Efesobi 1:4 - Somi He Ɔ

⁴ E hla wɔ ngɛ Kristo mi loko a to je ɔ sisi, konɛ waa pee klɔuklɔu nɛ piami ko ko hi wa he ngɛ e hɛ mi.

BAIBLO ALOO NGMAMI KLƆUKLƆU Ɔ

⁴ Benɛ a na we nɛ a bɔ je ɔ tete po ɔ, Mawu hla wɔ ngɔ pee lɛ nitsɛ e nihi momo ngɛ Kristo mi. E pee enɛ ɔ, konɛ wa he nɛ tsɔ, nɛ piami ko kó hi wa he ngɛ e hɛ mi. Mawu suɔ wɔ saminya, enɛ ɔ he ɔ,

Efesobi 1:4 ပူးပေါင်းရင်းမြစ်များ

2 Timoteo 1:9

Nɔ nɛ he wa yi wami nɛ e kɛ tsɛmi klɔuklɔu tsɛ wɔ, pi ngɛ wa ni tsumihi a nya, se mohu ngɛ lɛ nitsɛ e yi mi tomi kɛ e dloomi nya, nɔ́ nɛ e ngɔ ha wɔ ngɛ Kristo Yesu mi loko a bɔ je ɔ,

Efesobi 2:10

Mawu nine nya ni tsumi nihi ji wɔ, a bɔ wɔ ngɛ Kristo Yesu mi kɛ ha ni tsumi kpakpahi nɛ Mawu dla ngɔ to konɛ waa nyɛɛ ngɛ mi ɔ.

Mateo 25:34

Kɛkɛ nɛ matsɛ ɔ ma de nihi nɛ ngɛ e hiɛ ɔ nɔ ɔ ke: ‘Nyɛɛ ba, nyɛ nihi nɛ ye tsɛ gbaa nyɛ, nyɛ ba ngɔ matsɛ yemi ɔ nɛ a dla to nyɛ, kɛ je je mi sisije ɔ!

Yakobo 2:5

Mamimɛ nɛ i suɔ, nyɛɛ bu tue! Anɛ pi je nɛ ɔ mi ohiafohi nɛ ji niatsɛmɛ ngɛ hemi kɛ yemi blɔfami ɔ nɛ Mawu hla, konɛ matsɛyemi nɛ e wo he si ngɔ ha ninɛmɛ nɛ a suɔ lɛ ɔ nɛ e pee a nɔ lo?

1 Petro 2:9

Se nyɛɛ lɛɛ, weku nɛ a hla ji nyɛ, matsɛmɛ nɛ yeɔ osɔlohi, je ma klɔuklɔu, ma nɛ e ngɔ pee e nɔ, konɛ nyɛɛ jaje nɔ nɛ tsɛ nyɛ kɛ je diblii ɔ mi kɛ ba lɛ nitsɛ e nyakpɛ la a he ɔ agbo jemi ɔ.

Kpojemi 13:8

Nɛ nihi kulaa nɛ ngɛ zugba a nɔ ɔ ma ja lɛ, nihi nɛ a ngmɛ́ a biɛ ngɛ Tobi nɛ a gbe ɔ wami womi ɔ mi kɛ je je mi sisije ɔ.

Yohane 15:16

Tsa pi nyɛ nɛ nyɛ hla mi, se imi mohu lɛ i hla nyɛ, nɛ i to nyɛ konɛ nyɛ hu nyɛɛ ya nɛ nyɛ ya wo yiblii, nɛ nyɛ yiblii ɔ nɛ hi si; konɛ nɔ́ tsuaa nɔ́ he pɛɛ nɛ nyɛ ma kpa Tsɛ ɔ ngɛ ye biɛ mi ɔ, e ngɔ ha nyɛ.

1 Petro 1:2

Nimli nɛ ɔmɛ ji nihi nɛ a hla, ngɛ Tsɛ Mawu ɔ yi mi tomi nya, ngɛ Mumi ɔ he tsukɔmi mi, kɛ ha Yesu Kristo tue bumi kɛ he fɔmi ngɛ e muɔ ɔ mi. Dloomi kɛ hejɔmi nɛ e hiɛ fuu ha nyɛ!

1 Petro 1:20

A hla lɛ momo sa loko a to je ɔ sisi, se e a je lɛ kpo ngɛ be ɔmɛ a nyagbe mi ngɛ nyɛ he.

