Efesobi 1:7 - Somi He Ɔ

⁷ Ejakaa Kristo mi nɔuu wa na kpɔmi ɔ ngɛ nɛ ji yayamihi a pami ɔ, ngɛ e muɔ ɔ he ngɛ e dloomi hiɛmi ɔ nyɛ,

BAIBLO ALOO NGMAMI KLƆUKLƆU Ɔ

⁷ Ejakaa Kristo ngɔ e he ngɔ sã bɔ, nɛ e kɛ e muɔ kpɔ wɔ, nɛ e dloomi babauu ɔ nya a, a e ngɔ wa he yayami ɔmɛ ngɔ pa wɔ.

Efesobi 1:7 ပူးပေါင်းရင်းမြစ်များ

Mateo 20:28

Kaa bɔ nɛ Nɔmlɔ Bi ɔ bɛ nɛ a sɔmɔ lɛ, se e ba sɔmɔmi mohu, nɛ e ngɔ e klaa a kɛ ha kaa kpɔmi nɔ kɛ ha nihi fuu ɔ.”

Mateo 26:28

Ejakaa enɛ ɔ ji ye muɔ nɛ ji somi ɔ nɔ ɔ nɛ a plɛ pue si ngɛ nihi fuu a he ha yayami pami.

Mateo 6:12

Nɛ o kɛ wa hiɔ ɔmɛ nɛ ke wɔ Kaa bɔ nɛ wɔ hu waa kɛ kee ninɛmɛ nɛ hɛɛ wɔ hiɔ ɔ.

Marko 14:24

Nɛ e de mɛ ke: “Enɛ ɔ ji ye muɔ nɛ ji somi ɔ nɔ nɛ a kɛ puɛ si ngɛ nihi fuu a he ɔ nɛ.

Luka 1:77

Konɛ o ngɔ yi wami hemi he ni lemi Ngɔ ha e ma a ngɛ a he yayami mi,

Luka 24:47

nɛ a fiɛ tsui tsakemi kɛ yayami pami ngɛ e biɛ ɔ mi ngɔ tsɔɔ mahi tsuo, nɛ a bɔni kɛ je Yerusalem.

Yohane 20:23

Nihi a he yayami nɛ nyɛ ma ngɔ pa a, a ngɔ pa; nɛ nihi a he yayami nɛ nyɛɛ kɛ maa to ɔ, a ngɔ to.”

Ni Tsumi 10:43

Lɛ e he odase gbali ɔmɛ kulaa yeɔ, kaa nɔ tsuaa nɔ nɛ heɔ e nɔ yeɔ ɔ ma na e he yayami pami ngɛ e biɛ ɔ he.”

Ni Tsumi 2:38

Petro de mɛ ke: Nyɛ tsake nyɛ tsui nɛ nyɛ ti nɔ tsuaa nɔ nɛ ha a baptisi lɛ ngɔ wo Yesu Kristo biɛ mi, konɛ a ngɔ nyɛ he yayami ɔmɛ ngɔ pa nyɛ, nɛ nyɛ ma na Mumi Klɔuklɔu nɔke nɔ ɔ.

Ni Tsumi 20:28

Lɔ ɔ he ɔ nyɛɛ le nyɛ he nɔ hyemi kɛ tohi a kuu ɔ kulaa nɛ Mumi Klɔuklɔu wo nyɛ a nɔ hyɛli ɔ, konɛ nyɛɛ lɛ Mawu asafo ɔ nɛ e kɛ lɛ nitsɛ e muɔ he ɔ.

Ni Tsumi 3:19

Lɔ ɔ he ɔ, nyɛ tsake nyɛ tsui nɛ nyɛɛ kpale nyɛ se, kone a gbe nyɛ he yayami ɔmɛ,

Romabi 2:4

Aloo pe o ngɛ e mi mi himi kɛ e nɔ he tsui nami kɛ e tsui si tomi babauu ɔ he guɛ gbee, se o li kaa Mawu mi mi jɔmi ɔ pe e ngɛ o he piɛe nɛ o pia o he lo?

Romabi 3:24

nɛ a kɛ e dloomi ɔ woɔ mɛ nguɔ yaka kɛ guu kpɔmi nɛ ngɛ Kristo Yesu mi ɔ nɔ.

