2 Timoteo 3:3 - Somi He Ɔ

³ nihi nɛ plee we nɔ he, somi mi kuli, sieku yeli, nihi nɛ nyɛ we a kɔnɔ nɔ nɛ a ye, nihi nɛ a hɛ jɔɛ, nihi nɛ sume nɔ́ kpakpa,

BAIBLO ALOO NGMAMI KLƆUKLƆU Ɔ

³ Nihi maa pee a ní kaa nɔ́ nɛ pi adesahi kulaa ji mɛ, nihi nɛ mɔbɔ nami ko be a mi, nihi a biɛ puɛli, nihi nɛ peeɔ basabasa nɛ a li zo, awi yeli, kɛ nihi nɛ sume nɔ́ kpakpa.

2 Timoteo 3:3 ပူးပေါင်းရင်းမြစ်များ

Yuda 1:18

ejakaa a de nyɛ ke: “Nyagbe be ɔ mi ɔ, nɔ he fɛu yeli nɛ nyɛɛ ngɛ mɛ nitsɛmɛ a kɔnɔ yaya amɛ a nya a maa ba.”

Romabi 1:31

nihi nɛ be yi mi, kutupɔtsɛmɛ, nihi nɛ nɛ mɔbɔ;

Mateo 10:21

“Nyɛmi maa ngɔ nyɛmi ngɔ ha gbenɔ, nɛ tsɛ maa ngɔ bi ngɔ ha, nɛ bimɛ maa te si ngɔ wo a fɔli nɛ a ma ha nɛ a gbe mɛ.

2 Petro 2:14

A hyɛ we nɔ́ ko nɔ́ ko kaa ja yi ya holi, nɛ a hɛ jɔɛ kɛ yayami peemi; a mlɔɔ nihi nɛ nane pi si ɔmɛ; a ngɛ hɛ tsumi tsui; musu bimɛ ji mɛ.

1 Timoteo 3:11

Yi ɔmɛ hu ja nɔuu; a pee nihi nɛ a hɛ mi jiɔ, pi sieku yeli, se a hɛ nɛ ka si, a ye anɔkuale ngɛ́ nihi kulaa mi.

Mateo 4:1

Kɛkɛ nɛ Mumi ɔ ngɔ Yesu kɛ ho nga a nɔ ya konɛ abosiami ya ka lɛ.

Kpojemi 17:6

Nɛ i na yo ɔ kaa klɔuklɔu bi ɔmɛ a muɔ ɔ kɛ Yesu he odase yeli ɔmɛ a muɔ ɔ de lɛ da. Benɛ i na lɛ ɔ ye nya kpɛ ye he wawɛɛ nitsɛ.

Kpojemi 16:6

A pue klɔuklɔu bi ɔmɛ kɛ gbali ɔmɛ a muɔ si, nɛ lɔ ɔ he ɔ muɔ nɔuu o ha mɛ nɛ a nu, ejakaa e sa mɛ ja.”

Kpojemi 13:17

Nɔ ko nɔ ko nyɛ we nɔ́ ko nɛ e he loo e jua, ja nɔ nɛ ngɛ okadi ɔ loo lohwe ɔ biɛ loo e biɛ ɔ yibɔ ɔ kɛkɛ.

Kpojemi 13:15

Nɛ a ha lɛ he wami nɛ e kɛ mumi nɛ ha lohwe ɔ amaga a, konɛ lohwe ɔ amaga a nɛ tu munyu nɛ e ha a gbe nimli kulaa nɛ ja we lohwe ɔ amaga a.

Yuda 1:16

Nimli nɛ ɔmɛ ji nihi nɛ tuɔ munyu yaya, sieku yeli kɛ nɔ piali nɛ nɔ muɛ́ a hɛ nɛ a nyɛɛ mɛ nitsɛmɛ a kɔnɔ yayahi a se; a peɔ nya puu, nɛ a gbee nimli a yi mi ngɛ se nami he.