Kolosebi 3:12

Lɔ ɔ he ɔ, akɛnɛ bimɛ nɛ Mawu hia, ni klɔuklɔuhi kɛ suɔli ji nyɛ he je ɔ, nyɛɛ wo mi mi jɔmi, mɔbɔ nami, he si bami, kpoo peemi, tsui si tomi kaa tade,

Kolosebi 1:22

jehanɛ, e kɛ e he lo nɔmlɔ tso ɔ gu gbenɔ mi kɛ kpata ha nyɛ, konɛ e kɛ nyɛ nɛ da si kaa ni klɔuklɔuhi nɛ he be piami ko loo nya pomi ko ngɛ e hɛ mi.

Efesobi 5:27

konɛ e ngɔ lɛ ngɔ da si ha lɛ nitsɛ e he kaa hɛ mi nyami asafo nɛ he be piami ko loo hɛ mi kuami ko loo jamɛ a nɔ́ ko, se mohu e pee klɔuklɔu nɛ piami ko ko hi e he.

Kpojemi 17:8

Lohwe ɔ nɛ o na a hi si hyɛ, se e be hu. E maa je muɔ voo ɔ mi kɛ je kpo kɛ ba be kɛ ho hɛ mi kpatami mi ya; nɛ nihi nɛ a ngɛ zugba a nɔ nɛ a ngmɛ́ a biɛ ngɛ wami womi ɔ mi kɛ je je mi sisije ɔ nya maa kpɛ a he, ke a na lohwe ɔ nɛ hi si hyɛ nɛ e be hu nɛ e maa ba a.

Ni Tsumi 13:48

Benɛ majeli ɔmɛ nu e nɛ ɔ ɔ, a na bua jɔmi, nɛ a wo Nyɔmtsɛ ɔ hɛ mi nyami, nɛ nihi abɔ nɛ a je ngɔ to neneene wami ɔ he ye.

Yohane 17:24

“Tsaatsɛ, nihi nɛ o ngɔ ha mi ɔ i suɔ kaa he nɛ i ngɛ ɔ mɛ hu a kɛ mi ba hi lejɛ ɔ, konɛ a na ye hɛ mi nyami nɛ o ngɔ ha mi ɔ, ejakaa o suɔ mi loko a to je ɔ sisi.

1 Tesalonikabi 4:7

Ejakaa Mawu tsɛ we wɔ ngɔ hi mu ni tsumi, se mohu he tsɔmi.

Filipibi 2:15

konɛ nyɛ he ko hi piami, nɛ nyɛɛ pee he tsɔli, Mawu bimɛ nɛ a he be piami ko ngɛ yi nɔ kpɛkpɛɛ nɛ be e jebo nɔ nɛ ɔ mi, nihi a kpɛti nɛ nyɛ tsoo kaa kane ngɛ je nɛ ɔ mi,

2 Timoteo 2:19

Se Mawu sisi tomi tɛ na he wa a maa si kpɛii, nɛ e hɛɛ kikɛmɛ a nyasɔomi nɔ nɛ ɔ: “Nyɔmtsɛ ɔ le lɛ nitsɛ e ni ɔmɛ,” kɛ: “Ha nɛ nɔ tsuaa nɔ nɛ woɔ Kristo biɛ ɔ ta a nɛ sã e he kɛ je nihi nɛ dɛ blɔ ɔmɛ a he.”

Ni Tsumi 18:10

ejakaa i kɛ mo ngɛ, nɛ nɔ ko nɔ ko be o he tae, nɛ e be mo yayami ko pee; ejakaa yi ngɛ nihi fuu ngɛ ma nɛ ɔ mi.”

2 Timoteo 2:10

Enɛ ɔ he je ɔ i miaa ye hɛ mi ngɛ sanehi kulaa mi ngɛ nihi nɛ ahla mɛ ɔ a he, konɛ mɛ hu a nine nɛ su yi wami hemi nɛ ngɛ Kristo Yesu mi ɔ kɛ neneene hɛ mi nyami ɔ nɔ.

Efesobi 4:2

ngɛ he si bami kɛ humi peemi tsuo mi, nɛ nyɛɛ kɛ tsui si tomi nɛ suɔ nyɛ he,

1 Korintobi 1:8

lɛ nɔuu e ma wlua nyɛ kɛ maa ya nyagbe konɛ piami ko ko hi nyɛ he ngɛ wa Nyɔmtsɛ Yesu Kristo ligbi ɔ nɔ.

