2 Korintobi 8:9 - Somi He Ɔ

⁹ Ejaka nyɛ le wa Nyɔmtsɛ Yesu Kristo dloomi ɔ, kaa lɛ nɛ ji niatsɛ ɔ, e plɛ ohiafo ngɛ nyɛ he, konɛ nyɛɛ gu e hia a nɔ kɛ plɛ niatsɛmɛ.

BAIBLO ALOO NGMAMI KLƆUKLƆU Ɔ

⁹ Nyɛ le suɔmi agbo nɛ wa Nyɔmtsɛ Yesu Kristo ngɛ kɛ ha wɔ. Niatsɛ mi niatsɛ ji lɛ. Se nyɛ he ɔ, e pee e he ohiatsɛ, konɛ nyɛɛ lɛɛ nyɛɛ pee niatsɛmɛ.

2 Korintobi 8:9 ပူးပေါင်းရင်းမြစ်များ

Romabi 8:32

Mawu nɛ kamaa we wɔ elɛ nitsɛ e Bi ɔ, se mohu e ngɔ lɛ ngɔ ha ngɛ wɔ tsuo wa nane mi ɔ, anɛ e be nihi tsuo kulaa ngɔe ngɔ piɛ e he kɛ ke wɔ lo?

Mateo 20:28

Kaa bɔ nɛ Nɔmlɔ Bi ɔ bɛ nɛ a sɔmɔ lɛ, se e ba sɔmɔmi mohu, nɛ e ngɔ e klaa a kɛ ha kaa kpɔmi nɔ kɛ ha nihi fuu ɔ.”

Romabi 5:8

Se Mawu jeɔ e suɔmi nɛ e kɛ suɔ wɔ kpo tsɔɔ, kaa be mi nɛ wa ji yayami peeli lokoo nɛ Kristo ba gbo ngɛ wa nane mi.

2 Korintobi 6:10

kaa kɔmɔ yeli, se wa bua jɔɔ daa; kaa ohiafohi, se wa tsakee nihi fuu ngɔ peɔ niatsɛmɛ; kaa nihi nɛ be nɔ́ ko, se kɛ̃ ɔ wa ngɛ nihi kulaa.

Efesobi 2:7

konɛ be nɛ maa ba a mi ɔ, e je lɛ nitsɛ e dloomi ɔ hiɛmi nɛ be nɔ ɔ kpo, kɛ e mi mi himi nɛ e ngɛ ha wɔ ngɛ Kristo Yesu mi ɔ.

Yohane 1:14

Nɛ Munyu ɔ plɛ he lo, nɛ e ba hi wa kpɛti, nɛ wa na e hɛ mi nyami ɔ kaa Tsɛ ɔ Bi kaketoo ɔ hɛ mi nyami, nɛ dloomi kɛ anɔkuale hyi lɛ tɔtɔɔtɔ.

Yakobo 2:5

Mamimɛ nɛ i suɔ, nyɛɛ bu tue! Anɛ pi je nɛ ɔ mi ohiafohi nɛ ji niatsɛmɛ ngɛ hemi kɛ yemi blɔfami ɔ nɛ Mawu hla, konɛ matsɛyemi nɛ e wo he si ngɔ ha ninɛmɛ nɛ a suɔ lɛ ɔ nɛ e pee a nɔ lo?

Efesobi 3:8

Imi nɛ i ji nɔ wayo pe he tsɔli ɔmɛ kulaa a, a ngɔ kikɛmɛ a dloomi nɛ ɔ ngɔ ha mi, kaa ma jaje Kristo nihiɛmi nɛ a be sisi nyɛe maa na kɛ gbe nya a he sane kpakpa a ngɔ tsɔɔ maje li ɔmɛ,

1 Timoteo 6:18

A pee kpakpa, nɛ a plɛ niatsɛmɛ ngɛ kpakpa peemi blɔfami, a suɔ nɔ hami, a ko pee kpɛle,

Luka 16:11

Lɔ ɔ he ɔ ke nyɛ yi kutupɔ ni nami ɔ po mi anɔkuale ɔ, nɔ́ nɛ ji ni nami nitsɛ ɔ, mɛnɔ maa tu kɔlɔ ɔ ngɔ wo nyɛ dɛ?

Hebribi 1:2

se ngɛ nyagbe ligbi nɛ ɔmɛ a mi ɔ, e Bi ɔ nya e kɛ wɔ tu munyu ngɛ, nɔ nɛ e ngɔ lɛ ngɔ pee nihi kulaa yelɔ ɔ, nɔ nɛ nɔ hu nɛ e gu kɛ bɔ je ɔ kɛ e mi ni ɔmɛ;

Luka 9:58

Se Yesu de lɛ ke: “Kɔkɔbohi ngɛ muɔhi, nɛ hiɔwe lohwe pɛlitsɛmɛ hu ngɛ tsuhi, se Nɔmlɔ Bi o lɛɛ e be he nɛ e kɛ e yi fɔɔ.”

Kpojemi 3:18

i ngɛ mo ga woe ke o he sika nɛ a tsu he ngɛ la mi kɛ je ye ngɔ, kone o na ni, kɛ tade hiɔ, kone o wo nɛ o he gu nɛ ngɛ zo ɔ nɛ ko fɔ si, kɛ hɛngmɛ tsopa nɛ o kɛ nga o hɛngmɛ nɔ, kone o hyɛ nɔ.

