Efesobi 2:12 - Somi He Ɔ

¹² jamɛ a be ɔ mi ɔ nyɛ be Kristo, nɛ nyɛ ji ni kpahi ngɛ Israel kɛ nibwɔhi ngɛ si womi somi ɔmɛ a blɔfami hulɔ; nyɛ be hɛ kɛ nɔ fɔmi ko, nɛ nyɛ be Mawu tete ngɛ je nɛ ɔ mi.

BAIBLO ALOO NGMAMI KLƆUKLƆU Ɔ

¹² Jamɛ a be ɔ, nyɛ li Kristo. Nihi nɛ Mawu hla a, nyɛ be a kpɛti; lɔ ɔ he ɔ, nibwɔhi ji nyɛ. Somi nɛ Mawu kɛ e ni ɔmɛ so, kɛ si nɛ e wo mɛ ɔ, nyɛ piɛ we he. Nyɛ hi si ngɛ je ɔ mi kɛkɛ, nɛ nyɛɛ kɛ nyɛ hɛ fɔ we nɔ́ ko nɔ; Mawu nitsɛ tete nyɛ li lɛ.

Efesobi 2:12 ပူးပေါင်းရင်းမြစ်များ

Galatabi 4:8

Se be nɛ be ɔ mi ɔ, nyɛ li Mawu, nyɛɛ kɛ nyɛ he pee nyɔguɛhi ngɔ ha nihi nɛ pi mawu ji mɛ ngɛ a bɔmi su nya a;

Kolosebi 1:21

Nyɛ nɛ sa nɛ nyɛ jir ni kpahi kɛ shenyɛli ngɛ nyɛ juɛmi kɛ ni tsumi yaya amɛ a mi ɔ,

1 Petro 1:3

A gbaa Mawu kɛ wa Mawetsɛ Yesu Kristo Tsɛ ɔ, nɔ nɛ fɔ wɔ ehe ngɛ lɛ nitsɛ e mɔbɔnami babauu ɔ nya, ngɔ ha hɛ kɛ nɔ fɔmi ngɛ Yesu Kristo si nɛ ete kɛ je gbeje ɔ he.

1 Tesalonikabi 4:13

Se, mamimɛ, wa suɔ kaa nyɛɛ le ninɛmɛ nɛ a gbo ɔmɛ a he sane, konɛ nyɛ ko ye kɔmɔ kaa ninɛmɛ nɛ piɛ ɔmɛ, nihi nɛ be hɛ kɛ nɔ fɔmi ko ɔ.

Efesobi 4:18

ejakaa a juɛmi ɔ mi wo diblii, nɛ nibwɔhi ji mɛ ngɛ wami nɛ Mawu haa a blɔfami, akɛnɛ nɔ lemi bɔ́ mɛ nɛ a tsui hu ti ɔ.

1 Tesalonikabi 4:5

pi ngɛ akɔnɔ hɛ dɔmi mi, kaa bɔ nɛ maje li a bimɛ nɛ li Mawu ɔ peɔ ɔ;

Yohane 15:5

“Imi ji wai tsɔ ɔ, nyɛ ji kɔni ɔmɛ. Nɔ nɛ hii ye mi nɛ imi hu i hii e mi ɔ, lɛ nɔuu lɛ e woɔ yiblii fuu; ejakaa ke pi imi ɔ, lɛɛ nyɛ be nɔ ko nyɛe maa pee.

Hebribi 6:18

konɛ waa gu sanehi enyɔ nɛ tsakee we nɛ Mawu be nyɛe maa ngɔ nya ngɛ mi ɔ nɔ kɛ na bua womi nɛ wa, konɛ wɔ nihi nɛ wa ya sawe ɔ, wa kɛ hɛɛ hɛ kɛ nɔ fɔmi nɛ ngɛ wa hɛ mi ɔ mi;

Romabi 9:8

Lɔ ɔ ji kaa, tsa pi he lo nya bimɛ ɔmɛ ji Mawu bimɛ, se si womi bimɛ ɔmɛ mohu a buu kaa nina.

1 Petro 3:15

se Nyɔmtsɛ Kristo ɔ, nyɛɛ bu lɛ klɔuklɔu ngɛ nyɛ tsui mi. Nyɛ dla nyɛ he ngɔ to daa nɛ, konɛ ke nɔ ko bi nyɛ hɛ kɛ nɔ fɔmi nɛ ngɛ nyɛ mi ɔ sisi ɔ, nɛ nyɛ nyɛ lɛ heto nɛ nyɛ ha; se nyɛɛ pee kɛ mi mi jɔmi kɛ bu.

