Efesobi 1:21 - Somi He Ɔ

²¹ ngɛ nɔkɔtɔma yemi kɛ he blɔ kɛ he wami kɛ nɔ yemi tsuo kɛ biɛ tsuaa biɛ nɛ a wo, pi ngɛ be nɛ ɔ mi kɛkɛ, se be nɛ maa ba a mi hulɔ ɔ;

BAIBLO ALOO NGMAMI KLƆUKLƆU Ɔ

²¹ Lejɛ ɔ Kristo ngɛ tsɛ yee ngɛ kɛ he wami kpetekpleenyɛ nɛ pã nihi tsuo nɛ ngɛ tsɛ yee ngɛ hiɔwe a he wami. Biɛ nɛ Kristo hɛɛ ɔ hu pã biɛhi tsuo ngɛ je nɛ ɔ, kɛ je nɛ maa ba a tsuo mi.

Efesobi 1:21 ပူးပေါင်းရင်းမြစ်များ

Kolosebi 2:10

nɛ nyɛ hyi tɔtɔɔtɔ ngɛ e mi, lɛ nɔ nɛ ji nɔkɔtɔma yemi kɛ he blɔ tsuo yi ɔ,

1 Petro 3:22

nɔ nɛ ho hiɔwe ya nɛ e hii si ngɛ Mawu hiɛ ɔ nɔ nɛ a ngɔ hiɔwe bɔfohi kɛ he blɔhi kɛ he wamihi ngɔ wo e sisi ɔ.

Hebribi 1:4

Enɛ ɔ he ɔ Bi ɔ kle pe hiɔwe bɔfo ɔmɛ akɛnɛ biɛ nɛ Mawu ha lɛ ɔ kle pe a nɔ ɔ.

Ni Tsumi 4:12

Ejakaa yi wami hemi be nɔ ko nɔ ko mi; nɛ jeha nɛ ɔ hu, biɛ kpã ko be hiɔwe sisi nɛ a ngɔ ha nimli nɛ sa kaa a gu nɔ kɛ he wa yi wami.”

Kolosebi 2:15

E kplɔ nɔkɔtɔma yemihi kɛ he blɔ ɔmɛ a he nihi, nɛ e bɔ mɛ ahlua pãa, nɛ e sã mɛ kɛ nyɛɛ e se ngɛ e kunimi yemi ɔ mi.

Efesobi 3:10

konɛ jehanɛ a gu asafo ɔ nɔ nɛ a ha nikɔtɔmahi kɛ nihi nɛ ngɛ he blɔ ngɛ hiɔwe nihi a mi ɔ nɛ a le Mawu ni lemi nɛ hiɛ babauu ɔ,

Efesobi 6:12

Ejakaa tsa pi he lo kɛ muɔ nɛ waa kɛ ngɛ ta hwue ɔ, se mohu waa kɛ nɔkɔtɔma yemihi kɛ he blɔhi kɛ je nɛ ɔ mi nɔ yemihi nɛ ngɛ mwɔnɔmwɔnɔ diblii ɔ mi ɔ, kɛ mumi yayami asafo nɛ ngɛ hiɔwe nihi a mi ɔ.

Hebribi 4:14

Jehanɛ, akɛnɛ wa ngɛ osɔfo nɔkɔtɔma ngua nɛ po mi kɛ gu hiɔwe nihi a mi, nɛ ji Yesu, Mawu bi ɔ nɛ ɔ ɔ, nyɛ ha waa pɛtɛ hemi kɛ yemi ɔ he wawɛɛ.

Mateo 12:32

Nɛ ɔ tsuaa nɔ nɛ maa tu munyu ko ngɔ si Nɔmlɔ Bi ɔ, a kɛ maa pa lɛ; se nɔ tsuaa nɔ nɛ maa tu munyu ngɔ si Mumi Klɔuklɔu ɔ, a kɛ be lɛ pae ngɛ je nɛ ɔ mi aloo je nɛ maa ba a mi.”

Hebribi 2:5

Ejakaa pi hiɔwe bɔfohi a sisi nɛ e kɛ je nɛ maa ba nɛ wa ngɛ he munyu tue ɔ wo.

Efesobi 2:2

Jamɛ a be ɔ mi ɔ, nyɛ nyɛɛ ngɛ je nɛ ɔ mi kɔɔhiɔ mi he wami ɔ nɔ yelɔ, nɛ ji mumi nɛ tsuɔ ni mwɔnɛmwɔnɛ ngɛ tuegbenɔ bihi a mi ɔ su ɔ nya;