Efesobi 2:10 - Somi He Ɔ

¹⁰ Mawu nine nya ni tsumi nihi ji wɔ, a bɔ wɔ ngɛ Kristo Yesu mi kɛ ha ni tsumi kpakpahi nɛ Mawu dla ngɔ to konɛ waa nyɛɛ ngɛ mi ɔ.

BAIBLO ALOO NGMAMI KLƆUKLƆU Ɔ

¹⁰ Mawu nitsɛ lɛ pee wɔ bɔ nɛ wa ngɛ nɛ ɔ. E ha waa kɛ Kristo Yesu ba nu huɛ, bɔ nɛ pee nɛ waa ngɔ wa wami be ɔ tsuo kɛ pee nihi kpakpa. E to blɔ nya nɛ ɔ blema lokoo konɛ waa nyɛɛ ngɛ nya.

Efesobi 2:10 ပူးပေါင်းရင်းမြစ်များ

Filipibi 2:13

ejakaa suɔmi nɛ a maa suɔ jio, peemi nɛ a maa pee jio, Mawu ji nɔ nɛ tsuɔ lɛ tsuo ngɛ nyɛ mi ngɛ e suɔmi nya.

Kolosebi 1:10

konɛ nyɛɛ nyɛɛ bɔ nɛ sa Nyɔmtsɛ ɔ nɛ e sa e hɛ mi saminya, nɛ nyɛɛ wo yiblii ngɛ ni tsumi kpakpa tsuaa ni tsumi kpakpa mi;

Hebribi 13:21

lɛ e dla nyɛ ngɔ ha ni tsumi kpakpa tsuaa ni tsumi kpakpa, nɛ nyɛɛ pee e suɔmi nya ni, nɛ e gu Yesu Kristo nɔ nɛ e pee nɔ́ nɛ sa lɛ nitsɛ e hɛ mi ngɛ nyɛ mi; lɛ a ngɔ hɛ mi nyami ngɔ ha kɛ ya si neneene kɛ neneene ɔ! Amen.

2 Korintobi 5:17

Lɔ ɔ he ɔ, ke nɔ ko ngɛ Kristo mi ɔ, bɔ nɔ́ he ji lɛ; blema ni ɔmɛ be kɛ ho; oʼɛ, nihi kulaa plɛ ehe.

2 Korintobi 9:8

Se Mawu ngɛ he wami nɛ e ma ha nyɛ ni kpakpahi kulaa kɛ be nɔ, konɛ nyɛ he nɛ kpe nyɛ kulaa ngɛ nɔ́ tsuaa nɔ́ mi daa nɛ ɔ nɛ nyɛɛ be nɔ ngɛ ni tsumi kpakpa tsuaa ni tsumi kpakpa mi,

Efesobi 4:24

nɛ nyɛɛ wo nɔmlɔ he nɛ a bɔ ngɛ Mawu subai nɔ ngɛ anɔkuale dami kɛ he tsɔmi mi ɔ.

Filipibi 1:6

i ngɔ ye hɛ ngɔ fɔ enɛ ɔ nɔuu nɔ, kaa nɔ nɛ bɔni ni tsumi kpakpa ngɛ nyɛ mi ɔ, lɛ nɔuu e ma tsa nɔ kɛ maa su e maa gbe nya ngɛ Yesu Kristo ligbi ɔ nɔ.

2 Timoteo 3:17

konɛ Mawu nɔmlɔ ɔ nɛ hi kɛ pi si, nɛ a dla lɛ pɛpɛɛpɛ ha ni tsumi kpakpa tsuaa ni tsumi kpakpa.

Efesobi 4:1

Imi nɛ i ji pa mi no ngɛ Nyɔmtsɛ ɔ mi ɔ, i ngɛ nyɛ pɛɛ kpae kaa nyɛɛ nyɛɛ bɔ nɛ sa tsɛmi nɛ a kɛ tsɛ nyɛ ɔ,

2 Timoteo 2:21

Jehanɛ ke nɔ ko tsukɔ e he kɛ je kikɛmɛ a ni nɛ ɔmɛ a he ɔ, e ma plɛ nɔ́ ko nɛ a buu nɛ a tsukɔ he klɔuu nɛ hi ha wetsɛ ɔ saminya nɛ a dla lɛ kɛ ha ni tsumi kpakpa tsuaa ni tsumi kpakpa.

