ ji wɔ tsuo wa tsɛ ɔ, hemi kɛ yemi ɔ mi ɔ hulɔ,

Tito 3:5

lɔ ɔ lɛɛ pi dami ni tsumihi nɛ wa tsu nya, se mohu lɛ nitsɛ e mɔbɔ nami nya, kɛ gu ehe fɔmi, he dumi kɛ Mumi Klɔuklɔu ɔ ehe peemi ɔ nɔ he wa yiwami,

Romabi 5:6

Ejakaa be mi nɛ wa he wɛ ɔ lokoo nɛ Kristo ba gbo ngɛ be nɛ sa mi ha yayami peeli.

Romabi 16:20

Se e be kɛe nɛ he jɔmi Mawu ɔ maa naa Satan nɔ kulaa ngɛ nyɛ nane si. Wa Nyɔmtsɛ Yesu Kristo dloomi ɔ kɛ nyɛ nɛ hi si!

Yohane 6:63

Mumi ɔ ji nɔ́ nɛ haa wami ɔ nɛ; he lo ɔ he be se nami ko. Munyuhi nɛ i kɛ nyɛ tu ɔ, mumi ʼi, nɛ wami ʼi.

Yohane 5:21

Ejakaa bɔ nɛ Tsɛ ɔ tleɔ ni gbogboehi a si nɛ e haa mɛ wami ɔ, ja kɛ̃ Bi ɔ hu haa nihi nɛ e suɔ ɔ wami.

Kpojemi 22:21

Wa Nyɔmtsɛ Yesu Kristo dloomi ɔ kɛ nyɛ tsuo nɛ hi si! Amen.

Luka 15:24

ejaakaa ye bi nɛ ɔ gbo, nɛ e hɛ tsɛ ekohu; e laa nɛ a na lɛ.’ Nɛ a bɔni nyami.

Kolosebi 2:13

Nɛ nyɛ nɛ nyɛ ji ni gbogboehi ngɛ nyɛ nɔ tɔmi ɔmɛ kɛ nyɛ he lo mɔmlɔtɔ ɔ mi ɔ, e ha nyɛɛ kɛ lɛ tsuo wami, nɛ e kɛ nyɛ nɔ tɔmi ɔmɛ kulaa pa nyɛ;