Efesobi 2:2 - Somi He Ɔ

² Jamɛ a be ɔ mi ɔ, nyɛ nyɛɛ ngɛ je nɛ ɔ mi kɔɔhiɔ mi he wami ɔ nɔ yelɔ, nɛ ji mumi nɛ tsuɔ ni mwɔnɛmwɔnɛ ngɛ tuegbenɔ bihi a mi ɔ su ɔ nya;

BAIBLO ALOO NGMAMI KLƆUKLƆU Ɔ

² Jamɛ a be ɔ, nɔ́ nɛ je nɛ ɔ peeɔ ɔ, lɔ ɔ nyɛ hu nyɛ peeɔ. Nyɛ ya nyɛɛ nɔ nɛ yeɔ mumi yayami ɔmɛ a nɔ ngɛ kɔɔhiɔ mi ɔ se. Nihi nɛ gboɔ Mawu tue ɔ, mumi nɛ ɔ lɛ ngɛ ní tsue ngɛ a mi amlɔ nɛ ɔ.

Efesobi 2:2 ပူးပေါင်းရင်းမြစ်များ

Efesobi 6:12

Ejakaa tsa pi he lo kɛ muɔ nɛ waa kɛ ngɛ ta hwue ɔ, se mohu waa kɛ nɔkɔtɔma yemihi kɛ he blɔhi kɛ je nɛ ɔ mi nɔ yemihi nɛ ngɛ mwɔnɔmwɔnɔ diblii ɔ mi ɔ, kɛ mumi yayami asafo nɛ ngɛ hiɔwe nihi a mi ɔ.

1 Yohane 5:19

Wa le kaa wa je Mawu mi nɛ je mluku ɔ tsuo ngɛ nɔ yayami ɔ sisi.

Efesobi 2:3

kɔlɔ ɔmɛ a mi wɔ tsuo hu wa ba wa je mi ngɛ sa ngɛ wa he lo akɔnɔ ɔmɛ a mi, nɛ wa tsu nihi nɛ he lo kɛ juɛmi suɔ ɔ, nɛ wa ji Mawu muklii mi fumi bimɛ ngɛ wa fɔmi su ɔ nya kaa nihi nɛ piɛ ɔmɛ nɔuu.

Yohane 12:31

Jeha nɛ ɔ je nɛ ɔ mi kojomi ɔ su; kpaako a maa hia je nɛ ɔ mi matsɛ ɔ ngɔ sake ngɔ fɔ he.

Efesobi 5:6

Nyɛ ko ha nɛ nɔ ko kɛ munyu gu nɛ mlɔɔ nyɛ; ejakaa jamɛ a ni nɛ ɔmɛ a he nɛ Mawu muklii mi fumi baa tuegbenɔ bi ɔmɛ a nɔ ɔ nɛ.

Yohane 8:44

Nyɛɛ lɛɛ, nyɛ tsɛ nɛ nyɛ je e mi ji abosiami, nɛ nyɛ tsɛ ɔ tsui nya ni nyɛ suɔ kaa nyɛɛ pee. Lɛɛ nɔ gbelɔ ji lɛ kɛ je blema, nɛ e hi si ngɛ anɔkuale ɔ mi, ejakaa anɔkuale be e mi. Ke e ngɛ lakpa yee ɔ, lɛ nitsɛ e nihi a he munyu e tuɔ, ejakaa lakpatsɛ kɛ nya ngɔli a tsɛ ji lɛ.

Efesobi 4:22

nyɛ sake nyɛ sa je mi bami ɔ nya nɔmlɔ momo nɛ puɛ ngɛ sisimi se dimi ɔmɛ a nya a ngɔ fɔ he,

1 Korintobi 6:11

Sa a, nyɛ ti ni komɛ ngɛ kikɛ; se jahanɛ a du nyɛ he, nɛ a kpale tsukɔ nyɛ he, nɛ a wo nyɛ nguɔ hulɔ ngɛ Nyɔmtsɛ Yesu Kristo biɛ kɛ wa Mawu ɔ Mumi ɔ mi.

2 Korintobi 4:4

nihi a mi nɛ je nɛ ɔ mi mawu ɔ yu nihi nɛ he we yi ɔmɛ a hɛngmɛ ngɛ, konɛ Kristo, nɛ ji Mawu subai ɔ, hɛ mi nyami ɔ sane kpakpa a la nɛ ngɛ tsoe ɔ nɛ ko kpɛ ha mɛ.