Ni Tsumi 28:20

Jeha nɛ ɔ kikɛmɛ a sane nɛ ɔ he je nɛ i tsɛ nyɛ kɛ ba, konɛ ma na nyɛ nɛ ma kɛ nyɛ nɛ tu munyu; ejakaa Israel hɛ kɛ nɔ fɔmi ɔ he je nɛ a wo mi kikɛmɛ a kɔsɔkɔsɔ nɛ ɔ nɛ.”

Ni Tsumi 3:25

Nyɛ ji gbali ɔmɛ kɛ somi ɔ bimɛ, somi nɛ Mawu kɛ wa tsɛmɛ ɔmɛ so, benɛ e de Abraham ke: ‘O nina mi nɛ a maa gbaa zugba a nɔ wekuhi kulaa ngɛ’ ɔ.

1 Yohane 3:3

Nɔ tsuaa nɔ nɛ ngɛ kikɛmɛ a hɛ kɛ nɔ fɔmi ngɛ Kristo mi ɔ peɔ e he klɔuklɔu kaa bɔ nɛ lɛ hu e ngɛ klɔuklɔu ɔ.

1 Petro 1:21

Nyɛ gu e nɔ he Mawu, nɔ nɛ tle lɛ si kɛ je gbeje nɛ e wo e hɛ mi nyami ɔ ye, benɛ pee nɛ nyɛ hemi kɛ yemi kɛ nyɛ hɛ kɛ nɔ fɔmi nɛ hi Mawu nɔ.

Hebribi 11:34

a gbe la he wami, a je klaatehi a nya, a na he wami kɛ je gbɔlemi mi, a he wa ngɛ ta mi, a bu masetsɛmɛ a ta a.

1 Timoteo 1:1

Paulo nɛ ji Yesu Kristo bɔfo ngɛ Mawu, wa yi wami helɔ ɔ, kɛ Mawetsɛ Yesu Kristo, wa hɛ kɛ nɔ fɔmi ɔ, kita nya a,

2 Tesalonikabi 2:16

Se lɛ wa Mawetsɛ Yesu Kristo ɔ nitsɛ, kɛ wa Tsɛ Mawu nɛ suɔ wɔ nɛ e kɛ neneene bua womi kɛ hɛ kɛ nɔ fɔmi kpakpa ha wɔ ngɛ dloomi nya a,

Kolosebi 1:27

nihi nɛ Mawu suɔ kaa a ha a le nɔ́ nɛ ji kikɛmɛ a laami sane nɛ ɔ hɛ mi nyami hiɛmi ɔ ngɛ ma jeli ɔmɛ a kpɛti, nɛ ji Kristo ngɛ nyɛ mi, nɛ ji hɛ mi nyami hɛ kɛ nɔ fɔmi ɔ.

Kolosebi 1:5

ngɛ hɛ kɛ nɔ fɔmi nɛ a ngɔ to ha nyɛ ngɛ hiɔwe ɔ he. Nyɛ nu momo ngɛ sane kpakpa a anɔkuale munyu ɔ mi,

Yohane 10:16

I ngɛ to kpa komɛ nɛ ji to tsu nɛ ɔ mi; nɛ kɔlɔ ɔmɛ hu, ja i ngɔ mɛ kɛ ba, nɛ a ba nu ye gbi, nɛ to ɔmɛ pee kuu kake kɛ hyɛlɔ kake.

Yohane 4:22

Nyɛɛ lɛɛ, nyɛ li nɔ́ nɛ nyɛ ngɛ jae ɔ; wɔɔ lɛɛ, wa le nɔ́ nɛ wa ngɛ jae ɔ, ejakaa yi wami hemi ɔ, Yudafo ɔmɛ a ngɔ e je.

Luka 1:72

Nɛ e na wa tsɛmɛ ɔmɛ mɔbɔ. Nɛ e kai e somi klɔuklɔu ɔ,

Ni Tsumi 2:39

Ejakaa si womi ɔ nyɛ kɛ nyɛ bimɛ kɛ nihi tsuo nɛ ngɛ se lokoo, nihi abɔ nɛ Nyɔmtsɛ wa Mawu ɔ ma tsɛ kɛ maa ba a, a nɔ ʼi.”

Efesobi 2:19

Lɔ ɔ he ɔ jehanɛ, nyɛ pi nibwɔhi kɛ ni kpahi hu, se mohu nyɛ ji ni klɔuklɔu ɔmɛ a huɛmɛ ma mi bi kɛ Mawu we bi

Hebribi 8:6

Se jehanɛ ɔ, Yesu na osɔfo yemi nɛ hi pe kekle nɔ ɔ, ejakaa somi nɛ hi pe kekle nɔ ɔ nɛ a da si womihi nɛ hi pe kekle ni ɔmɛ a nɔ kɛ kã kita a mi dalɔ ji lɛ.