2 Yohane 1:6 - Somi He Ɔ

⁶ Enɛ ɔ ji suɔmi ɔ nɛ, kaa waa nyɛɛ ngɛ e kita amɛ a nya. Enɛ ɔ ji kita a nɛ, kaa bɔ nɛ nyɛ nu kɛ je sisije ɔ, nɛ nyɛɛ hi si ngɛ suɔmi mi.

BAIBLO ALOO NGMAMI KLƆUKLƆU Ɔ

⁶ Suɔmi nɛ i ngɛ he munyu tue ɔ tsɔɔ kaa waa ye Mawu mlaa amɛ a nɔ. Kaa bɔ nɛ nyɛ nu kɛ je sisije ɔ, mlaa a ji kaa nyɛ tsuo nyɛɛ suɔ nyɛ he.

2 Yohane 1:6 ပူးပေါင်းရင်းမြစ်များ

1 Yohane 5:3

Ejakaa enɛ ji suɔmi nɛ wa suɔ Mawu kaa waa ye e kita amɛ a nɔ; nɛ e kita amɛ a nya wɛ́,

1 Yohane 2:24

Lɔ ɔ he ɔ, nyɛɛ lɛɛ, nɔ́ nɛ nyɛ nu kɛ je sisije ɔ, nyɛ ha kɔlɔ ɔ nɛ hi nyɛ mi. Ke nɔ́ nɛ nyɛ nu kɛ je sisije ɔ ngɛ nyɛ mi ɔ, lɔ ɔ lɛɛ nyɛ hu nyɛ maa hi Bi ɔ kɛ Tsɛ ɔ mi.

1 Yohane 2:5

Se nɔ tsuaa nɔ nɛ yeɔ e munyu ɔ nɔ ɔ, niinɛ, lɛ e mi Mawu suɔmi ɔ pi si ngɛ. Enɛ ɔ waa kɛ leɔ kaa wa ngɛ e mi.

Yohane 15:10

Ke nyɛ ye ye kita amɛ a nɔ ɔ, nyɛ maa hi ye suɔmi ɔ mi; kaa bɔ nɛ imi hu i ye Tsaatsɛ kita amɛ a nɔ nɛ i ngɛ e suɔmi ɔ mi ɔ.

Yohane 14:15

“Ke nyɛ suɔ mi ɔ, nyɛ maa ye ye kita amɛ a nɔ.

Yohane 15:14

Ke nyɛ pee nihi nɛ i ngɛ nyɛ he kita woe nɛ ɔ, lɛɛ ye huɛmɛ ji nyɛ.

Yohane 14:21

“Nɔ nɛ ngɔɔ ye kita amɛ nɛ e yeɔ nɔ ɔ, lɛ ji nɔ nɛ suɔ mi; nɛ nɔ nɛ suɔ mi ɔ, Tsaatsɛ maa suɔ lɛ, nɛ imi hu ma suɔ lɛ, nɛ ma je ye he si ngɔ tsɔɔ lɛ.”

1 Yohane 5:15

Nɛ ke wa le kaa nɔ tsuaa nɔ nɛ wa baa lɛ ɔ e buɔ wɔ tue ɔ, blɔɔ wa le kaa nihi nɛ wa baa lɛ ɔ, wa nine su nɔ.

2 Yohane 1:5

Lɔ ɔ he ɔ i ngɛ mo pɛɛ kpae, Awula, pi kita he ko nɛ i ngɛ mo ngmae, se mohu nɔ nɛ wa ngɛ kɛ je sisije ɔ: kaa waa suɔ wa he.

Yohane 14:23

Yesu he nɔ nɛ e de lɛ ke: “Ke nɔ ko suɔ mi ɔ, e maa ye ye munyu ɔ nɔ, nɛ Tsaatsɛ maa suɔ lɛ, nɛ wa maa ba e ngɔ, nɛ waa kɛ e ngɔ maa pee wa sihi he.

1 Yohane 2:7

Mamimɛ, pi kita he ko nɛ i ngɛ nyɛ ngmae nɛ ɔ, se mohu kita momo nɛ nyɛ ngɛ kɛ je sisije ɔ: Kita momo ɔ ji munyu nɛ nyɛ nu kɛ je sisije ɔ.