2 Petro 3:3

Kekleekle ɔ, nyɛɛ le enɛ ɔ kaa nyagbe ligbi ɔmɛ a mi ɔ, nɔ he fɛu yeli maa ba kɛ he fɛu yemi, nihi nɛ maa nyɛɛ ngɛ mɛ nitsɛmɛ a kɔnɔ ɔmɛ a nya,

Yakobo 2:6

Nɛ nyɛɛ lɛɛ nyɛ gbee ohiafo ɔ he guɛ. Anɛ pi niatsɛmɛ ɔmɛ nɛ yeɔ nyɛ nɔ wawɛɛ, nɛ mɛ nɔuu lɛ a kpakaa nyɛ kɛ yaa kojomi he ɔmɛ?

Tito 2:3

Yimowi hu ja nɔuu kãa a ba a je mi bɔ nɛ sa ni klɔuklɔu ɔmɛ. A ko tu nihi a he munyu a ko pee dadeli, a pee nihi nɛ tsɔɔ ni kpakpahi,

Tito 1:8

se mohu nibwɔ peelɔ, nɔ nɛ suɔ nɔ́ nɛ hi, nɔ nɛ juɛmi ka si, dalɔ, nɔ nɛ he tsɔ, nɔ nɛ hɛ mi ka si,

1 Tesalonikabi 4:8

Lɔ ɔ he ɔ jehanɛ, nɔ nɛ bui tsɔɔmi nɛ ɔ ɔ, pi nɔmlɔ ko nɛ e bui ɔ, se mohu Mawu nɔ nɛ ngɔ e Mumi Klɔuklɔu ɔ ngɔ wo nyɛ mi ɔ ʼi.

1 Korintobi 7:9

Se ke a nyɛ we a he nɔ nɛ a ye ɔ, a sɛ gba si himi mi; ejakaa gba si himi hi pe nɔ́ nɛ akɔnɔ maa hao mo.

1 Korintobi 7:5

Nyɛ ko kua nyumu kɛ yo buami ja nyɛ ni enyɔ ɔ tsuo nyɛ kplɛɛ kaa nyɛ maa pee ja, kɛ ya su be ko, konɛ nyɛ na deka nɛ nyɛɛ sɔle; nɛ lɔ ɔ se ɔ nyɛɛ pee kake ekohu, konɛ Satan ko tsɔ nyɛ nya ngɛ nyɛ he nɔ nɛ nyɛ nyɛ we nɛ nyɛɛ ye ɔ he.

Yohane 6:70

Yesu he nɔ nɛ e de mɛ ke: “Anɛ pi nyɛ ni nyɔngma kɛ enyɔ nɛ i hla lo? Se nyɛ kpɛti nɔ kake ɔ abosiami ʼi.”

Luka 16:14

Nɛ Farisifo ɔmɛ nɛ ji sikasuɔli ɔmɛ nu ni nɛ ɔmɛ tsuo nɛ a muɔ lɛ.

Luka 10:16

“Nɔ nɛ buɔ nyɛ tue ɔ, imi tue e buɔ ɔ nɛ; nɛ nɔ nɛ kuaa nyɛ ɔ, imi e kuaa a nɛ; nɛ nɔ nɛ kuaa mi ɔ, nɔ nɛ tsɔ mi ɔ e kuaa a nɛ.”

2 Petro 2:19

A woɔ mɛ si ke a maa ye a he, pohu mɛ nitsɛ mɛ ɔ puemi nyɔguɛhi ji mɛ, ejakaa nɔmlɔ peɔ nyɔguɛ ngɔ haa nɔ́ tsuaa nɔ́ nɛ yeɔ e nɔ ɔ.

Romabi 1:29

A hyi tɔ kɛ ni yayamihi, yiwitso, hɛ tsumi, yayami; a hyi tɔ kɛ nyɛmi, awi yemi, pɛ, sisimi, nihi a he munyu tumi;