2 Yohane 1:2 - Somi He Ɔ

² ngɛ anɔkuale nɛ hii wa mi nɛ e kɛ wɔ maa hi si kɛ maa ya neneene ɔ he.

BAIBLO ALOO NGMAMI KLƆUKLƆU Ɔ

² Ejakaa anɔkuale ɔ ngɛ wa mi, nɛ anɔkuale ɔ kɛ wɔ maa hi si kɛ maa ya neneene.

2 Yohane 1:2 ပူးပေါင်းရင်းမြစ်များ

1 Yohane 2:17

Je ɔ bee kɛ yaa kɛ e mi se dimi ni ɔmɛ, se nɔ nɛ peɔ Mawu suɔmi nya ni ɔmɛ ɔ, e hii si kɛ yaa neneene.

1 Yohane 2:14

I ngɛ nyɛ ngmae, tsaatsɛmɛ, ejakaa nyɛ le nɔ nɛ ngɛ kɛ je sisije ɔ. I ngɛ nyɛ ngmae, nihewi, ejakaa nyɛ he wa, nɛ Mawu munyu ɔ hii nyɛ mi, nɛ nyɛ ye nɔ yayami ɔ nɔ kunimi.

1 Yohane 1:8

Ke wa de ke yayami ko be wa he ɔ, wɔ nitsɛmɛ wa he wa ngɛ sisie, nɛ anɔkuale ɔ be wa mi.

2 Petro 1:12

Lɔ ɔ he ɔ, ma kai nyɛ daa nɛ ngɛ kikɛmɛ a ni nɛ ɔmɛ a he, pohu nyɛ le momo nɛ nyɛ nane pi si ngɛ anɔkuale nɛ ngɛ ɔ mi.

2 Timoteo 1:5

Ye hɛ ngɛ o hemi kɛ yemi nɛ lakpa be mi ɔ nɔ, nɔ́ nɛ kekle nɛ e ngɛ o na Loise kɛ o nyɛ Eunike mi, nɛ i ngɛ he wami ngɛ nɔ kaa e ngɛ mo hu o mi ɔ.

Kolosebi 3:16

Nyɛ ha Kristo munyu ɔ nɛ hi nyɛ mi babauu ngɛ ni lemi tsuaa ni lemi mi; nɛ nyɛɛ tsɔɔ nyɛ he ni nɛ nyɛɛ tu munyu ngɔ tsɔɔ nyɛ he ngɛ saku fiamihi kɛ yi jemi lahi kɛ mumi mi lahi a mi, nɛ nyɛɛ kɛ sina nɛ la ngɛ nyɛ tsui mi ha Mawu.

2 Korintobi 4:5

Ejakaa pi wɔ nitsɛmɛ wa he nɛ wa ngɛ fiee, se mohu Kristo Yesu, kaa lɛ ji Nyɔmtsɛ, se wɔɔ lɛɛ, nyɛ sɔmɔli ji wɔ ngɛ Yesu he.

1 Korintobi 9:23

Sane Kpakpa a he nɛ i peɔ enɛ ɔmɛ kulaa ngɛ, benɛ pee nɛ imi hu ma na e mi ni ɔmɛ eko.

Yohane 15:7

Ke nyɛ hi ye mi nɛ ye munyu ɔ hi nyɛ mi ɔ, nɔ́ tsuaa nɔ́ nɛ nyɛ ma kpa he pɛɛ ɔ, a maa pee ha nyɛ.

Yohane 14:16

Nɛ imi lɛɛ ma bi Tsɛ ɔ, nɛ e ma ha nyɛ Hepiɛlɔ kpa, konɛ e kɛ nyɛ nɛ hi si kɛ ya neneene;