Efesobi 2:20 - Somi He Ɔ

²⁰ nɛ a fia nyɛ ngɔ ma bɔfo ɔmɛ kɛ gbali ɔmɛ a sisi tomi ɔ nɛ e kɔ nya tɛ ji Kristo Yesu ɔ nɔ,

BAIBLO ALOO NGMAMI KLƆUKLƆU Ɔ

²⁰ Sisi tomi nɛ a fia nyɛ ngɔ ma nɔ ji sɛ gbi ɔ nɛ bɔfo ɔmɛ, kɛ gbali ɔmɛ fiɛ ɔ; nɛ Kristo Yesu nitsɛ ngɛ kaa tsu ɔ kɔ nya tɛ.

Efesobi 2:20 ပူးပေါင်းရင်းမြစ်များ

Mateo 16:18

Nɛ imi hu i ngɛ mo dee ke: Mo ji Petro ɔ nɛ, nɛ kikɛmɛ a tɛ sa nɛ ɔ nɔ ma fia ye safo ɔ ngɔ ma, nɛ gbeje agbo ɔmɛ be nyɛe e nɔ maa ye.

Kpojemi 21:14

Nɛ ma a he gli ɔ ngɛ sisi tomihi (aloo fanesihi) ɔnyɔngma kɛ enyɔ, nɛ Tobi ɔ bɔfohi nyɔngma kɛ enyɔ ɔmɛ a biɛhi ngɛ a mi.

1 Korintobi 12:28

Nɛ kekleekle ɔ, Mawu wo ni komɛ bɔfohi ngɛ asafo ɔ mi, nɔ́ nɛ ji enyɔ ɔ, gbali, nɔ́ nɛ ji etɛ ɔ, tsɔɔli; kɔlɔ ɔ se ɔ he wami ni tsuli, kɔlɔ ɔ se ɔ, hiɔhi a tsami dloomi nike nihi, yemi kɛ buami, nɔyemihi, gbi slɔɔtohi a tumi.

Mateo 21:42

Yesu de mɛ ke: “Anɛ nyɛ kane we gblee ngɛ ngami ɔmɛ a mi ke: ‘Tɛ ɔ nɛ tsufiali ɔmɛ sake fɔ he ɔ, Kɔlɔ ɔ nɔuu lɛ plɛ kɔ nya tɛ. Nyɔmtsɛ ɔ dɛ mi enɛ ɔ je, Nɛ e ngɛ nyakpɛ ngɛ wa hɛngmɛ mi.’

Galatabi 2:9

Benɛ a yo dloomi nɛ a kɛ ha mi ɔ, Yakobo kɛ Kefa kɛ Yohane nɛ a buu mɛ kaa titimahi ɔ, kɛ huɛ bɔmi hiɛ ɔ nine sa i kɛ Barnaba dɛ, konɛ wɔɔ lɛɛ waa ya majeli ɔmɛ a ngɔ nɛ mɛɛ lɛɛ a ya nɔ poli ɔmɛ a kpɛti;

Efesobi 3:5

Laami sane nɛ ɔ, yinɔhi nɛ be ɔmɛ a mi ɔ, a ha we nimli a bimɛ nɛ a le, kaa bɔ nɛ jehanɛ ɔ a je kpo ngɔ tsɔɔ e bɔfohi kɛ gbali klɔuklɔu ɔmɛ ngɛ Mumi mi,

Kolosebi 2:7

nɛ a ma nyɛ ngɛ e nɔ, nɛ nyɛɛ du si ngɛ hemi kɛ yemi ɔ mi, kaa bɔ nɔuu nɛ a tsɔɔ nyɛ ɔ, nɛ nyɛ tsui nɛ hyi tɔ kɛ sina.

1 Petro 2:6

Ejakaa e ngɛ ngmami ɔ mi ke: “Oʼɛ, i kɛ kɔ nya tɛ ngɛ si mae ngɛ Zion, Tɛ nɛ a hla nɛ he jua wa, Nɛ nɔ nɛ heɔ e nɔ yeɔ ɔ, zo be lɛ gbee kɔkɔɔkɔ.”