Mateo 24:31

Nɛ e maa tsɔ e bɔfo ɔmɛ kɛ Titimati nɛ gbi nya wa, nɛ a ma bua e nihi nɛ a hla amɛ a nya kɛ maa je kɔɔhiɔ eywiɛ ɔ nɔ, kɛ maa je hiɔwe nyagbe he kake nɔ kɛ yaa su nyagbe he kpa nɔ.”

Efesobi 5:2

nɛ nyɛɛ nyɛɛ ngɛ suɔmi mi kaa bɔ nɛ Kristo hu suɔ wɔ nɛ e ngɔ lɛ nitsɛ e he ngɔ ha ngɛ wa he kaa nɔ́ke nɔ́ kɛ bɔ nɛ he via nɛ a kɛ ha Mawu.

Yohane 10:16

I ngɛ to kpa komɛ nɛ ji to tsu nɛ ɔ mi; nɛ kɔlɔ ɔmɛ hu, ja i ngɔ mɛ kɛ ba, nɛ a ba nu ye gbi, nɛ to ɔmɛ pee kuu kake kɛ hyɛlɔ kake.

1 Tesalonikabi 3:12

Nyɔmtsɛ ɔ nɛ wo nyɛ tɔtɔɔtɔ, nɛ e ha nyɛɛ be nɔ kɛ suɔmi nɛ nyɛɛ kɛ suɔ nyɛ he kɛ nihi kulaa a, kaa bɔ nɛ wɔ hu wa suɔ nyɛ ɔ;

Efesobi 3:17

nɛ a gu hemi kɛ yemi nɔ nɛ Kristo nɛ hi si ngɛ nyɛ tsui mi nɛ nyɛ sipoku nɛ pi si nɛ nyɛɛ ma si gbugbuugbu ngɛ suɔmi mi,

Galatabi 5:13

Ejakaa he yemi mi a tsɛ nyɛ kɛ ba ngɛ, mamimɛ; se nyɛ he yemi ɔ kɛkɛ nɛ nyɛ ko ha e plɛ he blɔ ha he lo ɔ, se mohu nyɛɛ gu suɔmi mi kɛ sɔmɔ nyɛ he.

Romabi 8:33

Mɛnɔ maa po nihi nɛ Mawu hla amɛ a nya? Mawu ji nɔ nɛ woɔ nguɔ.

Mateo 24:24

Ejakaa lakpa kristohi kɛ lakpa gbali maa te si nɛ a maa pee okadi nguahi kɛ nyakpɛ nihi kɛ maa tsɔɔ, nɛ kaa e maa hi jinɛ a maa mlɔɔ nihi na a hla amɛ tete.

Mateo 24:22

Nɛ ke a pui jamɛ a ligbi ɔmɛ a nɔ kpiti ɔ, jinɛ a be he lo ko he lo ko yiwami hee; se nihi nɛ a hla amɛ a he ɔ, a maa po jamɛ a ligbi ɔmɛ a nɔ kpiti.

1 Yohane 4:16

Nɛ wɔɔ lɛɛ wa le, nɛ wa he Mawu suɔmi nɛ e kɛ suɔ wɔ ɔ ye. Mawu ɔ suɔmi ji lɛ, nɛ nɔ nɛ hii suɔmi mi ɔ, e hii Mawu mi, nɛ Mawu hu hii e mi.

2 Petro 3:14

Lɔ ɔ he ɔ, mamimɛ, akɛnɛ nyɛ ngɛ kikɛmɛ a ni nɛ ɔmɛ a blɔ hyɛe nɛ ɔ, nyɛɛ bɔ mɔde konɛ nyɛɛ kɛ lɛ kpɛti nɛ hi he jɔmi nɛ a na nyɛ nɛ mu loo piami ko ko hi nyɛ he ngɛ e hɛ mi.

Kolosebi 2:2

konɛ a na tsui, nɛ a pee kake ngɛ suɔmi mi kɛ pɛtɛ sisi numi nɛ mi kuɔ nɛ a ngɛ he wami ngɛ nɔ ɔ kulaa mi, nɛ a le Mawu kɛ Kristo laami sane ɔ,

Galatabi 5:22

Se Mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Galatabi 5:6

Ejakaa Kristo Yesu mi ɔ, pi nɔ pomi nɛ nyɛɔ nɔ́ ko peɔ, nɛ pi mɔmlɔtɔ hulɔ, se mohu hemi kɛ yemi nɛ guu suɔmi nɔ tsuɔ ni ɔ ʼi.

Ni Tsumi 15:18

Nyɔmtsɛ ɔ nɛ ha a le enɛ ɔmɛ kulaa kɛ je lokoo ɔ lɛ de.