Efesobi 3:19

nɛ nyɛɛ le Kristo suɔmi nɛ pa ni lemi tsuo ɔ, konɛ Mawu himi kɛ si pimi ɔ nɛ hyi nyɛ tsuo tɔtɔɔtɔ.

1 Korintobi 1:4

I naa ye Mawu ɔ si daa nɛ ɔ ngɛ nyɛ nyɛ he, ngɛ Mawu dloomi nɛ a ngɔ ha nyɛ ngɛ Kristo Yesu mi ɔ he,

Luka 2:7

Nɛ pe fɔ bi nyumu, e kekleekle bi ɔ, nɛ e ngɔ bo ngɔ blaa lɛ, nɛ e ngɔ lɛ ngɔ fɔ lohwehi a niye ni nɔ mi, ejakaa a nɛ blɔ ngɛ nibwɔhi a to he ɔ.

Yohane 16:15

Nihi tsuo nɛ ji Tsɛ ɔ nɔ ɔ, ye nɔ ʼi; lɔ ɔ he nɛ i de ke: ‘E maa ngɔ ye nɔ ɔ eko nɛ e wo nɔ ta de nyɛ’ ɔ nɛ.”

Yohane 1:17

Ejakaa Mlaa a Mose nɔ a gu nɛ a ngɔ ha, se dloomi kɛ anɔkuale ɔ, Yesu Kristo nɔ e gu kɛ ba.

Yohane 1:10

Je ɔ mi e ngɛ, nɛ e nɔ a gu kɛ pee je ɔ, se je ɔ li lɛ.

Mateo 8:20

Yesu de lɛ ke: “Kɔkɔbohi ngɛ muɔhi, nɛ hiɔwe lohwe pɛlitsɛmɛ ngɛ tsuhi; se Nɔmlɔ Bi ɔ be he nɛ e kɛ e yi fɔɔ.”

Kpojemi 21:7

Kunimi yelɔ ɔ maa pee kikɛmɛ a ni nɛ ɔmɛ kulaa yelɔ, nɛ ma pee e Mawu, nɛ lɛ hu e maa pee ye bi.

1 Korintobi 15:47

Kekle nɔmlɔ nɛ je zugba a mi ɔ, zu ʼi, nɔmlɔ nɛ ji enyɔ ɔ je hiɔwe.

Romabi 11:12

Se ke a si gbeemi ɔ plɛ je ɔ ni nami, nɛ a nɔ gbɔmi ɔ hu plɛ majeli ɔmɛ a ni nami ɔ, lɛɛ kɛ a gbaami ɔ maa hiɛ ha kɛɛ, ke Israel tsuo tsake ɔ?

Yohane 17:19

Nɛ a he nɛ imi nitsɛ i peɔ ye he klɔuklɔu ɔ nɛ, konɛ mɛ hu a pee mɛ klɔuklɔu ngɛ anɔkuale mi.

Yohane 12:30

Yesu he nɔ nɛ e ke: “Tsa pi ye he nɛ gbi nɛ ɔ ba ngɛ, se nyɛ mohu nyɛ he.

Marko 6:3

Anɛ pi kapitɛ ɔ ji nɛ ɔ, Maria bi ɔ, kɛ Yakobo kɛ Yose kɛ Yuda kɛ Simonmɛ a nyɛmi nyumu ɔ, nɛ pi e nyemimɛ yihi hu nɛ kɛ wɔ ngɛ hiɛ ɔ?” Nɛ lɔ ɔ he ɔ a kua lɛ.

Mateo 17:27

Se benɛ pee nɛ wa ko tsɔ a nya a, yaa wo ɔ nya nɛ o ya fɔ gbowe, nɛ kekleekle lo nɛ ma ba mi gbowe ɔ, sa lɛ, nɛ ke o pa e nya mi ɔ, o maa na sika nɛ nya suu yi enyɔ; je nɛ o ngɔ ha mɛ, ha i kɛ mo tsuo.”

Kolosebi 1:24

Jehanɛ ye bua jɔɔ ngɛ ye nɔ namihi nɛ i naa ngɛ nyɛ he ɔmɛ a mi, nɛ i haa nihi nɛ piɛ ngɛ Kristo amanehulu ɔmɛ a mi ɔ hyiɔ tɔ ngɛ ye he lo ɔ mi ha e nɔmlɔ tso nɛ ji asafo ɔ.

Luka 8:3

kɛ Yohana, Herode tsɔlɔ nɔkɔtɔma Kusa yo ɔ, kɛ Susana, kɛ ni kpahi fuu nɛ kɛ a nihi sɔmɔɔ mɛ ɔ.

Romabi 15:3

Ejakaa Kristo hu susu we lɛ nitsɛ e he; se mohu kaa bɔ nɛ a ngma a: “Ninɛmɛ nɛ bɔ mo ahlua a, a hlua bɔmi ɔ ba nɔ ye nɔ.”

Kpojemi 2:9

I le o ni tsumi ɔmɛ kɛ o dengme gbomi ɔmɛ kɛ o hia a, — se kɛ ɔ niatsɛ ji mo — nɛ i le ni yayahi nɛ nihi nɛ deɔ ke Yudafohi ji mɛ se a pi ja se mohu a ji Satan kpe mi bimɛ ɔ deɔ ngɛ o he ɔ.