Efesobi 1:13 - Somi He Ɔ

¹³ Kristo ɔ nɔuu nɔ nyɛ hu nyɛ ngɔ nyɛ hɛ ngɔ fɔ, benɛ nyɛ nu anɔkuale munyu ɔ nɛ ji nyɛ yi wami hemi ɔ he sane kpakpa a; lɛ nɔuu e mi a kɛ Mumi Klɔuklɔu ɔ nɛ a wo he si ɔ sɔu nyɛ nya ngɛ benɛ nyɛ he ye ɔ,

BAIBLO ALOO NGMAMI KLƆUKLƆU Ɔ

¹³ Nyɛ hu, benɛ nyɛ nu anɔkuale sɛ gbi ɔ nɛ ji sane kpakpa a nɛ ma ha nɛ a he nyɛ yi wami ɔ, nyɛ he Kristo ye, nɛ Mawu ha nɛ Mumi Klɔuklɔu ɔ nɛ e wo he si ɔ ba nyɛ nɔ. Mawu pee enɛ ɔ, nɛ e kɛ kadi nyɛ kaa e nihi ji nyɛ niinɛ.

Efesobi 1:13 ပူးပေါင်းရင်းမြစ်များ

2 Korintobi 1:22

nɛ e sɔu wa nya, nɛ e kɛ Mumi ɔ yi ba pomi nɔ́ ha wɔ ngɛ wa tsui mi hulɔ.

Efesobi 4:30

Nɛ nyɛ ko pee Mawu Mumi Klɔuklɔu ɔ nɔdɔ nɔ́, nɔ mi nɛ pa sɔu nyɛ nya ngɛ ngɔ to kpɔmi ligbi ɔ.

2 Timoteo 2:19

Se Mawu sisi tomi tɛ na he wa a maa si kpɛii, nɛ e hɛɛ kikɛmɛ a nyasɔomi nɔ nɛ ɔ: “Nyɔmtsɛ ɔ le lɛ nitsɛ e ni ɔmɛ,” kɛ: “Ha nɛ nɔ tsuaa nɔ nɛ woɔ Kristo biɛ ɔ ta a nɛ sã e he kɛ je nihi nɛ dɛ blɔ ɔmɛ a he.”

1 Tesalonikabi 2:13

Enɛ ɔ he je nɛ wɔ hu wa naa Mawu si nɛ wa jɔɔ we ɔ nɛ, ejakaa benɛ nyɛ nine su Mawu munyu nɛ nyɛ nu ngɛ wa nya a nɔ ɔ, nyɛ pɛtɛ he kaa Mawu munyu, kaa bɔ nɛ e ngɛ hu niinɛ ɔ, se pi kaa nimli a munyu ko ʼi; se mohu e ji Mawu munyu nɛ tsuɔ he wami nihi ngɛ nyɛ nɛ nyɛ heɔ yeɔ ɔmɛ a kpɛti.

Romabi 4:11

Nɛ be mi nɛ a po lɛ ɔ, e nine su nɔ pomi he okadi ɔ nɔ kaa dami nya sɔumi nɔ nɛ a kɛ sɔu he nɛ e he ye be mi nɛ e ji mɔmlɔtɔtsɛ lokoo ɔ nya, konɛ e pee tsɛ kɛ ha nihi kulaa nɛ heɔ yeɔ benɛ a ji mɔmlɔtɔtsɛmɛ ɔ nɛ a bu dami ɔ ngɔ ha mɛ hulɔ,

Tito 2:11

Ejakaa Mawu dloomi nɛ a kɛ heɔ nimli kulaa a yi wami ɔ je kpo,

Galatabi 3:14

konɛ Abraham gbaami ɔ nɛ ba maje li ɔmɛ a nɔ ngɛ Kristo Yesu mi, nɛ waa kɛ hemi kɛ yemi ɔ nɛ na Mumi ɔ si womi ɔ.

Romabi 1:16

Ejakaa Kristo Sane Kpakpa a he zo pee we mi, mɛni he je ɔ, e ji Mawu he wami nɛ a kɛ heɔ nɔ tsuaa nɔ nɛ heɔ yeɔ ɔ yi wami, Yuda no kekle kɛ Hela no hulɔ.

Ni Tsumi 2:33

Jeha nɛ ɔ akɛnɛ a wo e nɔ kɛ ho Mawu hiɛ ɔ nine nɔ ya nɛ e na Mumi Klɔuklɔu ɔ he si womi ɔ kɛ je Tsɛ ɔ dɛ he je ɔ, e nɛ nɔ́ nɛ nyɛ ngɛ nae nɛ nyɛ ngɛ nue nɛ ɔ ngɔ pue si.

Yohane 14:26

Se Hepiɛlɔ ɔ nɛ ji Mumi Klɔuklɔu ɔ, nɔ nɛ Tsɛ ɔ maa tsɔ ngɛ ye biɛ mi ɔ, lɛ e maa tsɔɔ nyɛ nihi kulaa, nɛ e ma kai nyɛ nihi tsuo nɛ i de nyɛ ɔ.

Yohane 1:17

Ejakaa Mlaa a Mose nɔ a gu nɛ a ngɔ ha, se dloomi kɛ anɔkuale ɔ, Yesu Kristo nɔ e gu kɛ ba.

