Efesobi 1:12 - Somi He Ɔ

¹² benɛ pee nɛ wɔ nihi nɛ wa sɛ hlami ngɔ wa hɛ ngɔ fɔ Kristo nɔ ɔ, wa plɛ e he mi nyami ɔ yi jemi.

BAIBLO ALOO NGMAMI KLƆUKLƆU Ɔ

¹² Lɔ ɔ he ɔ, wɔ nɛ wa ji kekleekle nihi nɛ wa ngɔ wa hɛ ngɔ fɔ Kristo nɔ ɔ, nyɛ ha wa je Mawu yi kaa e hɛ mi ngɛ nyami.

Efesobi 1:12 ပူးပေါင်းရင်းမြစ်များ

Yohane 14:1

“Nyɛ ko ye nyɛ tsui; nyɛ he Mawu nɔ nyɛɛ ye, nɛ imi hu nyɛ he ye nɔ nyɛɛ ye.

Efesobi 1:6

konɛ a kɛ je e dloomi hɛ mi nyami ɔ yi, nɔ́ nɛ e kɛ dloo wɔ ngɛ nɔ nɛ a suɔ lɛ ɔ mi ɔ.

Efesobi 2:7

konɛ be nɛ maa ba a mi ɔ, e je lɛ nitsɛ e dloomi ɔ hiɛmi nɛ be nɔ ɔ kpo, kɛ e mi mi himi nɛ e ngɛ ha wɔ ngɛ Kristo Yesu mi ɔ.

Efesobi 3:21

lɛ a ngɔ hɛ mi nyami ngɔ ha ngɛ asafo nɛ ngɛ Kristo Yesu mi ngɛ yi nɔhi kulaa mi kɛ ya neneene kɛ neneene! Amen.

2 Tesalonikabi 2:13

Se wɔɔ lɛɛ, e sa kaa wa naa Mawu si daa ngɛ nyɛ he, mamimɛ nɛ Nyɔmtsɛ ɔ suɔ, ejakaa Mawu hla nyɛ kɛ je sisije ngɔ ha yi wami hemi ngɛ mumi ɔ klɔuklɔu peemi kɛ anɔkuale ɔ hemi kɛ yemi mi,

2 Timoteo 1:12

kɔlɔ ɔ nɔuu he nɛ i ngɛ nɛ ɔ nae nɔ nɛ. Se kɛ ɔ, e pee we mi zo, ejakaa i le nɔ nɛ i he ye ɔ, nɛ i ngɛ he wami ngɛ nɔ kaa e ma nyɛ nihi nɛ e to ha mi ɔmɛ a he maa bu kɛ ya si jamɛ a Ligbi ɔ nɔ.

Yakobo 1:18

Lɛ nitsɛ e suɔmi nya a kɛ anɔkuale munyu ɔ fɔ wɔ, konɛ waa pee e nibɔ ni ɔmɛ a mi kekleekle yiblii.

1 Petro 1:21

Nyɛ gu e nɔ he Mawu, nɔ nɛ tle lɛ si kɛ je gbeje nɛ e wo e hɛ mi nyami ɔ ye, benɛ pee nɛ nyɛ hemi kɛ yemi kɛ nyɛ hɛ kɛ nɔ fɔmi nɛ hi Mawu nɔ.