1 Yohane 5:4

ejakaa nɔ tsuaa nɔ nɛ a je Mawu mi kɛ fɔ lɛ ɔ yeɔ je ɔ nɔ kunimi; nɛ wa hemi kɛ yemi ɔ ji nɔ́ nɛ waa kɛ yeɔ je ɔ nɔ kunimi ɔ nɛ.

1 Yohane 3:10

Enɔ mi nɛ slɔɔto nɛ ngɛ Mawu bimɛ kɛ abosiami bimɛ a kpɛti ɔ jeɔ e he si paa ngɛ. Nɔ tsuaa nɔ nɛ tsu we dami nihi ɔ, nɛ e sume e nyɛmi hulɔ ɔ, pi Mawu bi ji lɛ.

1 Petro 1:14

Nyɛɛ pee nyɛ he kaa bimɛ tue buli, nɛ nyɛ ko ba nyɛ je mi ngɛ sa benɛ nyɛ li nɔ́ ko ɔ mi akɔnɔ ɔmɛ a nya hu,

Kpojemi 20:2

Nɛ e nu sinɔ ngua a, blema sinɔ nɛ ji Abosiami loo Satan ɔ, nɛ e fi lɛ jeha akpe,

1 Yohane 4:4

Bimɛ tsɔwi, nyɛɛ lɛɛ nyɛ je Mawu mi, nɛ nyɛ ye lakpa gbali ɔmɛ a nɔ kunimi; ejakaa mumi nɛ ngɛ nyɛ mi ɔ kle pe mumi nɛ ngɛ je ɔ mi ɔ.

1 Petro 4:3

Ejakaa wa puɛ be babauu ngɛ be nɛ be momo ɔ mi kɛ pee nihi nɛ wɔ jali ɔmɛ peɔ, nɛ wa ba wa je mi ngɛ ya homi, akɔnɔhi, da demi, fiɛmi sakasakahi, jiklɔɔ kɛ wɔ jami ninyɛ nihi a mi.

Kolosebi 1:21

Nyɛ nɛ sa nɛ nyɛ jir ni kpahi kɛ shenyɛli ngɛ nyɛ juɛmi kɛ ni tsumi yaya amɛ a mi ɔ,

Galatabi 1:4

nɔ nɛ ngɔ lɛ nitsɛ e he ngɔ ha ngɛ wa he yayami ɔmɛ a he, konɛ e je wɔ kɛ je je yaya nɛ ngɛ mwɔnɛmwɔnɛ nɛ ɔ mi ngɛ Mawu kɛ wa Tsɛ ɔ suɔmi nya;

Romabi 12:2

Nɛ nyɛ je mi bami ko pee kaa je mi bihi a je mi bami, se mohu nyɛ ha Mawu nɛ tsake nyɛ juɛmi, konɛ nyɛ yɔse nihi nɛ ji Mawu suɔmi nya ni kpakpahi nɛ sa e hɛ mi saminya nɛ hi kɛ pi si ɔ.

Yakobo 4:4

Gbapuɛli! Nyɛ li kaa je nɛ ɔ kɛ huɛbɔmi ɔ Mawu nyɛmi ʼi lo? Lɔ ɔ he ɔ, nɔ tsuaa nɔ nɛ suɔ nɛ e kɛ je ɔ nɛ bɔ huɛ ɔ, e ji Mawu henyɛlɔ.

1 Korintobi 5:10

Pi je nɛ ɔ mi bimɛ a ti ya holi loo hɛ tsuli loo amim yeli loo wɔ jali a he munyu kulaa nɛ i ngɛ tue nɛ ɔ, ejakaa kaa mɛ jinɛ, ja nyɛ je je ɔ mi.

Ni Tsumi 5:3

Se Petro ke: “Anania, mɛni he je Satan hyi o tsui mi tɔ, nɛ o ye lakpa ngɔ tsɔɔ Mumi Klɔuklɔu ɔ, nɛ o kɛ zugba a yi ni ɔ fã ko to se?

Yohane 15:19

Kaa je ɔ mi nyɛ je jinɛ, je ɔ maa suɔ lɛ nitsɛ e nihi, se akɛnɛ nyɛ ji je ɔ mi se imi mohu lɛ i hla nyɛ kɛ je je ɔ mi ɔ, kɔlɔ ɔ he nɛ je ɔ nyɛɛ nyɛ ɔ nɛ.