Luka 24:49

Nɛ oʼɛ, i ngɛ hae nɛ Tsaatsɛ si womi ɔ nɛ ba nyɛ nɔ; lɔ ɔ he ɔ nyɛɛ hi si ngɛ Yerusalem ma a mi kɛ ya su be nɛ a maa je hiɔwe ba wo nyɛ he wami.”

1 Petro 2:10

Sa a, nyɛ pi ma, se jehanɛ ɔ, Mawu ma ji nyɛ; sa a, a nɛ nyɛ mɔbɔ, se jehanɛ ɔ, a na nyɛ mɔbɔ.

Romabi 6:17

Se sina ha Mawu kaa jinɛ sa a yayami nyɔguɛhi ji nyɛ, se jeha nɛ ɔ nyɛ je nyɛ tsui tsuo mi kɛ bu kikɛmɛ a tsɔɔmi nɛ a ngɔ nyɛ ngɔ wo mi nɛ ɔ tue.

Ni Tsumi 1:4

Nɛ bene e kɛ mɛ ba kpe ɔ, e wo mɛ hiɔngɔ ke: “Nyɛ ko je Yerusalem, se mohu nyɛɛ mle tsɛ ɔ si womi ɔ nɛ nyɛ nu ngɛ ye nya a;

Yohane 15:26

“Se Hepiɛlɔ ɔ, nɛ ma tsɔ lɛ nyɛ ngɔ kɛ je Tsɛ ɔ ngɔ ɔ, nɔ nɛ ji anɔkuale Mumi ɔ nɛ jee Tsɛ ɔ ngɔ baa a, lɛ nɛ ke e ba a, e maa ye ye he odase;

Ni Tsumi 13:26

“Tsaatsɛmɛ kɛ mamimɛ, Abraham nina kɛ nyɛ kpɛti nihi nɛ yee Mawu gbeye, nyɛ a kɛ kikɛmɛ a yi wami hemi muyu nɛ ɔ ba ha.

Yohane 6:27

Nyɛ ko tsu ngma nɛ puɛɛ ɔ he ni, se mohu nyɛ tsu ngma nɛ hii si kɛ yaa neneene wami mi nɛ Nɔmlɔ Bi ɔ ma ha nyɛ ɔ he ni, ejakaa lɛ e nya Tsɛ Mawu ɔ sɔu.”

Luka 11:13

Lɛɛ ke nyɛ nɛ nyɛ ji nimli yayamihi ɔ, nyɛ le bɔ nɛ nyɛ peɔ nɛ nyɛɛ kɛ nike ni kpakpahi kee nyɛ bimɛ ɔ, nyɛmɛ nɔuu nɛ nyɛ tsɛ nɛ ngɛ hiɔwe ɔ be Mumi Klɔuklɔu ɔ ngɔe ha nihi nɛ biɔ lɛ ɔ?”

Kpojemi 7:2

Nɛ i na bɔfo kpa ko nɛ e ngɛ kuɔe kɛ ngɛ pu site he jee kɛ ma, nɛ e hɛɛ Mawu hɛ kalɔ ɔ nya sɔumi nɔ. E kpa ngmlaa wawɛɛ kɛ de bɔfohi eywiɛ nɛ a ha mɛ he wami kaa a pee zugba a kɛ wo ɔ yayami ɔ

Yakobo 1:18

Lɛ nitsɛ e suɔmi nya a kɛ anɔkuale munyu ɔ fɔ wɔ, konɛ waa pee e nibɔ ni ɔmɛ a mi kekleekle yiblii.

Hebribi 2:3

kɛ wa maa pee kɛ tu nya fo kɛɛ, ke wa bui kikɛmɛ a yi wami hemi kpetekpleenyɛ nɛ ɔ? Nyɔmtsɛ ɔ nitsɛ ji nɔ nɛ tu he munyu kekle, nɛ ninɛmɛ nɛ nu ɔ hu ma nɔ mi ha wɔ,

2 Timoteo 3:15

nɛ o jokuɛwi a si o je nɛ o le ngmami klɔuklɔu ɔ, nɛ ma nyɛ ma ha o le nihi nɛ maa gu Kristo Yesu nɔ hemi kɛ yemi nɔ kɛ ya yi wami hemi mi ɔ.

2 Timoteo 2:15

Bɔɔ mɔde nɛ o da si ngɛ Mawu hɛ mi kaa znɔ ko nɛ sa, ni tsulɔ nɛ gbo we zo nɛ tsɔɔ anɔkuale munyu ɔ pɛpɛɛpɛ.

Efesobi 4:21

ke e ngɛ mi kaa nyɛ nu e he, nɛ a tsɔɔ nyɛ ngɛ e mi hulɔ, bɔ nɛ ji anɔkuale ngɛ Yesu mi ɔ,

2 Korintobi 6:7

ngɛ anɔkuale munyu tumi mi, ngɛ Mawu he wami mi, kɛ gu dami ta hwumi nihi kɛ ha hiɛ ɔ kɛ muɔ,

Yohane 3:33

Nɔ tsuaa nɔ nɛ heɔ e odase ɔ yeɔ ɔ maa nɔ mi kaa anɔkualetsɛ ji Mawu.

Yakobo 1:21

Lɔ ɔ he ɔ, nyɛ sake mu ni tsumi kɛ subai yayamihi kulaa ngɔ pue he, nɛ nyɛɛ kɛ he si bami nɛ he munyu ɔ nɛ a du ngɛ nyɛ mi nɛ ngɛ he wami nɛ e kɛ ma he nyɛ klaa yi wami ɔ.