2 Korintobi 7:8 - Somi He Ɔ

⁸ Ke ye womi ɔ ha nɔ́ ko dɔ nyɛ po ɔ, kɛ̃ ɔ i pia we ye he. E dɔ mi kɛ̃, ejakaa jamɛ a womi ɔ dɔ nyɛ mohu, se be kpiti kɛkɛ e dɔ nyɛ.

BAIBLO ALOO NGMAMI KLƆUKLƆU Ɔ

⁸ Jamɛ a womi ɔ nɛ i ngma nyɛ ɔ ha nɛ nyɛ hao mohu lɛɛ, se i pia we ye he kaa i ngma. I pia ye he kaa womi ɔ ha nɛ nyɛ hao, pohu be kpiti ko kɛkɛ.

2 Korintobi 7:8 ပူးပေါင်းရင်းမြစ်များ

Kpojemi 3:19

Imi lɛɛ, nihi abɔ nɛ i suɔ ɔ, i kãa mɛ nɛ i gblaa a tue; lɔ ɔ he ɔ, o hɛ nɛ dɔ nɛ o tsake o tsui!

2 Korintobi 7:11

Ejakaa oʼɛ, kikɛmɛ a dɔmi nɛ e dɔ nyɛ bɔ nɛ sa Mawu hɛ mi nɛ ɔ nɔuu ɔ, nyɛɛ hyɛ mɔde bɔmi, nya jemi, tsui la womi, gbeye yemi, hɛja, hɛ dɔmi kɛ lue yemi tete nɛ e tsɛ ngɔ wo nyɛ mi! Nɔ́ tsuaa nɔ́ mi ɔ nyɛɛ kɛ nyɛ he tsɔɔ wɔ kaa nyɛ he tsɔ ngɛ kikɛmɛ a sane nɛ ɔ mi.

2 Korintobi 7:6

Se Mawu, nɔ nɛ jɔɔ nihi nɛ baa a he si ɔmɛ a bua a, e kɛ Tito bami ɔ jɔɔ wa bua.

Yohane 21:17

Yesu bi lɛ nɔ́ nɛ ji si etɛ ke: “Simon, Yona bi, o suɔ mi lo?” E dɔ Petro kaa e bi lɛ si etɛ sɔuu ke: ‘O suɔ mo lo?’ ɔ; nɛ e de lɛ ke: “Mawetsɛ, o le nihi kulaa, o le kas i suɔ mo.” Yesu de lɛ ke: “Lɛɛ ye to omɛ!

Yohane 16:6

Se nɛ i wo ni nɛ ɔmɛ a nɔ ta de nya he je ɔ, kɔmɔ yemi hyi nyɛ tsui mi.

2 Korintobi 7:7

Se pi e bami ɔ kɛkɛ, se mohu bua womi nɛ e na kɛ je nyɛ ngɔ ɔ hulɔ, ejakaa e ba bɔ wɔ bɔ nɛ nyɛ ngɛ hlae nɛ nyɛ maa na mi, kɛ nyɛ kɔmɔ yemi ɔ, kɛ ye he mɔde nɛ nyɛ ngɛ bɔe ɔ, enɛ ɔ he ɔ i na bua jɔmi babauu pe keklee ɔ.

2 Korintobi 7:9

Se jehanɛ ɔ, ye bua jɔ, pi ngɛ dɔmi nɛ e dɔ nyɛ ɔ he, se mohu akɛnɛ e dɔ nyɛ nɛ e ha nyɛ pia nyɛ he ɔ he je. Ejakaa e dɔ nyɛ bɔ nɛ sa Mawu hɛ mi konɛ e ko je wɔ nɛ nɔ́ ko laa nyɛ.

2 Korintobi 7:12

Lɔ ɔ he ɔ, ke i ngma nyɛ tete po ɔ, tsa pi nɔ nɛ tɔ ɔ he je, jehanɛ hu tsa pi nɔ nɛ a tɔ e nɔ ɔ he je, se mohu benɛ pee nɛ wa he mɔde nɛ nyɛ ngɛ bɔe ɔ nɛ je kpo paa ha nyɛ ngɛ Mawu hɛ mi.