Efesobi 2:1 - Somi He Ɔ

¹ Sa a, nyɛ ji ni gbogboehi ngɛ tue gbomi kɛ yayamihi a mi.

BAIBLO ALOO NGMAMI KLƆUKLƆU Ɔ

¹ Sa a, nyɛ ngɛ kaa nihi nɛ gbo, ejakaa nyɛ gbo Mawu tue, nɛ nyɛ pee yayami kɛ si lɛ.

Efesobi 2:1 ပူးပေါင်းရင်းမြစ်များ

Kolosebi 2:13

Nɛ nyɛ nɛ nyɛ ji ni gbogboehi ngɛ nyɛ nɔ tɔmi ɔmɛ kɛ nyɛ he lo mɔmlɔtɔ ɔ mi ɔ, e ha nyɛɛ kɛ lɛ tsuo wami, nɛ e kɛ nyɛ nɔ tɔmi ɔmɛ kulaa pa nyɛ;

Romabi 8:2

Ejakaa mlaa nɛ ji wami kɛ mumi mlaa a nɛ ngɛ Kristo Yesu mi ɔ kpɔ mi ngɛ yayami kɛ gbenɔ mlaa a dɛ mi.

Efesobi 4:18

ejakaa a juɛmi ɔ mi wo diblii, nɛ nibwɔhi ji mɛ ngɛ wami nɛ Mawu haa a blɔfami, akɛnɛ nɔ lemi bɔ́ mɛ nɛ a tsui hu ti ɔ.

Yohane 5:21

Ejakaa bɔ nɛ Tsɛ ɔ tleɔ ni gbogboehi a si nɛ e haa mɛ wami ɔ, ja kɛ̃ Bi ɔ hu haa nihi nɛ e suɔ ɔ wami.

1 Yohane 3:14

Wa le kaa wa po mi kɛ je gbenɔ mi kɛ ho wami mi ya, ejakaa wa suɔ wa nyɛmimɛ. Nɔ nɛ sume e nyɛmi ɔ, e hii gbenɔ mi.

Yohane 14:6

Yesu de lɛ ke: “Ami ji blɔ ɔ kɛ anɔkuale ɔ kɛ wami ɔ; nɔ ko bɛ́ Tsɛ ɔ ngɔ, kaa ja e gu ye nɔ.

Efesobi 5:14

Lɔ ɔ he nɛ a de ke: “O hɛ nɛ tsɛ, mo nɔ nɛ o ngɛ mahɛ hwɔe ɔ, Nɛ o te si kɛ je gbeje, Nɛ Kristo maa tso ha mo” ɔ, nɛ!

1 Timoteo 5:6

Se yo nɛ fiɛɛ nyumu fiɛmi ɔ, e hɛ ngɛ mohu se e gbo.

Yohane 5:25

I ngɛ nyɛ dee anɔkuale mi ke: Ngmlɛfia a ma, nɛ e su ta, nɛ ni gbogboe ɔmɛ maa nu Mawu Bi ɔ gbi, nɛ nihi nɛ nuɔ ɔ yi ma na wa.

1 Korintobi 15:45

Jã a ngma hulɔ ke: “Adam nɛ ji kekle nɔmlɔ ɔ plɛ klaa nɛ hɛ ngɛ; nyagbe Adam ɔ plɛ mumi nɛ haa nɔ yi naa wa.”

Yohane 10:10

Juɔ bɛ gu, se jumi kɛ nɔ gbemi kɛ hɛmi kpatami he e baa ngɛ; imi lɛɛ i ba benɛ pee nɛ a na wami nɛ a na nɛ e be nɔ.

Kpojemi 3:1

“Nɛ Sarde asafo ɔ bɔfo ɔ, ngmaa ya ha lɛ ke: “Nihi nɛ nɔ nɛ ngɛ Mawu mumihi kpaago ɔ kɛ dodoehi kpaago ɔ de ji nɛ ɔ nɛ: I le o ni tsumi ɔmɛ kaa o hɛɛ biɛ kaa o hɛ ngɛ, se o gbo.

Luka 15:32

se e sa kaa wa nya nɛ wa bua nɛ jɔ wa he, ejakaa o nyɛmi nɛ ɔ gbo, nɛ e hɛ tsɛ ekohu, e laa, nɛ a na lɛ.’ ”

Luka 15:24

ejaakaa ye bi nɛ ɔ gbo, nɛ e hɛ tsɛ ekohu; e laa nɛ a na lɛ.’ Nɛ a bɔni nyami.

Mateo 8:22

Se Yesu de lɛ ke: “Nyɛɛ ye se, nɛ o ha ni gbogboe ɔmɛ a pu mɛ nitsɛmɛ a ni gbogboehi.”

2 Korintobi 5:14

Ejakaa Kristo suɔmi ɔ nyɛɛ wa nɔ nɛ wa ngɔɔ lɛ kaa ke nɔ kake gbo nihi kulaa a yi gbenɔ ɔ, lɛɛ ni ɔmɛ kulaa gbo.