Efesobi 1:5 - Somi He Ɔ

⁵ E je wɔ ngɛ suɔmi mi ngɔ to ha e he nɛ waa pee e bimɛ ngɛ Yesu Kristo he, kaa bɔ nɛ sa e hɛ mi ngɛ e suɔmi nya a,

BAIBLO ALOO NGMAMI KLƆUKLƆU Ɔ

⁵ e pee e yi mi momo kaa kɛ gu Yesu Kristo nɔ ɔ, e maa ngɔ wɔ kɛ pee e bimɛ. Nɔ́ nɛ e suɔ, nɛ e to nɛ e maa pee ji nɛ ɔ nɛ.

Efesobi 1:5 ပူးပေါင်းရင်းမြစ်များ

Mateo 1:25

se e li lɛ nyumu kɛ yo hluu kɛ ya su be nɛ e fɔ e bi tete ɔ, nɛ e wo lɛ biɛ ke Yesu.

Mateo 11:26

Ee, Tsaatsɛ, bɔ nɛ sa o hɛ mi ji ja.

Luka 10:21

Jamɛ a ngmlɛfia a nɔ nɔuu ɔ, Yesu bua jɔ ngɛ Mumi Klɔuklɔu ɔ mi nɛ e ke: “I ngɛ o yi jee, Tsaatsɛ, hiɔwe kɛ zugba Nyɔmtsɛ, kaa o ngɔ ni nɛ ɔmɛ ngɔ laa ni leli kɛ ga leli, nɛ o je ngɔ tsɔɔ bimwɔwi. Ee, Tsaatsɛ, ejakaa jã ji bɔ nɛ sa o hɛ mi.

Luka 11:32

Ninivebi ɔmɛ kɛ kikɛmɛ a yi nɔ bi nɛ ɔmɛ maa te si ngɛ kojomi ɔ mi nɛ a maa bu mɛ fɔ, ejakaa a tsake a tsui ngɛ Yona fiɛmi ɔ nya; nɛ oʼɛ, nɔ́ nɛ pe Yona fiɛmi ɔ ngɛ hiɛ ɔ!”

Luka 12:32

“Koo ye gbeye, asafo kuu nyafii, ejakaa nyɛ tsɛ ɔ ngɛ he tsui kaa e maa ngɔ matsɛ yemi ɔ ngɔ ha nyɛ.

Yohane 1:12

Se nihi abɔ nɛ he lɛ ɔ, nihi nɛ heɔ e biɛ ɔ nɔ ye ɔ, e ha mɛ he blɔ kaa a pee Mawu bimɛ,

Yohane 11:52

nɛ pi ngɛ ma a kɛkɛ nane mi, se benɛ pee nɛ e bua Mawu bimɛ nɛ gbɛ fia a hu nya ngɔ pee kake.

Yohane 20:17

Yesu de lɛ ke: “Koo ta ye he; ejakaa i na we ma ya hiɔwe ngɛ Tsaatsɛ ngɔ lolo; se yaa ye nyɛmimɛ ɔmɛ a ngɔ nɛ o ya de mɛ ke: I yaa hiɔwe ngɛ Tsaatsɛ kɛ nyɛ hu nyɛ tsɛ kɛ ye Mawu kɛ nyɛ hu nyɛ Mawu ɔ ngɔ.”

Ni Tsumi 13:48

Benɛ majeli ɔmɛ nu e nɛ ɔ ɔ, a na bua jɔmi, nɛ a wo Nyɔmtsɛ ɔ hɛ mi nyami, nɛ nihi abɔ nɛ a je ngɔ to neneene wami ɔ he ye.

Romabi 8:23

Nɛ tsa pi mɛ kɛkɛ, se mohu wɔ nitsɛmɛ tete, wɔ ninɛmɛ nɛ wa na Mumi ɔ kekle yiblii ɔmɛ, wɔ nitsɛmɛ hu wa laa zanue ngɛ wa mi, nɛ wa hyɛɛ bimɛ a plɛmi nɛ ji wa nɔmlɔ tso kpɔmi ɔ blɔ.

1 Korintobi 1:1

Paulo, Yesu Kristo bɔfo nɛ a tsɛ ngɛ Mawu suɔmi nya a, kɛ wa nyɛmi Sostene

1 Korintobi 1:21

Se akɛnɛ je ɔ gui Mawu ni lemi ɔ nɔ nɛ e kɛ e ni lemi ɔ nɛ le Mawu he je ɔ, e sa Mawu hɛ mi kaa e kɛ kuasiahi a sane ɔ nɛ a ngɛ fiɛe ɔ nɛ he nihi nɛ heɔ ye ɔ a yi wami.

2 Korintobi 6:18

Nɛ ma pee nyɛ tsɛ, Nɛ nyɛ hu nyɛ maa pee ye bimɛ nyumuhi kɛ ye bimɛ yihi, Bɔ nɛ Nyɔmtsɛ, ope ɔ, de ha ji nɛ ɔ nɛ.”

Galatabi 3:26

Ejakaa nyɛ tsuo ɔ Mawu bimɛ ji nyɛ ngɛ Kristo Yesu mi kɛ gu hemi kɛ yemi ɔ nɔ;

Efesobi 1:11

Lɛ e mi nɔuu wa na gbo si ni ɔmɛ hu ngɛ, wɔ nihi nɛ a je ngɔ to ngɛ nɔ nɛ tsuɔ nihi kulaa a yi mi tomi nya, bɔ nɛ sa lɛ nitsɛ e suɔmi ga womi ɔ hɛ mi ɔ,

Efesobi 1:9

E ha wa le e yi mi tomi ɔ mi laami sane nɛ e to kaa e maa gbe nya ngɛ Kristo mi,

Filipibi 2:13

ejakaa suɔmi nɛ a maa suɔ jio, peemi nɛ a maa pee jio, Mawu ji nɔ nɛ tsuɔ lɛ tsuo ngɛ nyɛ mi ngɛ e suɔmi nya.

Kolosebi 1:19

Ejakaa e sa Mawu hɛ mi kaa fuu hyimi kulaa nɛ hi e mi;

2 Tesalonikabi 1:11

Enɛ ɔ he je hu nɛ wa kpaa pɛɛ daa haa nyɛ ɔ nɛ, konɛ wa Mawu ɔ nɛ ha nyɛɛ sa tsɛmi ɔ, nɛ ngɛ e he wami nya a, e ha nyɛɛ hi kɛ pi si ngɛ nɔ́ kpakpa tsuaa nɔ́ kpakpa kɛ hemi kɛ yemi mi,

Hebribi 2:4

nɛ Mawu nitsɛ hu kɛ okadihi kɛ nyakpɛ nihi kɛ hewami nihi slɔɔtohi kɛ Mumi Klɔuklɔu hami ɔ ngɛ he odase yee kɛ ngɛ nɔ sie, ngɛ lɛ nitsɛ e suɔmi nya.

1 Yohane 3:1

Nyɛɛ hyɛ suɔmi abɔ sɔuu nɛ Tsɛ ɔ kɛ suɔ nyɛ, kaa a tsɛ wɔ Mawu bimɛ nɛ wa ji nɛ! Enɛ he ɔ, je ɔ li wɔ, ejakaa e li lɛ hulɔ.

Kpojemi 21:7

Kunimi yelɔ ɔ maa pee kikɛmɛ a ni nɛ ɔmɛ kulaa yelɔ, nɛ ma pee e Mawu, nɛ lɛ hu e maa pee ye bi.