Romabi 3:25

Lɛ ji nɔ nɛ Mawu je ngɔ to kaa kpatami nɔ kɛ gu e muɔ ɔ nɔ hemi kɛ yemi nɔ, konɛ e je e dami ɔ kpo ngɛ e hɛ nɛ e je kɛ je yayamihi nɛ a pee sa a nɔ ngɛ Mawu tsui si tomi ɔ he;

Romabi 9:23

nɛ jeha nɛ hu ke e haa a leɔ e hɛ mi nyami hiɛmi ɔ hu ngɛ e mɔbɔ nami nihi nɛ e dla ngɔ to ha hɛ mi nyami ɔ, mɛni o ma de?

1 Korintobi 1:30

Se Mawu lɛ pee nɛ nyɛ ngɛ Kristo Yesu mi, nɔ nɛ plɛ ni lemi nɛ je Mawu ngɔ kɛ dami kɛ he tsukɔmi kɛ kpɔmi ha wɔ ɔ,

2 Korintobi 8:9

Ejaka nyɛ le wa Nyɔmtsɛ Yesu Kristo dloomi ɔ, kaa lɛ nɛ ji niatsɛ ɔ, e plɛ ohiafo ngɛ nyɛ he, konɛ nyɛɛ gu e hia a nɔ kɛ plɛ niatsɛmɛ.

Efesobi 1:14

nɔ nɛ ji wa gbo si ni ɔmɛ a yi ba pomi nɔ ɔ, konɛ a kɛ kpɔ e nihi nɛ ji lɛ nitsɛ e ni ɔmɛ, nɛ a kɛ je e hɛ mi nyami ɔ yi.

Efesobi 1:18

nɛ nyɛ mi hɛngmɛ ɔ nɛ bli, konɛ nyɛɛ le nɔ nɛ ji e tsɛmi ɔ hɛ kɛ nɔ fɔmi ɔ, kɛ e weye ni ɔ hiɛmi ngɛ ni klɔuklɔu ɔmɛ a mi,

Efesobi 1:6

konɛ a kɛ je e dloomi hɛ mi nyami ɔ yi, nɔ́ nɛ e kɛ dloo wɔ ngɛ nɔ nɛ a suɔ lɛ ɔ mi ɔ.

Efesobi 1:8

nɔ́ nɛ e ha kɛ be nɔ ha wɔ ngɛ ni lemi kɛ nɔ sisi numi kulaa mi.

Efesobi 2:4

Se Mawu nɛ e mɔbɔ nami hiɛ babauu ɔ, gu lɛ nitsɛ e suɔmi babauu nɛ e kɛ suɔ wɔ ɔ nɔ,

Efesobi 2:7

konɛ be nɛ maa ba a mi ɔ, e je lɛ nitsɛ e dloomi ɔ hiɛmi nɛ be nɔ ɔ kpo, kɛ e mi mi himi nɛ e ngɛ ha wɔ ngɛ Kristo Yesu mi ɔ.

Efesobi 3:16

konɛ ngɛ e hɛ mi nyɛmi hiɛmi ɔ nya a, e ha nyɛɛ gu e Mumi ɔ nɔ nɛ nyɛ he nɛ wa kpitikplii ngɛ nyɛ mi nɔmlɔ ɔ blɔfami,

Efesobi 3:8

Imi nɛ i ji nɔ wayo pe he tsɔli ɔmɛ kulaa a, a ngɔ kikɛmɛ a dloomi nɛ ɔ ngɔ ha mi, kaa ma jaje Kristo nihiɛmi nɛ a be sisi nyɛe maa na kɛ gbe nya a he sane kpakpa a ngɔ tsɔɔ maje li ɔmɛ,

Filipibi 4:19

Ye Mawu ɔ ma ha nyɛ nihi kulaa nɛ hiaa nyɛ ɔ ngɛ e hɛ mi nyami hiɛmi ɔ nya, ngɛ Kristo Yesu mi.

Kolosebi 1:14

lɛ nɔuu e mi wa na kpɔmi ɔ nɛ ji wa he yayami pami ɔ ngɛ, ngɛ e muɔ ɔ he.

Kolosebi 1:27

nihi nɛ Mawu suɔ kaa a ha a le nɔ́ nɛ ji kikɛmɛ a laami sane nɛ ɔ hɛ mi nyami hiɛmi ɔ ngɛ ma jeli ɔmɛ a kpɛti, nɛ ji Kristo ngɛ nyɛ mi, nɛ ji hɛ mi nyami hɛ kɛ nɔ fɔmi ɔ.

