3 Yohane 1:5 - Somi He Ɔ

⁵ Mami nɛ i suɔ, nɔ nɛ o tsuɔ kɛ haa nyɛmimɛ nɛ ji nibwɔ ɔmɛ ɔ, anɔkuale mi o peɔ ngɛ.

BAIBLO ALOO NGMAMI KLƆUKLƆU Ɔ

⁵ Ye nyɛmi nɛ i suɔ saminya! Dengme nɛ o ngɛ gboe ngɛ nyɛmimɛ ɔmɛ a he, titli nibwɔ ɔmɛ ɔ, o tsui tsuo o kɛ ngɛ ní nɛ ɔ tsue.

3 Yohane 1:5 ပူးပေါင်းရင်းမြစ်များ

Galatabi 6:10

Lɔ ɔ he ɔ, akɛnɛ wa ngɛ deka he je ɔ, nyɛ ha waa pee nihi tsuo kpakpa, se titli ɔ, ninɛme nɛ ji hemi kɛ yemi ɔ mi bi ɔmɛ.

Kolosebi 3:17

Nɛ nɔ́ tsuaa nɔ́ nɛ nyɛ ngɛ pee ngɛ munyu tumi loo ni tsumi blɔfami ɔ, nyɛɛ pee kulaa ngɛ Yesu Kristo biɛ mi, nɛ nyɛɛ gu e nɔ kɛ na Mawu kɛ Tsɛ ɔ si.

Luka 12:42

Nyɔmtsɛ ɔ ha heto ke: “Se mɛnɔ mɔ ji tsɔlɔ nɔkɔtɔma anɔkualetsɛ kɛ ni lelɔ, nɛ e nyɔmtsɛ ɔ maa wo lɛ nɔkɔtɔma ngɛ e webihi a nɔ, konɛ e ha mɛ a niyeni ngɛ be nɛ sa mi ɔ?

Mateo 24:45

“Lɛɛ mɛnɔ ji tsɔlɔ anɔkualetsɛ kɛ ni lelɔ mɔ nɛ e nyɔmtsɛ ngɔ lɛ ngɔ to e webi ɔmɛ a nya konɛ e ha mɛ a nya mi ngma ngɛ be nɛ sa mi ɔ?

Ni Tsumi 1:15

Jamɛ a be ɔmɛ a mi ɔ, Petro te si da kaseli ɔmɛ a kpɛti, nihi nɛ bua a he nya a, maa pee nihi lafa kɛ nyingmi enyɔ, nɛ e ke:

Romabi 12:13

Ni klɔuklɔu ɔmɛ a kɔmɔ ɔ e pee nyɛ kɔmɔ; nyɛɛ bɔ nibwɔ peemi he mɔde.

Hebribi 13:2

Nibwɔ peemi hu, nyɛ hɛ ko je nɔ, ejakaa lɔɔ nɔ ni komɛ gu kɛ pee hiɔwe bɔfohi nibwɔ, nɛ a li.

3 Yohane 1:3

Ejakaa i na bua jɔmi babauu benɛ nyɛmimɛ komɛ ba nɛ a ba ye o nɔkuale ɔ he odase, bɔ nɛ o nyɛɛ ngɛ anɔkuale ɔ mi ɔ.

3 Yohane 1:10

Lɔ ɔ he ɔ ke i ba hu, ma wo e ni tsumi ɔmɛ a he sane nɔ, bɔ nɛ e tuɔ wa he munyu yaya, nɛ enɛ ɔmɛ tete pi ha lɛ. Lɛ nitsɛ ɔ, e he we nyɛmimɛ ɔmɛ, nɛ jehanɛ hu nihi nɛ suɔ kaa a pee ja a, e tsiɔ mɛ blɔ, nɛ e fieɔ mɛ kɛ jee asafo ɔ mi.

Mateo 25:16

Se nɔ nɛ na talenta enuɔ ɔ ho nɛ e ya plɛ he, nɛ e na talenta enuɔ kɛ bɔ he.