Efesobi 1:19 - Somi He Ɔ

¹⁹ kɛ nɔ́ nɛ ji e he wami ɔ klemi nɛ be nɔ babauu ha wɔ ninɛmɛ nɛ wa heɔ yeɔ ngɛ e nyɛmi ɔ he wami ni tsumi ɔ nya,

BAIBLO ALOO NGMAMI KLƆUKLƆU Ɔ

¹⁹ Jehanɛ ɔ hu nyɛ ma yɔse kaa Mawu he wami kpetekpleenyɛ nɛ ngɛ ní tsue ngɛ wɔ nihi nɛ wa heɔ yeɔ ɔ wa mi ɔ,

Efesobi 1:19 ပူးပေါင်းရင်းမြစ်များ

Filipibi 2:13

ejakaa suɔmi nɛ a maa suɔ jio, peemi nɛ a maa pee jio, Mawu ji nɔ nɛ tsuɔ lɛ tsuo ngɛ nyɛ mi ngɛ e suɔmi nya.

Efesobi 3:20

Se nɔ nɛ nyɛɔ peɔ kɛ bee nɔ babauu pe nihi kulaa nɛ wa kpaa he pɛɛ loo wa susuu, ngɛ e he wami nɛ tsuɔ ni ngɛ wa mi ɔ nya a,

Kolosebi 2:12

ejakaa a pu nyɛ ngɔ piɛ e he ngɛ baptisimi ɔ mi, nɔ mi hu nɛ a tle nyɛ si ngɛ, ngɛ Mawu nɛ tle lɛ si kɛ je gbeje ɔ he wami ni tsumi ɔ nɔ hemi kɛ yemi nya a.

2 Korintobi 4:7

Se wa hɛɛ kikɛmɛ a juetli nɛ ɔ ngɛ zu buɛhi a mi, konɛ he wami nɛ hiɛ kɛ be nɔ ɔ nɛ pee Mawu nɔ́, se pi wa nɔ́.

Kolosebi 1:29

Kɔlɔ ɔ he dengme i ngɛ gboe nɛ i ngɛ plee ngɛ ni tsumi nɛ a kɛ he wami tsuɔ ngɛ ye mi ɔ nya.

Efesobi 6:10

Nyagbe ɔ, mamimɛ, nyɛ he nɛ wa ngɛ Nyɔmtsɛ ɔ kɛ e he wami nyɛmi ɔ mi.

Efesobi 3:7

Sane kpakpa nɛ ɔ he sɔmɔlɔ ji mi ngɛ Mawu dloomi nike nihi nɛ a gu e he wami ni tsumi nɔ ngɔ ha mi ɔ nya.

Efesobi 2:10

Mawu nine nya ni tsumi nihi ji wɔ, a bɔ wɔ ngɛ Kristo Yesu mi kɛ ha ni tsumi kpakpahi nɛ Mawu dla ngɔ to konɛ waa nyɛɛ ngɛ mi ɔ.

Romabi 1:16

Ejakaa Kristo Sane Kpakpa a he zo pee we mi, mɛni he je ɔ, e ji Mawu he wami nɛ a kɛ heɔ nɔ tsuaa nɔ nɛ heɔ yeɔ ɔ yi wami, Yuda no kekle kɛ Hela no hulɔ.

Yakobo 1:18

Lɛ nitsɛ e suɔmi nya a kɛ anɔkuale munyu ɔ fɔ wɔ, konɛ waa pee e nibɔ ni ɔmɛ a mi kekleekle yiblii.

2 Tesalonikabi 1:11

Enɛ ɔ he je hu nɛ wa kpaa pɛɛ daa haa nyɛ ɔ nɛ, konɛ wa Mawu ɔ nɛ ha nyɛɛ sa tsɛmi ɔ, nɛ ngɛ e he wami nya a, e ha nyɛɛ hi kɛ pi si ngɛ nɔ́ kpakpa tsuaa nɔ́ kpakpa kɛ hemi kɛ yemi mi,

1 Tesalonikabi 1:5

kaa wa sane kpakpa a bɛ́ nyɛ ngɔ ngɛ munyu tumi mi kɛkɛ, se mohu ngɛ Mumi Klɔuklɔu ɔ he wami kɛ nɔ mi mami babauu mi, kaa bɔ nɛ nyɛ le, bɔ nɛ wa plɛ ba wa je mi ngɛ nyɛ kpɛti ngɛ nyɛ he ɔ.

2 Korintobi 5:17

Lɔ ɔ he ɔ, ke nɔ ko ngɛ Kristo mi ɔ, bɔ nɔ́ he ji lɛ; blema ni ɔmɛ be kɛ ho; oʼɛ, nihi kulaa plɛ ehe.

Ni Tsumi 26:18

nɛ o ya bli a hɛngmɛ komɛ a kpale kɛ je diblii mi kɛ ba la he, kɛ je abosiami he wami mi kɛ ba Mawu ngɔ, nɛ a na a he yayami pami kɛ gbo si ni ngɛ nihi nɛ a kɛ ye nɔ hemi kɛ yemi pee mɛ klɔuklɔu ɔmɛ a kpɛti.’ ”

Yohane 3:6

Nɔ́ nɛ a je he lo mi fɔ ɔ, he lo ʼi; nɛ nɔ́ nɛ a je Mumi mi fɔ ɔ, Mumi ʼi.

Filipibi 3:21

nɔ nɛ ma tsake wa nɔmlɔ tso nɛ hɛ mi be nyami ɔ, konɛ e pee kaa e numinyami nɔmlɔ tso ɔ su, ngɛ e he wami ni tsumi nɛ ekɛ nyɛɛ ngɔɔ nihi kulaa ngɔ toɔ e sisi hu ɔ nya a.

1 Petro 4:11

Ke munyu nɔ ko ngɛ tue ɔ, e tu lɛ kaa Mawu munyu; ke sɔmɔmi nɔ ko ngɛ sɔmɔe ɔ, e je he wami nɛ Mawu dloo lɛ ɔ mi; konɛ a gu Yesu Kristo nɔ nɛ a wo Mawu hɛ mi nyami ngɛ nihi kulaa mi, nɔ nɛ nɔ́ nɛ ji nyami ɔ, kɛ he wami ɔ, kɛ yaa neneene kɛ neneene ɔ! Amen.