Yohane 14:30

I kɛ nyɛ be munyu tue fuu hu, ejakaa je ɔ mi matsɛ ɔ ma, se e be he wami ko nyɛ nyɛ nɔ.

2 Petro 2:14

A hyɛ we nɔ́ ko nɔ́ ko kaa ja yi ya holi, nɛ a hɛ jɔɛ kɛ yayami peemi; a mlɔɔ nihi nɛ nane pi si ɔmɛ; a ngɛ hɛ tsumi tsui; musu bimɛ ji mɛ.

Yohane 16:11

kojomi he, ejakaa a kojo je ɔ mi matsɛ ɔ.

Yohane 13:27

Nɛ nyamiwo bɔ ɔ se pɛ nɛ Satan sɛ e mi. Jeha nɛ ɔ Yesu de lɛ ke: “Nɔ́ nɛ o ngɛ pee ɔ, pee nɛ e sɔ!”

Yohane 13:2

Nɛ benɛ a ngɛ ni yee ɔ, blɔɔ abosiami ngɔ wo Yuda Iskariot, Simon bi ɔ, tsui mi momo kaa e tsɔɔ Yesu se blɔ.

Yohane 8:23

Nɛ e de mɛ ke: “Nyɛɛ lɛɛ nyɛ je sisi nɛ ɔ, se imi lɛɛ hiɔwe i je. Nyɛɛ lɛɛ nyɛ je je nɛ ɔ mi, se imi lɛɛ i ji je nɛ ɔ mi.

Yohane 7:7

Je ɔ be nyɛe nyɛ maa nyɛ, se imi lɛɛ e nyɛɛ mi, ejakaa i yeɔ e he odase kaa e ni tsumi ɔmɛ ɔ ni tsumi yayamihi ʼi.

Mateo 13:38

ngmɔ ɔ ji je nɛ ɔ mi; dumi ni kpakpa amɛ ji matsɛ yemi mi bimɛ ɔmɛ; hu ɔ ji nɔ yayami ɔ bimɛ ɔmɛ;

Kpojemi 13:8

Nɛ nihi kulaa nɛ ngɛ zugba a nɔ ɔ ma ja lɛ, nihi nɛ a ngmɛ́ a biɛ ngɛ Tobi nɛ a gbe ɔ wami womi ɔ mi kɛ je je mi sisije ɔ.

1 Yohane 3:8

Nɔ nɛ peɔ yayami ɔ, e je abosiami mi, ejakaa kɛ je sisije lokoo nɛ abosiami pee yayami. Enɛ ɔ he nɛ Mawu Bi ɔ je e he kpo konɛ e puɛ abosiami ni tsumi ɔmɛ ɔ nɛ.

Yakobo 1:7

Jamɛ a nɔmlɔ ko ko susu kaa e ma na nɔ́ ko kɛ je Nyɔmtsɛ ɔ dɛ mi;

2 Timoteo 4:10

Ejakaa nɛ Dema suɔ amlɔ amlɔ je nɛ ɔ mi he je ɔ, e je ye he kɛ ho Tesalonika ya; Kreske ho Galata ya, Tito ho Dalmatia ya;

Ni Tsumi 19:35

Se benɛ ma a mi womi ngmalɔ ɔ kpata ni ɔmɛ ɔ, e ke: “Tsaatsɛmɛ Efesobi, mɛnɔ po lɛ li kaa Artemi ngua a kɛ amaga nɛ kple si kɛ je Dio ngɔ ɔ Efesobi a ma nɛ ɔ mi nɛ e wɔnɔ ɔ ngɛ?

Luka 22:31

“Simon, Simon, oʼɛ, Satan bi blɔ, konɛ e sa nyɛ mi kaa ngma;

Luka 16:8

Nɛ nyɔmtsɛ ɔ je tsɔlɔ nɔkɔtɔma kutupɔtsɛ ɔ yi kaa e ye sane ɔ ga mi. Ejakaa je nɛ ɔ mi bi ɔmɛ le a nɔ ɔ mi ga pe la bi ɔmɛ.