Tito 2:14

nɔ nɛ ngɔ nitsɛ e he ngɔ ha ngɛ wa nane mi, konɛ e kpɔ wɔ kɛ je nɔ tɔmi kulaa mi, nɛ e tsukɔ wa he ngɔ pee lɛ nitsɛ e ma klɔuu nɛ hɛ dɔɔ ngɛ ni tsumi kpakpahi a he.

Efesobi 1:4

E hla wɔ ngɛ Kristo mi loko a to je ɔ sisi, konɛ waa pee klɔuklɔu nɛ piami ko ko hi wa he ngɛ e hɛ mi.

1 Timoteo 6:18

A pee kpakpa, nɛ a plɛ niatsɛmɛ ngɛ kpakpa peemi blɔfami, a suɔ nɔ hami, a ko pee kpɛle,

Tito 3:14

Se ha nɛ wɔ nitsɛmɛ wa ni ɔmɛ hu nɛ kase ni tsumi kpakpahi a he mɔde bɔmi, ke e fi loo e hia nɔ ko ɔ, konɛ a ko pee nihi nɛ wui yiblii.

Hebribi 10:24

Nyɛ ha wa susu wa sibi a he, konɛ wa hɛ nɛ e dɔ ngɛ suɔmi kɛ ni tsumi kpakpahi a he.

Tito 3:8

Anɔkuale munyu ji nɛ ɔ nɛ. Kikɛmɛ a ni nɛ ɔmɛ a nɔ mi i ngɛ hlae kaa o ma, konɛ ninɛmɛ nɛ a he Mawu nɔ ye ɔ, a bɔ nitsumi kpakpahi a he mɔde. Enɛ ɔmɛ ji nihi nɛ ngɛ fɛu nɛ hi ha nimli.

Kolosebi 3:10

nyɛɛ wo nɔmlɔ he nɛ plɛɔ ehe ekohu kɛ yaa ni lemi mi ngɛ nɔ nɛ bɔ lɛ ɔ subai ɔ nya;

Tito 2:7

Nɛ nihi kulaa blɔfami ɔ, ngɔɔ mo nitsɛ o he ngɔ to mɛ okadi ngɛ ni tsumi kpakpahi a he, nɛ ni tsɔɔmi mi ɔ, o tsɔɔ tsɔɔmi klɔuu, nihi nɛ haa nɔ hɛ mi jiɔ,

1 Korintobi 3:9

Ejakaa Mawu he piɛli ni tsuli ji wɔ; Mawu cngmɔ, Mawu tsu ji nyɛ.

1 Petro 2:12

nɛ nyɛɛ ba nyɛ je mi saminya ngɛ maje li a bimɛ ɔmɛ a kpɛti, konɛ nɔ́ mi nɛ a tuɔ nyɛ he munyu ngɛ kaa yayami peeli ɔ, nyɛ ni tsumi kpakpahi nɛ a naa a, a kɛ wo Mawu hɛ mi nyami ngɛ e bami ligbi ɔ nɔ.

Tito 3:1

Kaii mɛ nɛ a ba a he si ngɔ ha nikɔtɔmahi kɛ nɔ yeli ɔmɛ, a bu mɛ tue, a dla a he kɛ ha ni tsumi kpakpa tsuaa ni tsumi kpakpa,

1 Yohane 2:6

Nɔ nɛ deɔ ke e ngɛ Mawu mi ɔ, bɔ nɛ Yesu Kristo nyɛɛ ɔ, lɛ hu e nyɛɛ ja nɔuu.

Mateo 5:16

Ja nɔuu nyɛ ha nyɛ la nɛ tso ngɛ nimli a hɛ mi konɛ a na nyɛ ni peemi ni kpakpa amɛ nɛ ɛ wo nyɛ tsɛ nɛ ngɛ hiɔwe ɔ hɛ mi nyami.

Yohane 3:21

Se nɔ nɛ peɔ anɔkuale nihi ɔ baa la a he, konɛ e ni tsumi ɔmɛ nɛ je kpo, ejakaa Mawu mi a tsu mɛ ngɛ.

2 Tesalonikabi 2:17

lɛ nɔuu e maa wo nyɛ bua, nɛ e maa wo nyɛ he wami ngɛ munyu kpakpa kɛ ni tsumi kpakpa tsuo mi.

