2 Yohane 1:5 - Somi He Ɔ

⁵ Lɔ ɔ he ɔ i ngɛ mo pɛɛ kpae, Awula, pi kita he ko nɛ i ngɛ mo ngmae, se mohu nɔ nɛ wa ngɛ kɛ je sisije ɔ: kaa waa suɔ wa he.

BAIBLO ALOO NGMAMI KLƆUKLƆU Ɔ

⁵ Lɔ ɔ he ɔ, awenyɛ nɛ i suɔ! I kpa mo pɛɛ, nyɛ ha nɛ waa suɔ wa sibi. Nɔ́ nɛ i ngɛ ngmae nɛ ɔ, pi mlaa he, se mohu mlaa a nɛ a wo wɔ kɛ je sisije ɔ.

2 Yohane 1:5 ပူးပေါင်းရင်းမြစ်များ

1 Yohane 3:11

Ejakaa enɛ ɔ ji fiɛmi nɛ nyɛ nu kɛ je sisije ɔ kaa waa suɔ wa sibi;

1 Tesalonikabi 4:9

E hia we kaa ma ngma nyɛ ngɛ nyɛmimɛ a suɔmi he, ejakaa nyɛ nitsɛmɛ ɔ, Mawu tsɔɔ nyɛ kaa nyɛɛ suɔ nyɛ he;

Yohane 15:12

Enɛ ɔ ji ye kita a, kaa nyɛɛ suɔ nyɛ sibi kaa bɔ nɛ i suɔ nyɛ ɔ.

1 Yohane 3:23

Nɛ enɛ ji e kitaa a nɛ, kaa wa he e Bi Yesu Kristo biɛ ɔ nɔ ngɔ ye, nɛ waa suɔ wa sibi, kaa bɔ nɛ e wo wɔ kita a.

1 Yohane 4:20

Ke nɔ ko de ke: “I suɔ Mawu,” nɛ e nyɛɛ lɛ nitsɛ e nyɛmi ɔ, lakpatsɛ ji lɛ. Ejakaa nɔ nɛ sume lɛ nitsɛ e nyɛmi nɛ e naa a, Mawu nɛ e nɛ́ ɔ, kɛ maa pee kɛɛ nɛ e ma nyɛ lɛ maa suɔ?

1 Petro 4:8

Se titli ɔ, suɔmi nɛ nyɛɛ kɛ suɔ nyɛ he ɔ mi nɛ wa, ejakaa suɔmi haa yayamihi babauu nɔ.

2 Petro 1:7

nɛ mawu jami mi ɔ, nyɛmimɛ a he dɔmi; nɛ nyɛmimɛ a he dɔmi mi ɔ, suɔmi.

Hebribi 13:1

Nyɛɛ ya nɔ nɛ nyɛɛ suɔ nyɛ he daa kaa nyɛmimɛ.

Efesobi 5:2

nɛ nyɛɛ nyɛɛ ngɛ suɔmi mi kaa bɔ nɛ Kristo hu suɔ wɔ nɛ e ngɔ lɛ nitsɛ e he ngɔ ha ngɛ wa he kaa nɔ́ke nɔ́ kɛ bɔ nɛ he via nɛ a kɛ ha Mawu.

Galatabi 5:22

Se Mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Yohane 15:17

Enɛ ɔ i ngɛ nyɛ dee ke: Nyɛɛ suɔ nyɛ sibi.”

2 Yohane 1:1

Nɔkɔtɔma a ngma ya ha Awula nɛ a hia lɛ kɛ e bimɛ ɔmɛ, nihi nɛ i suɔ ngɛ anɔkuale mi, nɛ pi ye nɔ kake kɛkɛ, se nihi kulaa nɛ a le anɔkuale ɔ,