Mateo 11:19

Nɔmlɔ Bi ɔ ba nɛ e yeɔ ni nɛ jeha nɛ e nuu nɔ ko ɔ, a de ke: ‘Oʼɛ, nyumu jiklɔɔtsɛ kɛ da nulɔ onia tsuli kɛ yayami peeli a huɛ ɔ ji nɛ ɔ nɛ!’ Nɛ a bu Nawu ni lemi ɔ bemi ngɛ e ni tsumi ɔmɛ a nya.”

Kpojemi 16:17

Nɛ hiɔwe bɔfo nɛ ji kpaago ɔ plɛ e tsinesa a mi ni ɔmɛ ngɔ wo kɔɔhiɔ mi; nɛ gbi ngua ko je hiɔwe sɔlemi tsu ɔ mi kɛ je matɛ sɛ ɔ mi de ke: “A gbe nya!”

Kpojemi 13:14

Nɛ e kɛ nyakpɛ nihi nɛ e na he blɔ kaa e pee ngɛ lohwe ɔ hɛ mi ɔ sisiɔ ninɛmɛ nɛ ngɛ zugba a nɔ ɔ, nɛ e deɔ nihi nɛ ngɛ zugba a nɔ ɔ ke, a pee amaga ngɔ ha lohwe ɔ nɛ a kɛ klaate plaa lɛ nɛ e hɛ ngɛ ɔ.

Kpojemi 12:9

Nɛ a sake sinɔ ngua kpetekpleenyɛ ɔ, nɔ nɛ ji blema sinɔ ɔ nɛ a tsɛɛ lɛ Nyapolɔ loo Abosiami nɛ sisiɔ je mluku ɔ tsuo ɔ, ngɔ fɔ zugba a nɔ, nɛ a sake e bɔfo ɔmɛ hu ngɔ fɔ zugba a nɔ ngɔ piɛ e he.

Mateo 13:22

Se nɔ́ nɛ a du ngɛ miohi a kpɛti ɔ, lɛ ji nɔ nɛ nuɔ munyu ɔ, se je nɛ ɔ mi he nya gbami kɛ nihi fuu a he mlɔɔmi ɔ gbee munyu ɔ, nɛ e wui yiblii.

Marko 4:19

se je nɛ ɔ mi he nya gbami kɛ ni nami he suɔmi kɛ ni kpahi a he akɔnɔ sɛɛ a mi nɛ a gbee munyu ɔ, nɛ a wui yiblii.

Efesobi 1:21

ngɛ nɔkɔtɔma yemi kɛ he blɔ kɛ he wami kɛ nɔ yemi tsuo kɛ biɛ tsuaa biɛ nɛ a wo, pi ngɛ be nɛ ɔ mi kɛkɛ, se be nɛ maa ba a mi hulɔ ɔ;

Efesobi 2:11

Lɔ ɔ he ɔ, nyɛ kai kaa nyɛ nɛ sa nɛ nyɛ ji wɔ jali ngɛ he lo blɔfami nɛ nihi nɛ a po mɛ ngɛ he lo mi ɔ tsɛɛ nyɛ mɔmlɔtɔtsɛmɛ ɔ,

Efesobi 2:13

Se jehanɛ, Kristo Yesu mi ɔ, nyɛ nɛ sa nɛ nyɛ ngɛ lokoo ɔ, nyɛ gu Kristo muɔ ɔ nɔ hɛ kɛ ba.

Efesobi 4:17

Lɔ ɔ he ɔ, i ngɛ dee, nɛ i ngɛ nɔ mi mae ngɛ Nyɔmtsɛ ɔ mi, kaa nyɛ ko nyɛɛ kaa bɔ nɛ majeli a bimɛ kpa amɛ hu nyɛɛ ngɛ a yaka juɛmi ɔ mi ɔ hu;

Efesobi 5:8

Ejakaa sa a diblii ji nyɛ, se jahanɛ ɔ nyɛ plɛ la ngɛ Nyɔmtsɛ ɔ mi. Lɛɛ nyɛɛ nyɛɛ kaa la bimɛ mɔ.

Yakobo 1:27

Mawu jami nɛ he tsɔ nɛ he be mu ko ngɛ Mawu tsɛ ɔ hɛ mi ji nɛ ɔ nɛ, kaa a slaa ahusahi kɛ yalɔyi ngɛ a hiamihi a mi, nɛ e to e he nɛ je ɔ ko wo e he mu.