Romabi 8:29

Ejakaa nihi nɛ e le mɛ momo ɔ, mɛ e je ngɔ to konɛ a subai nɛ hi kaa e bi ɔ nɔ ɔ, konɛ Bi ɔ e pee nyɛmimɛ fuu a kpɛti bi nɔkɔtɔma.

Ni Tsumi 9:31

Jeha nɛ ɔ asafo ɔ na he jɔmi ngɛ Yudea kɛ Galilea kɛ Samaria tsuo, nɛ a nane nu si, nɛ a nyɛɛ ngɛ Nyɔmtsɛ ɔ gbeye yemi mi, nɛ a he sange mɛ ngɛ Mumi Klɔuklɔu ɔ bua womi mi.

2 Korintobi 5:5

Se nɔ nɛ dla wɔ ha tsakemi nɛ ɔ nɔuu ji Mawu, nɔ nɛ ha wɔ Mumi ɔ kaa se dami nɔ ɔ.

1 Timoteo 5:25

Ja nɔuu ni tsumi kpakpahi hu jee kpo paa, nɛ nihi nɛ ji kpo paa a hu a be nyɛe nɛ a kɛ maa laa.

1 Timoteo 2:10

se mohu kɛ ni tsumi kpakpahi nɛ sa yihi nɛ tsɔɔ a he kaa Mawu jali ji mɛ ɔ.

1 Timoteo 5:10

nɔ nɛ a tuɔ e he munyu kpakpa kaa e tsu ni kpakpahi, lɔ ɔ ji: ke e lɛ bimɛ, ke e pee nihi nibwɔ, ke e fɔ ni klɔuklɔu ɔmɛ a nane he, ke e ye bua nihi nɛ naa amanehlu ɔ, ke e di ni tsumi kpakpa tsuaa nitsumi kpakpa se ɔ.

1 Yohane 1:7

Se ke wa nyɛɛ ngɛ la a mi, kaa bɔ nɛ lɛ nitsɛ e ngɛ la a mi ɔ, lɔ ɔ lɛɛ waa kɛ wa he ngɛ huɛ bɔe, nɛ e Bi Yesu Kristo muɔ ɔ tsukɔɔ wa he kɛ jee yayami tsuaa yayami mi.

Ni Tsumi 9:36

Se yo kaselɔ ko ngɛ Yopa nɛ a tsɛɛ lɛ Tabita, e sisi ji Dorka (odabɔ). Lɛɛ e hyi tɔ kɛ ni tsumi kpakpahi kɛ ohiafohi a hyemi.

Galatabi 6:15

Ejakaa Kristo mi ɔ, nɔ pomi pi nɔ́ ko, nɛ mɔmlɔtɔ hu pi nɔ́ ko, se mohu bɔmi he kɛkɛ ji nɔ́ ko.

Romabi 8:1

Lɔ ɔ he ɔ jeha nɛ fɔ ko fɔ ko be nɛ a kɛ maa bu nihi nɛ ngɛ Kristo mi ɔ.

Efesobi 2:2

Jamɛ a be ɔ mi ɔ, nyɛ nyɛɛ ngɛ je nɛ ɔ mi kɔɔhiɔ mi he wami ɔ nɔ yelɔ, nɛ ji mumi nɛ tsuɔ ni mwɔnɛmwɔnɛ ngɛ tuegbenɔ bihi a mi ɔ su ɔ nya;

Efesobi 1:1

Paulo, nɛ ji Yesu Kristo bɔfo ngɛ Mawu suɔmi nya a, ngma ya ha ni klɔuklɔuhi nɛ ngɛ Efeso ɔ kɛ ninɛmɛ nɛ heɔ Kristo Yesu nɔ yeɔ ɔ:

Efesobi 2:6

E tle waa kɛ lɛ si, nɛ e ngɔ waa kɛ lɛ tsuo ngɔ hi hiɔwe nihi a mi ngɛ Kristo Yesu mi,

Efesobi 2:13

Se jehanɛ, Kristo Yesu mi ɔ, nyɛ nɛ sa nɛ nyɛ ngɛ lokoo ɔ, nyɛ gu Kristo muɔ ɔ nɔ hɛ kɛ ba.

Efesobi 2:15

nɛ e kɛ lɛ nitsɛ e he lo gu Mlaa a nɛ ngɛ kita amɛ a mi ɔ, konɛ e kɛ ni enyɔ ɔmɛ kulaa nɛ bɔ nɔmlɔ he kake ngɛ lɛ nitsɛ e mi nɛ e ha he jɔmi nɛ ba,