Kolosebi 2:13

Nɛ nyɛ nɛ nyɛ ji ni gbogboehi ngɛ nyɛ nɔ tɔmi ɔmɛ kɛ nyɛ he lo mɔmlɔtɔ ɔ mi ɔ, e ha nyɛɛ kɛ lɛ tsuo wami, nɛ e kɛ nyɛ nɔ tɔmi ɔmɛ kulaa pa nyɛ;

Kolosebi 2:2

konɛ a na tsui, nɛ a pee kake ngɛ suɔmi mi kɛ pɛtɛ sisi numi nɛ mi kuɔ nɛ a ngɛ he wami ngɛ nɔ ɔ kulaa mi, nɛ a le Mawu kɛ Kristo laami sane ɔ,

1 Timoteo 2:6

nɔ nɛ ngɔ e he ngɔ ha kaa kpɔmi nɔ ha nimli tsuo, nɛ ji odase nɛ a yeɔ ngɛ be nɛ sa mi ɔ;

Tito 2:14

nɔ nɛ ngɔ nitsɛ e he ngɔ ha ngɛ wa nane mi, konɛ e kpɔ wɔ kɛ je nɔ tɔmi kulaa mi, nɛ e tsukɔ wa he ngɔ pee lɛ nitsɛ e ma klɔuu nɛ hɛ dɔɔ ngɛ ni tsumi kpakpahi a he.

Tito 3:6

nɔ nɛ gu Yesu Kristo wa yi wami helɔ ɔ nɔ plɛ pue wa nɔ babauu ɔ,

Hebribi 9:22

Nɛ anɔkuale mi ɔ, e piɛ bɔɔ nɛ a kɛ muɔ tsukɔɔ nihi kulaa he ngɛ mlaa a nya; nɛ ke a pue we muɔ si ɔ, a kɛ pɛ́.

1 Petro 2:24

Yesu nitsɛ tloo wa he yayami ɔmɛ ngɛ e nɔmlɔ tso ɔ hi kɛ ya sɛumi tso ɔ nɔ, konɛ wa gbo ha yayami nɛ wa hɛ hi ngmengmle ha dami, nɔ nɛ he pahi nɛ a kɛ tsa nyɛ ɔ.

1 Petro 3:18

Ejakaa Kristo nitsɛ hu na amanehlu si kake nyɔngloo ngɛ yayamihi a he, lɛ dalɔ ɔ, ngɛ nihi nɛ dɛ ɔmɛ a nane mi, konɛ e kɛ wɔ nɛ ya Mawu ngɔ. A gbe lɛ ngɛ he lo blɔfami mohu, se a ha lɛ wami ngɛ mumi blɔfami.

1 Yohane 2:12

I ngɛ nyɛ ngmae, bimɛ tsɔwi, ejakaa a ngɔ nyɛ he yayami ɔmɛ ngɔ pa nyɛ ngɛ Kristo biɛ ɔ he.

1 Yohane 2:2

iɛ ji wa he yayami ɔmɛ a he kpatami nɔ́; se pi ngɛ wa nɔ́ ɔ kɛkɛ he, se mohu je mluku ɔ tsuo nɔ́ ɔ he hulɔ.

1 Yohane 4:10

Enɛ ɔ mi suɔmi ɔ ngɛ: pi kaa wɔ iɛ wa suɔ Mawu se mohu kaa lɛ nɛ e suɔ wɔ, nɛ e tsɔ e Bi ɔ ke e ba pee wa he yayami ɔmɛ a he kpatami nɔ.

Kpojemi 14:4

Nimli nɛ ɔmɛ ji nihi nɛ kɛ yihi ble we a he, ejakaa nihewi nɛ ngɔɛ yihi ji mɛ, nɛ a nyɛɛ Tobi ɔ se kɛ yaa he tsuaa he nɛ e yaa a. Nimli nɛ ɔmɛ ji nihi nɛ a kpɔ kɛ je nimli a kpɛti nɛ a plɛ kekleekle yiblii ha Nyɔmtsɛ ɔ kɛ Tobi ɔ.

Kpojemi 5:9

Nɛ a la la he ko de ke: “Mo lɛ sa kaa o heɔ womi ɔ Nɛ o tsɔɔ e nya sɔumi ɔmɛ, Ejakaa a gbe mo, Nɛ o kɛ o muɔ ɔ kpɔ wɔ ha Mawu Kɛ je wetso tsuaa wetso kɛ munyu tsuaa munyu Kɛ ma tsuaa ma kɛ je ma tsuaa je ma mi.